Færslan er unnin í samstarfi við Selected

COFFEE & CROISSANT

Ég fékk það skemmtilega tækifæri á að mynda og sýna ykkur mitt uppáhalds dress úr versluninni Selected. Selected opnaði nýja og glæsilega verslun í Kringlunni í dag en í tilefni miðnæturopnunar er 20% afsláttur af öllum vörum ásamt skemmtilegum opnunartilboðum. Búðin er stórglæsileg, björt og fallegt og úrvalið mikið. Það var ansi margt í verslunni sem mig langaði í en valdi mér þennan fallega tvíhneppta þunna blazerjakka frá merkinu en hann fangaði auga mitt strax. Það er hægt að nota hann við allskonar tilefni en bæjarrölt með vinkonu í honum og þykkri góðri ullarkápu er tilvalið. Ég elska að blanda saman áferðum og sá strax fyrir mér að gróf ullarkápa yrði falleg með sléttum og fínlegum jakkanum. Kápan er afskaplega klassísk og bein í sniðinu og hægt að dressa bæði upp og niður. Ég sé hana fyrir mér við sparilegt dress ásamt því að geta klætt hana niður við hettupeysu og strigaskó. Í þetta skiptið fékk hún að njóta sín spari við blússu og svartar gallabuxur. Innan undir jakkanum er ég síðan í uppáhalds hlýrabolnum mínum frá merkinu en hann er aðsniðinn og teygjanlegur með fallegri blúndu sem gægist upp úr jakkanum.

Á morgun föstudag er síðan opnunarpartý á milli kl 17-19 þar sem verða sérstök tilboð og 20% afsláttur

Selected ullarkápa 29.900 kr  / Selected blazerjakki 16.900 kr / Selected blúndubolur 4.290 kr

Asos Bunny pajamas fást hér

ASOS BUNNY PAJAMAS

Sum kaup eru misgáfulegri en önnur en fylgjendur mínir sýndu þessum náttfötum ansi mikla athygli þegar ég klæddist þeim á Snapchat. Þau eru náttúrulega einu númeri of sæt en mig langaði að deila þeim með ykkur hérna líka. Ég er búin að kaupa mér aðeins of mörg náttföt undanfarið en hvað er betra en mjúk og góð náttföt þegar byrjar að kólna. Þessi eru ekki bara sæt heldur einnig ódýr en þau kosta um 3 þúsund krónur. Ég tók þau í stærð medium en hefði vel getað keypt small en það er bara betra að hafa þau extra víð og góð. Þau eru frekar há í mittið og á buxunum er stroff neðst sem gerir þau ennþá sætari.  Ég elska að klæðast þeim við the Body Shop kanínueyrun mín. Þú finnur beinan link á náttfötin hér fyrir ofan.