Eitt af okkar fyrstu augnablikum á spítalanum

MY BREASTFEEDING JOURNEY

Ahh hér er ég komin, með kannski aðeins annan tilgang en áður. Eins og þið vitið er ég ótrúlega upptekin af því að vera mamma. Já bara mamma. Uppáhalds hlutverkið mitt í heiminum og ekki datt mér í hug að mér þætti þetta svona skemmtilegt. Alls ekki bara skemmtilegt samt, líka krefjandi og erfitt. Það er tilviljun að nú stendur yfir alþjóðleg brjóstagafavika og ég ætla að segja ykkur okkar sögu og hvernig allt hefur gengið. Ég veit að þetta er alls ekki raunin fyrir allar konur hvort sem að þær reyni og það gangi ekki upp eða vilji ekki gefa brjóst þá ber ég fulla virðingu fyrir þeirra ákvörðunum en þetta er okkar saga. Ég lýt upp til allra mæðra hvernig sem þær ákveða að næra börnin sín. Áður en Erika fæddist var ég staðráðin í að hún yrði á brjósti. Örugglega eins og svo margar mömmur. Sjálf var ég mjög lengi á brjósti og mamma mín brjóstagjafarráðgjafi. Ég er alin upp í umhverfi þar sem brjóstagjöf er hinn eðlilegasti hlutur. Ég hugsaði samt alls ekki mikið um þetta á meðgöngu og kynnti mér málefnið sama og ekkert. Mér fannst duga að hlusta á mömmu og vissi að ég hefði allan þann stuðning sem ég þyrfti. Hélt að ég þyrfti ekkert námskeið eða frekari fræðslu. Ég byrjaði held ég á einni bók um brjóstagjöf og gafst upp snemma. Fyrir mér átti brjóstagjöf að koma svo náttúrulega og ég væri örugglega fullkomin í þetta hlutverk. Ég þekkti flest öll heiti á öllu og vissi af öllum hjálpartækjum sem konur þurfa mögulega við brjóstagjöf. Sem hefur reynst mér einstaklega vel.

Erika er fædd 3940 gr og 54,5 cm 9. september 2018. Eftir erfiða og langa fæðingu sem þið getið lesið um hér, var það fyrsta sem Erika gerði var að taka brjóstið. Festi sig og mig minnir að hún hafi legið þar í góðan klukkutíma. Ég hafði lekið mikið á meðgöngunni og var aðeins búin að koma framleiðslunni af stað með því að pumpa aðeins brodd framan af og frysti. Það bjargaði mér þegar við fórum heim með hana daginn eftir þar sem hún orgaði af svengd þar sem mjólkurframleiðslan var ekki alveg komin nógu mikið af stað og við gátum gefið henni með teskeið. Ég mun aldrei gleyma þessu augnabliki. Við stóðum inn í eldhúsi nýbkaðar foreldrarnir og vissum í alvörunni ekkert í okkar haus. Klukkan var orðin margt og hún orgaði af hungri og mér reyndist erfitt að koma henni á brjóstið. Ég veit ekki hvernig nóttin hefði orðið hefði við ekki náð að að gefa henni smá aukalega. Næstu dagar fóru síðan í að mastera brjóstagjöfina og komumst við mæðgur í góðan takt innan örfárra vikna. Við nutum þess heima fyrstu mánuðina og gerðum fátt annað en að liggja upp í sófa. Þessar fyrstu vikur voru alls ekki sársaukalausar en ég grét stundum af sársauka þegar hún tók brjóstið og við vorum frekar lengi að ná réttu handtökunum. Þegar allt var orðið eðilegt lá Erika á brjóstinu allan liðlangan daginn og svaf lengri dúra á nóttunni með góðum sjússum. Mig hafði aldrei grunað að hún myndi liggja svona mikið á brjósti. Ég hélt að þetta væri eitthvað sem tæki bara 20-30 mínútur og svo ekkert meir í 2-3 tima. En ekki að hún væri að drekka/sofa í stundum 3-4 klst samfleytt. Hún þyngdist vel og hratt fyrstu mánuðina enda var nóg að fá því það var svoleiðis búið að örva framleiðsluna. Ef ekki alltof mikið.

Mitt helsta vandamál í brjóstagjöf hefur verið offramleiðsla. Komst að því miklu seinna að konur sem offramleiða komast í jafnvægi miklu miklu seinna en aðrar konur og oft þurfti ég að tappa af, pumpa og losa til að forðast stíflur eftir að hún drakk. Ég held ég sé búin að ganga í gegnum yfir 20 brjóstastíflur og sumar hafa endað með sýkingu og miklum veikindum. Þær mömmur sem þekkja magn sem ungbörn drekka þá gat ég stundum pumpað 120 ml eftir að hún drakk í 20 mínútur. Þetta var ekki sársaukalaust en loksins datt þetta í jafnvægi um áramót og þá hún alveg að verða 4 mánaða. Þvílíkt og annað eins sjokk, ég hélt að ég væri að missa framleiðsluna niður og greindi sjálfa mig með “mjólkurkvíða”. Fyrir móður með yfirfull brjóst alltaf að finna mjúk og lin brjóstin þá bara trúði ég ekki að þar væri einhverja mjólk að finna. Tíminn hefur liðið og við í fullkomnu jafnvægi saman í dag og njótum við þessa tíma örugglega meira í dag heldur en við gerðum fyrst í byrjun. Hingað erum við komnar, 11 mánuðir liðnir og litla kellingin mín bráðum að vera eins árs. EINS ÁRS! Ég trúi þessu ekki. Þvílík og önnur eins vinna sem hefur farið í að “búa til” þennan litla einstakling en vá, að sjá hana vaxa, dafna og þroskast er ævintýri líkast. Þetta ferðalag ekki verið auðvelt bæði andlega og líkamlega en dýrmætt er það. Ég hlakka bara til framhaldsins og ég vona að fleiri þarna úti eigi jafn jákvæða upplifun og ég þó að þetta sé aldrei hnökralaust.

BEDROOM SETUP

Ég lofaði síðast að ég myndi ekki hverfa í svona langan tíma aftur. Staðreyndin er sú að ég er bara svolítið upptekin í móðurhlutverkinu. Mig langaði nú samt sem áður að deila með ykkur þeim breytingum sem við gerðum í síðustu viku. Það var búið að liggja þungt á mér að breyta svefnherbergisaðstöðunni. Svo hún yrði betri fyrir okkur öll og að allir fjölskyldumeðlimir færu að sofa betur. Erika var búin að sofa á milli okkar nánast frá fæðingu og öllum öryggisatriðum var fylgt og gekk það mjög vel. Nema ég svaf ekkert rosalega vel en hún gat sofið heila nótt án þess að vakna á milli okkar. Við höfðum ekki fjárfest í rúmi áður en hún fæddist og vorum með annað í láni. Mér fannst orðið tímabært að kaupa rúm handa henni sem hún myndi venjast og ákváðum við að kaupa Sebra rúmið vegna þess að það vex með henni. Þær mæður sem ég talaði við og höfðu reynslu af rúminu hafa notað það til sirka 8 ára og sluppu við að kaupa 2-3 rúm á tímabilinu. Kostnaðurinn hefði endað í því sama þó að start kostnaðurinn væri mikill. Rúmið er náttúrulega ekki bara fallegt en eins og þið sjáið get ég haft hana alveg upp við mig sem auðveldar brjóstagjöfina til muna og núna sérstaklega á meðan hún er að venjast að sofa svona sér að ég geti teygt mig í hana og strokið aftur í svefn. Rúmið er ótrúlega breitt og dýnan ótrúlega mjúk og þægileg. Þetta er mjög þægilegt svona og hreinlega sé ég eftir að hafa ekki haft þetta svona frá byrjun en ég ætla klárlega að hafa þetta svona frá degi 1 með næsta barn. Ég mæli með að kynna sér vel hvernig hægt er að gera co-sleeping öruggt en ég kynnti mér efnið vel á meðgöngu.

Sebra rúmið fæst í Petit hér

HELLO AGAIN

Hæ! Ég vona að þið munið eftir mér en þetta hefur aldrei gerst áður. Meira en tveir mánuðir hafa liðið og ég hef ekki einu sinni loggað mig hér inn. Af hverju? Af því að ég er búin að vera afskaplega upptekin í mömmu hlutverkinu. Við getum orðað það sem svo að ég hafi skroppið í fæðingarorlof frá uppáhalds vinnunni minni. En góð mamma er glöð mamma og ég finn að ég þarf að koma frá mér hugsunum og pælingum hér inná. Í þar síðustu viku vaknaði ég og mig langaði að endurhugsa allt sem ég er að gera og það hjálpar mér að setja mér lítil markmið. Ég komst að því að bloggið mitt er mér alltof dýrmætt til að sleppa takinu af og því er ég hér komin. Ætla ekki að lofa að ég verði jafn dugleg og áður en vonandi sjáiði mun meira af mér hér en síðustu mánuði. Mömmu hlutverkið er dásamlegt og er ég búin að sökkva mér ofan í það. Ég er líka búin að breyta rosalega miklu hérna heima og er varla búin að sýna ykkur það en núna erum við mæðgur komnar í rútínu og ég farin að sofa meira á nóttunni sem gefur mér orku til að deila með ykkur litlu hlutunum í lífinu!

Færslan er unnin í samstarfi við Iittala og Garðheima

LAGT Á HÁTÍÐARBORÐ

Frá því að ég var lítil hef ég alltaf haft gaman af því að dekka upp jólaborð eða áramótaborð. Það var hefð hjá okkur mömmu að skreyta það saman og var mismunandi þema á hverju ári. Það þarf ekki að endurnýja allt en litlar snjókorn á borðið úr pappa, klippa niður eucalyptus og að leggja fallegan löber á borðið getur breytt öllu. Ég á nú ekki stórt borðstofuborð en hér er nú samt oft fólk í mat eða kaffi hjá mér. Ég elska að bjóða heim þó það sé nú bara í kaffi í hádeginu. Í samstarfi við Iittala dekkaði ég upp mitt drauma jóla eða áramótaborð sem ég kýs að kalla hátíðarborð. Mér finnst ótrúlega gaman að blanda saman mismunandi línum en hér má finna þrjár línur frá Iittala sem eru hver annarri ólíkari. Taika stellið var hannað af Klaus Haapaniemis og segir það ævintýralega sögu með mynstri sínu. Stellið er áberandi en á sama tíma tímalaust en Taika þýðir töfrar á finnsku og er stellið töfrum líkast. Við stellið paraði ég síðan miklu úr Ultima Thule línunni sem er innblásin af bráðnuðum klaka í Lapplandi, en bjórglösin eru fullkomin fyrir jólaölið og karaflan sömuleiðis. Festivo stjakarnir sem hafa verið framleiddir síðan 1967 passa síðan ekkert smá vel með Ultima Thule og fannst mér passa best við borðið að setja kolsvört kerti í stíl við borðið og stellið. Ef um áramótaborð væri að ræða er fullkomið að nota tímalausu og hlutlausu Essence kampavínsglösin en þessi glös á ég næstum í öllum gerðum fyrir mismunandi vín tegundir og finnst þau alltaf jafn falleg.

Á borðið lagði ég kremlitaðan velúr renning úr Garðheimum og var hann til í mörgum mismunandi litum. Snjókornin eru í raun hangandi jólaskraut en ég klippti hankana af til að leggja þau svona skemmtilega á borðið í tveimur mismunandi litum. Ég klippti síðan niður greinar af gervi eucalyptus greinum sem ég skreytti einnig jólapakkana með og stakk með hnífapörunum í þessar fallegu servíettur frá Reykjavik Letterpress. Nú er ekkert annað að gera en að byrja að elda en ég á von á góðum vinkonum í mat í kvöld. Taika fatið er fullkomið undir Portobello Wellington sem verður á boðstólnum í kvöld og skálin undir sætu kartöflurnar.

Instagram

1   404
16   476
2   424
6   534
24   783
4   385
16   931
7   452

Looking for Something?