SILKIMJÚK HÚÐ

Warning: file_get_contents(https://graph.facebook.com/?ids=https://www.thorunnivars.is/silkimjuk-hud/): failed to open stream: HTTP request failed! HTTP/1.1 400 Bad Request in /var/www/virtual/thorunnivars.is/htdocs/wp-content/plugins/popular-post-by-facebook-like/popular-post-by-facebook-like.php on line 17

Warning: array_keys() expects parameter 1 to be array, null given in /var/www/virtual/thorunnivars.is/htdocs/wp-content/plugins/popular-post-by-facebook-like/popular-post-by-facebook-like.php on line 19

Ég fæ svo ótrúlega margar spurningar varðandi húðumhirðu og vandræði sem stelpur eiga með húðina sína. En langaði að sýna ykkur uppáhaldsvörurnar mínar í augnablikinu sem skila mér hreinni og lýtalausri húð. Það er enginn fullkominn og allar fáum við einstaka bólur eða þurrk eða annað. En þetta eru þær vörur sem ég nota kvöld eftir kvöld, eftir kvöld. Jú af því að þær henta mér- sumar ykkar hafa lesið þetta marg oft hér á síðunni en aldrei er gömul vísa of oft kveðin. Silky Purifying línan frá Sensai spilar stórt hlutverk í minni húðumhirðu og er ég að verða nokkuð stressuð með að sumar þeirra séu að klárast, enda ansi dýr pakki. En ég sver það að þær eru það besta sem hefur komið fyrir mig og húðina mína (en ekki veskið!).

HREINSA

Ég byrja alltaf á að þrífa farða af húðinni með hreinsiolíu frá Sensai sem að mér finnst unaðsleg. Hún er silkimjúk og breytist í mjólk þegar hún kemst í snertingu við vatn. En ég set hana í þurrann lófann og nudda henni yfir þurrt andlitið en nota svo heitt vatn til að nudda henni í andlitið og þrífa af. Ég á húðhreinsi bursta (segi ykkur frá bráum) sem ég nota með Sensai Milky Soap sem er húðhreinsir sem hreinsar djúpt ofan í svitaholurnar og losar húðina við öll óhreinindi og kemur jafnvægi á fituframleiðsluna. Áður en að ég geri nokkuð annað set ég alltaf Sensai Softening Lotion rakavatn úr Silk línunni og set í andlitið. Kemur jafnvægi á rakann í húðinni og undirbýr hana fyrir krem eða serum sem þú berð á næst.

SERUM/RAKAKREM

Næst á dagskrá er uppáhalds serumið mitt frá Lancôme sem heitir Visionnaire (lestu langa færslu um það hér) en ég prófaði það í mánuð áður en ég sagði ykkur frá því hér og ég hef bara ekkert hætt að nota það. Algjör snilld sem ég ber á á kinnar, nef, höku og á milli augnanna. Lokar svitaholunum mínum, sléttir yfirborð húðarinnar og kemur í veg fyrir að ég fái einstaka bólur.

Það má nota Serumið með rakakremi sem mér finnst lang best að gera og nýverið læddist Lait-Créme Concentré frá Embryolisse í snyrtiskúffuna. Það var búið að liggja þar ágætlega lengi þangað til að ég ákvað að prófa það í staðinn fyrir venjulega rakakremið mitt. Hver vissi af þessu snilldar kremi? Í fyrsta skipti sem ég prófaði það vaknaði ég með svoleiðis silkimjúka húð að hálfa væri hellingur. Las síðan lýsinguna á því og þar kom það akkurat fram að það kæmi einskonar “satín” áferð á húðina.  Kremið er ríkt af fitusýrum og vítamínum og veitir húðinni alla þá næringu og vatn sem hún þarf til að vera í jafnvægi. Þegar ég klára þessa túpu verður önnur keypt strax því þetta er algjör snilld og hefur komið alveg í stað venjulega rakakremsins míns og ekki er það verra hvað það er á hagstæðu verði. Þú færð það hér.

AUGU

Næst ber ég á mig EGF augnablik augngelið sem mér finnst vera algjör snilld. Kælandi og ekki klístrað eins og svo mörg augngel. Ég er búin að nota þetta núna síðan ég fékk það að gjöf og verð ég bara að segja að ég er hrikalega ánægð og sé mikinn mun á augnsvæðinu. Þú færð EGF augnablik út í Hagkaup og í næsta apóteki (Lyf & Heilsu minnir mig).

VARIR

Síðast en ekki síst ber ég á mig Maybelline Babylips varasalva alltaf fyrir svefninn og einu sinni í viku nota ég Sara Happ varaskrúbbinn frá Nola.is. Þetta combo er skothelt og sver ég að Babylips varasalvarnir séu þeir bestu sem ég hef prófað.

Þetta er í stuttu máli allt sem ég nota öll kvöld og sver að þessar vörur virka.