Færslan er unnin í samstarfi við The Body Shop.

HOLY GRAIL: ETHIOPIAN HONEY DEEP NOURISHING MASK

Man það eins og það hafi verið í gær þegar ég prófaði hunangsmaskann frá The Body Shop fyrst en þetta var eiginlega ást við fyrstu sýn. Síðan þá hefur hann verið minn “go to” raka- og næringarmaski þegar húðin þarf eitthvað aðeins extra. Sem er örugglega um það bil vikulega. Ég hef rosalega oft talað um þennan maska en hann hefur aldrei fengið færslu tileinkaða sér. Ég leita rosalega mikið í þennan maska en ég leyfi honum að liggja á húðinni í dágóða stund. Eftir á er húðin stútfull af raka, næringu og er silkimjúk og ljómandi. Maskinn er einskonar kælandi gelformúla og finnst mér fátt betra en að bera hann á og finna hvernig hann hefur kælandi og bólgueyðandi áhrif á húðina. Maskinn inniheldur eitt af mínum uppáhalds innihaldsefnum sem er marula olía en ég nota marula olíu mjög mikið í minni daglegu húðumhirðu. Marula olía hefur einstakan lækningarmátt en hún viðheldur raka í húðinni en hún er einstaklega rík af omega fitusýrum sem að gefa húðinni aukinn teygjanleika. Marula olía kemur í veg fyrir umfram vökvatap og þess vegna verður húðin ótrúlega fyllt og falleg eftir notkun. Eins og nafnið gefur til kynna inniheldur maskinn einnig hunang en það bráðnar við viðkomu og hentar þeim sérstaklega sem eru með viðkvæma og þurra húð. Það besta við maskann er að hann er án allra óæskilegra aukaefna sem við ættum að forðast í snyrtivörum eins og parabena, paraffíns, sílikons og mineral olíu.

Maskinn fæst í öllum verslunum The Body Shop

PREGNANCY SKIN, HAIR & BODY FAVORITES

Ég er mikið spurð að því hvaða vörur mér hefur fundist best að nota á meðgöngu en reglurnar með hvað má og hvað má ekki á meðgöngu eru óteljandi. Ég vildi samt sem áður tileinka mér góða rútínu sem lætur mér líða vel bæði í líkama og sál. Þessi færsla átti svo sannarlega að vera stutt og laggóð en þegar ég byrja að tala um húð, hár og líkamsvörur er ég óstöðvandi. Ég er búin að hugsa ótrúlega vel um húð, hár og líkama á meðgöngu og langaði að deila með ykkur þeim vörum sem hafa verið í hvað mestri notkun. En ég ákvað að skipta um sjampó núna í sumar þar sem ég var búin að nota það sama svolítið lengi og var kominn tími til að prófa eitthvað annað. Hitt var ennþá frábært en stundum fær maður leið á því að nota það sama aftur og aftur. Því leitaði ég til aðstoðar hjá sérfræðingunum í Davines og fékk heim með mér tvær vörur úr Natural Tech línunni. Bæði sjampó og sérstakt serum til þess að bera í hársvörðinn. Á meðgöngu hefur hárið mitt verið mis gott en alltaf vex það eins og arfi. Á tímabili fór ég ekkert úr hárum og svo lenti ég í algjörri andstæðu og fór ég mikið úr hárum á timabili. Þá ákvað ég að skipta í nýtt sjampó og ákvað að fara á bara smá ,,kúr” og hef ég bara notað þetta sjampó í ákveðinn tíma. Núna er ég búin með meiri hlutann af flöskunni og með mjög góðum árangri. Sjampóið er orkugefandi, örvar hárvöxt og minnkar hárlos. Þó að hárið mitt sé mjög sterkt og þykkt þá þarf ég stundum að hugsa extra vel um það. Niðurstaðan er sterkara, þéttara og finn ég fyrir mun minna hárlosi en áður. Ég nota serumið samhliða sjampóinu sirka 1-2x í viku og ber það í hársvörðinn. Vörurnar eru ekki bara náttúrulegar, parabena og súlfat fríar heldur ilma þær einnig dásamlega. Samhliða því hef ég djúpnært hárið einu sinni í viku og til þess hef ég notað djúpnæringarnar frá Davines úr the Circle Chronicles línunni. Næringarnar eru fimm talsins í línunni og er the Wake Up Circle mín uppáhalds. Koma í litlum þægilegum umbúðum og getur maður notað hvern pakka sirka 3x. The Wake Up Circle næringin djúp nærir bæði hár og hársvörð og ilmar hún dásamlega.

Eins og ég talaði um í færslu um daginn hef ég mikið þurrburstað kroppinn á meðgöngu og nota ég kaktus burstann úr The Body Shop til þess. Mér finnst dásamlegt að þurrbursta fótleggina eftir langan dag og koma blóðflæðinu af stað. Þurrburstun er eitthvað sem mér finnst ég verða háð á tímabili en tilfinningin eftir á er bara svo góð. Yndislegt að bera á sig síðan olíu eða gott krem og finna rakann fara djúpt inn í húðina. Ég er á annarri flöskunni minni af möndlu olíunni frá LOccitane en ég ber hana aðallega á kúluna og einnig allan kroppinn eftir góða þurrburstun. Fyrir nóttina finnst mér síðan yndislegt að spreyja dágóðu magni af lavender yfir rúmið. Ég hef lengi lengi notað þetta sprey en núna á meðgöngu hef ég ekkert sparað það og leyft mér að spreyja því vel yfir allt rúmið. Spreyjið hefur róandi áhrif á líkama og sál.

Húðumhirðan hefur ekki setið á hakanum og hef ég hugsað extra vel um hana. Ég hef notað tvö serum, eitt á kvöldin og hitt á morgnanna. Á kvöldin nota ég hið margrómaða Advanced Night Repair Serum frá Estée Lauder og á morgnanna nota ég C-Firma serumið frá Drunk Elephant. Það nota ég undir rakakremið Lala Retro frá sama merki og finnst sú tvenna ómótstæðileg. Finnst ég varla geta farið út í daginn nema ég beri það á. Advanced Night Repair droparnir draga úr einkennum  ótímabærrar öldrunar og inniheldur einnig efni sem að hámarkar upptöku raka húðarinnar. Ég ber dropana á mig fyrir nóttina og sjá þeir um að húðin fái allan þann raka sem hún þarf á meðan ég sef. Yfir þá nota ég síðan yfirleitt Origins Drink Up maskann. Á morgnanna nota ég síðan C-Firma serumið mitt sem ég er orðin ansi hrædd um að klára áður en einhver nálægt mér kemst í Sephora fyrir mig. Drunk Elephant mælir með notkun serumsins á morgnanna undir rakakrem eða sólarvörnina þína. C Firma er stúttfullt af virku C vítamíni sem að jafnar húðtón en margar konur glíma við að húðin dökknar mikið í sól á meðgöngu og eftir verða blettir og annað. Ég sé a frekknurnar mínar dökkna mun hraðar núna en vanalega og því hef ég verið dugleg að nota C Firma til að sporna gegn ótímabærum öldrunar einkennum. Síðan 1-2x í viku finnst mér yndislegt að djúpnæra húðina með hunangsmaskanum frá The Body Shop sem ég tala rosalega mikið um. Þegar húðinni minni vantar extra raka þá leita ég alltaf í hann. Maskinn inniheldur hunang og marula olíu sem veita húðinni samstundis mikinn raka. Ég leyfi honum að liggja á í góðar 10-20 mínútur og eftir á er húðin silkimjúk og ljómandi.

1. Davines Energizing Shampoo (Fæst á völdum hárgreiðslustofum, sjá hér)* 2. Kaktus þurrbursti fæst í verslunum the Body Shop 3. Estée Lauder Advanced Night Repair fæst hér 4. Davines Energizing Serum (Fæst á völdum hárgreiðslustofum, sjá hér)*. 5. The Wake Up Circle djúpnæring (Fæst á völdum hárgreiðslustofum, sjá hér)* 6. Ethopian Honey mask fæst í the Body Shop* 7. Drunk Elephant C-Firma Day Serum fæst í Sephora í USA 8. LOccitane Lavender Pillow Mist fæst í LOccitane í Kringlunni

Færslan er unnin í samstarfi við The Body Shop

THE BODY SHOP: ALMOND MILK & HONEY

Það jafnast ekkert á við góða sturtu- eða baðferð og sérstaklega núna á síðasta hluta meðgöngunnar. Mér hefur lengi þótt ómissandi að þurrbursta húðina eða að skrúbba hana með kaktusburstanum frá The Body Shop en núna á meðgöngu er þetta eitt það allra besta dekur sem ég fæ. Best finnst mér að bleyta burstann smá og skella smá skrúbb í hann og nudda svo í hringlaga hreyfingum í átt að hjartanu. Mér finnst húðin vakna við þurrburstun og hef ég passað mig að þurrbursta mig 1-2x í viku á meðgöngu. Með þurrburstun örvum við taugakerfið með því að örva taugaendana í húðinni, blóðflæði eykst og einnig hjálpar þetta til útlitslegta en þurrburstun losar okkur við dauðar húðfrumur og gerir húðina mýkri og bjartari. Eftir þurrburstun er húðin tilbúin í að drekka í sig raka og næringu úr öðrum vörum sem þú notar alveg eins og þegar við skrúbbum andlitið. Þó ég stelist til að bleyta burstann aðeins og setji smá skrúbb þá kemst ég kannski upp með að gera rútínuna oftar. Með burstanum nota ég yndislega skrúbbinn úr Almond Milk & Honey línunni sem hefur verið í uppáhaldi hjá mér lengi en hann er ótrúlega mildur krem skrúbbur sem að aðstoðar burstann við að losa okkur við dauðar húðfrumur. Húðin verður silkimjúk og glansandi eftir á. Hann inniheldur spænska möndlumjólk og hunang frá Eþíópíu en línan er sérstaklega hönnuð fyrir viðkvæma og þurra húð. Þegar maður er á annað borð í svona dekri finnst mér best að hafa allt í stíl og nota því einnig sturtusápuna á allan kroppinn úr sömu línu þegar ég er búin að bursta hana vel og ef ég væri með baðkar myndi ég líklegast leggjast ofan í Almond Milk & Honey freyðibaðið og njóta. Þar sem ég er einungis með sturtu núna reyni ég að gera sturtuferðirnar örlítið lengri með dekri sem þessu. Þá kemur maður endurnærður út en eftir góða sturtuferð eins og þessa finnst mér yndislegt að bera nýja jógúrt kremið úr línunni á allan líkamann. En þessi gel kennda formúla gerir það að verkum að kremið smýgur hratt og örugglega inn í húðina og getur maður klætt sig í föt um leið. Því fullkomið að taka það með sér í sund eða til að nota eftir æfingu. Létt formúlan veitir 48 stunda raka og er 100% vegan. Ég mæli með því að þið bætið þurrburstun inn í ykkar rútínu en hún er mjög áhrifarík og þið munið sjá mun eftir nokkur skipti. Ég nota burstann á allann líkamann nema andlitið og langt skaftið gerir það að verkum að ég næ að þurrbursta bakið líka.

Kaktus þurrburstinn fæst í The Body Shop – Almond Milk & Honey Sturtusápa, Jógúrtkrem & skrúbbur fæst einnig í The Body Shop

Færslan er unnin í samstarfi við Estée Lauder

MY TOP LIST: ESTÉE LAUDER

Frá því að ég man eftir mér voru vörunum frá Estée Lauder stillt upp inn á baði og man ég sérstaklega eftir brúnuflöskunni með töfradropunum sem mig langaði alltaf að stelast í. Estée Lauder er eitt af þeim merkjum sem hafa staðist tímans tönn og eru vörurnar alltaf jafn viðeigandi. Ég þekki merkið einstaklega vel og fékk það skemmtilega verkefni að velja mínar fimm uppáhalds vörur og deila þeim með ykkur í tilefni Estée Lauder daga í Lyfju dagana 31.maí-4.júní. Í tilefni dagana er boðið upp á 25% afslátt ásamt veglegum kaupauka ef að verslað er fyrir meira en 7.900. Í kaupaukanum leynast 7 ómótstæðilegar vörur ásamt snyrtibuddu frá merkinu. Því er um að gera að nýta sér það og kaupa vörur sem þurfa alltaf að vera til. Ég ætla að segja ykkur frá í stuttu máli af hverju ég valdi þesssar fimm vörur en þær eiga það sameiginlegt að vera einar af þeim allra vinsælustu frá merkinu í heiminum. Estée Lauder fáanlegt í Lyfju Smáratorgi, Lágmúla, Selfossi og á netinu hér.

DAYWEAR TINTED RAKAKREM

Er litað dagkrem sem ég hef stolist í hjá mömmu síðan ég byrjaði fyrst að farða mig. Gefur húðinni einstaklega fallega og ljómandi áferð. Formúlan er einstök
að mínu mati en hún aðlagar sig að þínum húðlit og gefur þér náttúrulegt en frísklegt útlit. Þetta krem nota ég þegar ég vil ekki farða mig neitt en vil
samt að ég sá kannski ögn frísklegri með smá lit í andlitinu. Þegar kremið kemst í snertingu við hita húðarinnar birtist liturinn.

ADVANCED NIGHT REPAIR POWERFOIL MASK

Einn skemmtilegasti sheet maskinn á markaðnum en þessi silfurmaski endurstillir húðina og gefur henni allan þann raka sem hún þarf með þessum
æðislega maska. Ég á alltaf nokkur eintök til og nota þegar mér finnst húðin þurfa á smá boozt-i að halda. Maskinn er stútfullur af Advanced Night Repair
dropunum og maskann leggur maður á húðina og sér álfilman til þess að ekki einn dropi fari til spillis en álfilman stuðlar einnig að því að droparnir fari hratt
og örugglega inn í húðina. Droparnir vinna að því endurbæta hana og gefa henni raka. Ég leyfi þessum maska að liggja á húðinni í 10-20 mínútur
og set fæturnar upp í loft á meðan hann fær að vinna.

ADVANCED NIGHT REPAIR DROPAR

Ein frægasta snyrtivara í heimi eru Advanced Night Repair droparnir frá Estée Lauder en þið hafið örugglega tekið eftir þessu glasi áður. Droparnir draga úr
einkennum ótímabærrar öldrunar og inniheldur einnig efni sem að hámarkar upptöku raka húðarinnar. Ég ber dropana á mig fyrir nóttina og sjá þeir um a
ð húðin fái allan þann raka sem hún þarf á meðan ég sef. Ég ber þá á hreina húðina og set svo annað hvort næturmaska og næturkem yfir.

DAYWEAR RAKAKREM

Bara ilmurinn af þessu kremi fær mig til að segja aaahhh en þetta unaðslega og mjúka rakakrem er ómissandi í snyrtibudduna. Það dregur úr ótímabærum
einkennum öldrunar á borð við fínar línur og þreytta, líflausa húð og gefur 24 stunda raka. Ásamt því inniheldur það “Super Anti-Oxidant Complex”
líkt og aðrar vörur í DayWear línunni ásamt Broad Spectrum sólarvörn og þess vegna fer maður vel verndaður út í daginn eftir að hafa borið kremið á.

NIGHTWEAR RAKAKREM

Nætur útgáfan af dagkreminu sem hjálpar húðinni að vinna úr þeim áhrifum úr umhverfinu sem hún verður fyrir yfir daginn. Kremið vinnur á endurnýjun á yfirborði
húðarinnar og minnkar húðholur. Gefur mikinn raka sem endist alla nóttina og er það einstaklega gott yfir Advanced Night Repair dropana. Kremið er ríkt af
andoxunarefnum og vítamínum og er drjúgt en jafnframt líður manni ekki eins og maður sé með þykkt lag á húðinni. Kremið hefur róandi áhrif á húðina og líður manni
einstaklega vel í húðinni eftir að það hefur verið borið á.