Warning: file_get_contents(https://graph.facebook.com/?ids=https://www.thorunnivars.is/bleika-slaufan-2/): failed to open stream: HTTP request failed! HTTP/1.1 400 Bad Request in /var/www/virtual/thorunnivars.is/htdocs/wp-content/plugins/popular-post-by-facebook-like/popular-post-by-facebook-like.php on line 17
Warning: array_keys() expects parameter 1 to be array, null given in /var/www/virtual/thorunnivars.is/htdocs/wp-content/plugins/popular-post-by-facebook-like/popular-post-by-facebook-like.php on line 19
Ég hef mætt í leghálsskoðun hjá Krabbameinsfélaginu síðan ég fékk mitt fyrsta boð. Síðan þá hef ég farið á hálfs árs fresti og allar greinst með frumubreytingar og því undir stöðugu eftirliti. Ég tími því ekki sjálf að fara á hálfsárs fresti til kvensjúkdómalæknis einungis til þess að athuga frumubreytingarnar og þess vegna nýti ég mér þjónustu Krabbameinsfélagsins. Mér finnst virkilega hlýlegt að koma þangað og alltaf er tekið vel á móti manni. Það er ekkert til að kvarta yfir og svo finnst mér bara krúttlegt að vera í bleikum eða gulum slopp við sokka.
Ég ræddi við ömmu mína og nöfnu fyrr í vikunni og spurði ég hana spjörunum úr vegna þess að hún greindist með krabbamein í legi á besta aldri. Mig langar að segja ykkur frá henni vegna þess að amma sá alltaf eftir að hafa ekki drifið sig í skoðun þegar hún fékk fyrst boð. En hún frestaði því alltaf vegna þess að það var alltaf fullt að gera í vinnunni. En hver veit hefði hún farið fyrr? Þá hefðu jafnvel frumubreytingar og annað komið í ljós sem hefði mátt fylgjast betur með. Amma sér enn þann dag í dag eftir því að hafa frestað því að mæta í skoðun þrátt fyrir endurtekin boð. Ég er svo fegin því að amma mín sigraðist baráttuna við krabbameinið og að ég eigi hana sem ömmu og fyrirmynd í dag því annars hefði ég aldrei fengið að kynnast nöfnu minni. Ég á vinkonur sem hafa þurft að upplifa það að missa mæður sínar í sorglegri baráttu og er þetta eitt það málefni sem snertir mig hvað mest.
Mig langar að segja við ykkur kæru lesendur vegna þess að ég veit að þið eruð allar frábærar ungar konur sem væri synd að missa í sorglega baráttu við krabbamein. Meðalaldur við greiningu er 45 ár og að meðaltali deyja tvær konur úr leghálskrabbameini á ári og ef það væri ekki boðið upp á skipulagða leit væri hægt að áætla að 10 konur myndu deyja á ári. Frá því að skipulögð leit að krabbameini í leghálsi hófst hefur dánartíðni lækkað um 90%.
Ég vil sjá ykkur allar panta ykkur tíma í skoðun hér & kaupa bleiku slaufuna (hér) til styrktar Krabbameinsfélaginu. Ég lagði mitt af mörkum og fjárfesti í Bleiku Slaufunni & pantaði mér tíma í leghálsskoðun!
