Færslan er unnin í samstarfi við BetterYou, Lansinoh og Johnson’s Baby.

ÞOKAN

Langþráður draumur rættist á dögunum en við vinkonurnar erum byrjaðar með hlaðvarpsþátt saman. Þátturinn heitir Þokan og ber heitið sitt af hinni víðfrægu brjóstaþoku. Þátturinn fjallar um allt frá getnaði til dagsins í dag eða fyrsta árinu okkar sem mæður. Eins og margir vita áttum við Alexsandra börn árið 2018 með 11 daga millibili og höfum við verið samferða í gegnum súrt og sætt síðan við urðum mömmur. Fyrstu þátturinn er kominn inn á hinar helstu hlaðvarpsveitur, podcast appið í iPhone og einnig Spotify. Einfaldlega undir nafninu Þokan. Þetta verkefni er búið að vera ofarlega á to-do listanum mínum en einfaldlega gafst ekki tími fyrr. Við ákváðum að drífa okkur í þessu og erum ansi hamingjusamar með viðbrögðin við fyrsta þættinum en Þokan kemur út á þriðjudagsmorgnum vikulega næstu 10-12 vikurnar. Langar að hvetja ykkur til að fylgja okkur þar til að fá alla þætti beint upp þegar þið opnið appið. Í þáttinn fáum við góða gesti og einnig voru það frábærir samstarfsaðilar sem gerðu þetta verkefni að veruleika. Án þeirra væri þetta einfaldlega ekki hægt en þeir eru BetterYou, Lansinoh og Johnson’s Baby. Allt vörumerki sem snúa að þessu fyrsta ári bæði fyrir móður og barn. BetterYou er með vörur eins og Magnesíum kremið góða fyrir bæði móður og barn. Við höfum báðar notað það mikið á okkar unga þar sem svefn hefur verið að skornum skammti allt síðasta ár og allt gert til að fá örfáar mínútur í viðbót. D vítamín spreyið sem börnin þola svo vel, eiga auðvelt með að taka og fá ekki í magann af. Laninsoh brjóstagjafaraukahluta merki sem við höfum notað frá degi eitt. Brjóstapumpur, lekahlífar og brjóstakremið góða er vert að nefna. Ásamt Johnson’s Baby sem hefur nýverið endurhannað allar sínar vörur í takt við þarfir nútíma foreldra. Við mæðgur notum mikið flókaspreyið (þar sem hún erfði hárgerð móður sinnar) og lavender freyðibaðið eftir langa leikskólaviku.

Þáttinn getiði nálgast hér og á Spotify hér

 

 

Færslan er unnin í samstarfi við Fyrstu Sporin & Lansinoh

BREASTFEEDING MUST HAVES FROM LANSINOH

Ég fæ fjölmargar fyrirspurnir um hvað best sé að eiga þegar kemur að brjóstagjafar hjálpartækjum þegar maður eigi von á barni. Í þessari færslu langar mig að segja ykkur frá þeim fimm hlutum sem hafa verið mest notaðir síðan Erika kom í heiminn. Ég hef alltaf þurft að grípa í brjóstapumpuna bæði vegna síendurtekinnar brjóstastíflu og offramleiðslu. Það þarf alls ekki að eiga þessa hluti áður en barnið kemur í heiminn en ég eignaðist þá þegar hún var um 3-4 vikna og mér fannst ég þurfa. Mjólkursafnarann hefði ég vilja eiga frá degi eitt en ég keypti hann ekki fyrr en hún var um 3 mánaða og það er kannski eina varan sem ég ætla að mæla með að konur eigi áður en barnið fæðist. Í samstarfi við Fyrstu Sporin og Lansinoh langar mig að færa einum heppnum fylgjenda þennan frábæra pakka.

Ein minnsta brjóstapumpa sem framleidd hefur verið og trúi ég varla hvað hún er öflug miðað við stærð. Hún hefur tvo fasa örvunar- og mjólkurfasa og síðan fimm hraðastillingar. Það er hægt að tengja hana með USB snúru og þannig hægt að nota hvar og hvenær sem er. Pumpan fær ótrúlega góða dóma og það hjálpar mikið hvað það er auðvelt og fljótlegt að þrífa hana. Pumpan finnst mér ótrúlega þægileg í notkun og skjöldurinn mjúkur og þægilegur. Brjóstastíflu konu eins og mér hefur fundist ómissandi að eiga þessa hita og kælimeðferð frá Lansinoh Jú ég get svosem alveg reddað mér með heitri vatnsflösku eða einhverjum heitum bakstri en það jafnast ekkert á við þetta. Litlar kúlur sem hægt er að hita í örbylgju eða frysta. Bæði hægt að setja beint á brjóstið eða utan um skjöldinn á pumpunni til að örva frekari losun á mjólk. Það koma tveir saman og þar sem ég pumpa alltaf annað brjóstið í einu finnst mér rosalega gott að hafa annað í frysti og hitt heitt. Byrja á að hita á meðan ég pumpa og kæli svo eftir. Það hjálpar ótrúlega mikið ef maður er með brjóstastíflu eða stálma. Mjólkursafnarinn er eitt það besta sem hefur komið fyrir mig, haha. Þegar líkaminn losar mjólk þá lekur úr brjóstinu sem maður er ekki að gefa úr eða pumpa. Til að missa ekki alla þessa mjólk í haldarann er alveg magnað að sjá hvað þessi litla græja nær að bjarga. Þetta getur skipt sköpum fyrir konur sem eru að berjast um að fá alla dropana fyrir ungann sinn og getur fryst eða gefið þessa mjólk sem ábót. Ég hef mikið notað mjólkursafnarann í kvöldgjöfum til að létta á mér þegar hún fær sér bara annað brjóstið. Það skiptir ótrúlega miklu máli að geyma mjólk í þartilgerðum pokum en með þessum frá Lansinoh er hægt að pumpa beint í pokann eða hella úr flösku.Ótrúlega þægilegir og hægt að festa beint á pumpuna. Ótrúlega auðvelt að lofttæma þá og eru forsótthreinsaðir. Mér hefur alltaf þótt ómissandi að eiga til frystipoka fyrir mjólk heima því maður veit aldrei hvenær maður þarf að létta á sér í byrjun brjóstagjafar sérstaklega og þá er ekkert leiðinlegra en að þurfa að hella mjólk sem hefði getað verið notuð síðar. Síðast en ekki síst er það eitt frægasta krem í heimi er ómissandi á sárar geirvörtur og gott að eiga ef að ske kynni.  Slær samstundir á sviða og sársauka og græðir blæðandi sár hratt og örugglega.Mæli með að hita kremið á milli fingranna til að hita það og þá er mun auðveldara að bera það á. Frábær varasalvi eða bossakrem ef engin þörf er á því í brjóstagjöf.

Í efstu hillu: Hylur staflleikfang úr við, Staflturn í eyðimerkulitum í neðstu hillu: Draumaregnboginn fyrir miðju

VALHNETA.IS

Hvað hefur drifið á daga mína? Vá, viðurkenni að það er ótrúlega gott að setjast fyrir framan tölvuna og skrifa niður hugleiðingar og deila með ykkur. Það er búið að vera ansi mikið að gera eins og þið hafið kannski tekið eftir. Unginn minn er byrjaður á leikskóla sem þýðir að mamman hefur mun meiri tíma í vinnu og svo stofnaði ég líka fyrirtæki með henni Gyðu minni í orlofinu. Okkur var búið að dreyma um að opna fyrirtæki. Gera eitthvað sjálfar og svo bara gerðist það. Við létum verða að þessu og langar mig að kynna ykkur persónulega fyrir Valhnetu. Barninu sem við Gyða höfum sameiginlegt forræði yfir. Valhneta er umhverfisvæn, lítil og krúttleg netverslun sem selur handgerðar, hágæða og gullfallegar barnavörur frá merkinu Raduga Grez. Ég er búin að fela þessi leikföng fyrir ykkur lengi og við Erika höfum leikið okkur með þau síðan í vor. Ég er ekki frá því að mér finnist jafn gaman að leika með þau og henni. Jafn falleg og þau eru skemmtileg. Ég er alltaf að reyna að hafa lítið en gott úrval af leikföngum hér heima. Helst úr umhverfisvænum efnivið eins og vörurnar sem við ákváðum að byrja að selja. Mér fannst vanta á markaðinn vörur sem mömmunum finnst jafn fallegum og börnunum. Leikföng sem skapa ákveðinn ævintýraheim og passa vel með öllu hinu dótinu sem krakkarnir eiga. Við tókum inn 7 vörur til að byrja með en eigum von á 6 til viðbótar í kringum næstu mánaðarmót. Draumurinn er að stækka netverslunina hægt og rólega og taka inn fleiri merki í sama dúr. Sem uppfylla öll okkar skilyrði. Í uppáhaldi hjá mér eru töfrakubbarnir, staflturninn, grænmetissettið og draumaregnboginn. Á myndinni hérna fyrir ofan er vörunum stillt fallega upp í hillu í horninu hennar Eriku en þau eru yfirleitt í dótakörfunni fram í stofu og hillan frekar tómleg. Þessi leikföng eru alltaf í notkun. Endilega kíkið á fallegu síðuna okkar valhneta.is ef þið hafið áhuga. Að mínu mati er draumaregnboginn fullkomin sængur-, babyshower eða skírnargjöf fyrir lítil kríli (fæst hér).




Eitt af okkar fyrstu augnablikum á spítalanum

MY BREASTFEEDING JOURNEY

Ahh hér er ég komin, með kannski aðeins annan tilgang en áður. Eins og þið vitið er ég ótrúlega upptekin af því að vera mamma. Já bara mamma. Uppáhalds hlutverkið mitt í heiminum og ekki datt mér í hug að mér þætti þetta svona skemmtilegt. Alls ekki bara skemmtilegt samt, líka krefjandi og erfitt. Það er tilviljun að nú stendur yfir alþjóðleg brjóstagafavika og ég ætla að segja ykkur okkar sögu og hvernig allt hefur gengið. Ég veit að þetta er alls ekki raunin fyrir allar konur hvort sem að þær reyni og það gangi ekki upp eða vilji ekki gefa brjóst þá ber ég fulla virðingu fyrir þeirra ákvörðunum en þetta er okkar saga. Ég lýt upp til allra mæðra hvernig sem þær ákveða að næra börnin sín. Áður en Erika fæddist var ég staðráðin í að hún yrði á brjósti. Örugglega eins og svo margar mömmur. Sjálf var ég mjög lengi á brjósti og mamma mín brjóstagjafarráðgjafi. Ég er alin upp í umhverfi þar sem brjóstagjöf er hinn eðlilegasti hlutur. Ég hugsaði samt alls ekki mikið um þetta á meðgöngu og kynnti mér málefnið sama og ekkert. Mér fannst duga að hlusta á mömmu og vissi að ég hefði allan þann stuðning sem ég þyrfti. Hélt að ég þyrfti ekkert námskeið eða frekari fræðslu. Ég byrjaði held ég á einni bók um brjóstagjöf og gafst upp snemma. Fyrir mér átti brjóstagjöf að koma svo náttúrulega og ég væri örugglega fullkomin í þetta hlutverk. Ég þekkti flest öll heiti á öllu og vissi af öllum hjálpartækjum sem konur þurfa mögulega við brjóstagjöf. Sem hefur reynst mér einstaklega vel.

Erika er fædd 3940 gr og 54,5 cm 9. september 2018. Eftir erfiða og langa fæðingu sem þið getið lesið um hér, var það fyrsta sem Erika gerði var að taka brjóstið. Festi sig og mig minnir að hún hafi legið þar í góðan klukkutíma. Ég hafði lekið mikið á meðgöngunni og var aðeins búin að koma framleiðslunni af stað með því að pumpa aðeins brodd framan af og frysti. Það bjargaði mér þegar við fórum heim með hana daginn eftir þar sem hún orgaði af svengd þar sem mjólkurframleiðslan var ekki alveg komin nógu mikið af stað og við gátum gefið henni með teskeið. Ég mun aldrei gleyma þessu augnabliki. Við stóðum inn í eldhúsi nýbkaðar foreldrarnir og vissum í alvörunni ekkert í okkar haus. Klukkan var orðin margt og hún orgaði af hungri og mér reyndist erfitt að koma henni á brjóstið. Ég veit ekki hvernig nóttin hefði orðið hefði við ekki náð að að gefa henni smá aukalega. Næstu dagar fóru síðan í að mastera brjóstagjöfina og komumst við mæðgur í góðan takt innan örfárra vikna. Við nutum þess heima fyrstu mánuðina og gerðum fátt annað en að liggja upp í sófa. Þessar fyrstu vikur voru alls ekki sársaukalausar en ég grét stundum af sársauka þegar hún tók brjóstið og við vorum frekar lengi að ná réttu handtökunum. Þegar allt var orðið eðilegt lá Erika á brjóstinu allan liðlangan daginn og svaf lengri dúra á nóttunni með góðum sjússum. Mig hafði aldrei grunað að hún myndi liggja svona mikið á brjósti. Ég hélt að þetta væri eitthvað sem tæki bara 20-30 mínútur og svo ekkert meir í 2-3 tima. En ekki að hún væri að drekka/sofa í stundum 3-4 klst samfleytt. Hún þyngdist vel og hratt fyrstu mánuðina enda var nóg að fá því það var svoleiðis búið að örva framleiðsluna. Ef ekki alltof mikið.

Mitt helsta vandamál í brjóstagjöf hefur verið offramleiðsla. Komst að því miklu seinna að konur sem offramleiða komast í jafnvægi miklu miklu seinna en aðrar konur og oft þurfti ég að tappa af, pumpa og losa til að forðast stíflur eftir að hún drakk. Ég held ég sé búin að ganga í gegnum yfir 20 brjóstastíflur og sumar hafa endað með sýkingu og miklum veikindum. Þær mömmur sem þekkja magn sem ungbörn drekka þá gat ég stundum pumpað 120 ml eftir að hún drakk í 20 mínútur. Þetta var ekki sársaukalaust en loksins datt þetta í jafnvægi um áramót og þá hún alveg að verða 4 mánaða. Þvílíkt og annað eins sjokk, ég hélt að ég væri að missa framleiðsluna niður og greindi sjálfa mig með “mjólkurkvíða”. Fyrir móður með yfirfull brjóst alltaf að finna mjúk og lin brjóstin þá bara trúði ég ekki að þar væri einhverja mjólk að finna. Tíminn hefur liðið og við í fullkomnu jafnvægi saman í dag og njótum við þessa tíma örugglega meira í dag heldur en við gerðum fyrst í byrjun. Hingað erum við komnar, 11 mánuðir liðnir og litla kellingin mín bráðum að vera eins árs. EINS ÁRS! Ég trúi þessu ekki. Þvílík og önnur eins vinna sem hefur farið í að “búa til” þennan litla einstakling en vá, að sjá hana vaxa, dafna og þroskast er ævintýri líkast. Þetta ferðalag ekki verið auðvelt bæði andlega og líkamlega en dýrmætt er það. Ég hlakka bara til framhaldsins og ég vona að fleiri þarna úti eigi jafn jákvæða upplifun og ég þó að þetta sé aldrei hnökralaust.

Instagram

4   482
2   385
23   1276
5   392
6   418
15   718
4   584
4   717

Looking for Something?