VETRAR VARIR


Warning: file_get_contents(https://graph.facebook.com/?ids=http://www.thorunnivars.is/vetrarvarir/): failed to open stream: HTTP request failed! HTTP/1.1 400 Bad Request in /var/www/virtual/thorunnivars.is/htdocs/wp-content/plugins/popular-post-by-facebook-like/popular-post-by-facebook-like.php on line 17

Warning: array_keys() expects parameter 1 to be array, null given in /var/www/virtual/thorunnivars.is/htdocs/wp-content/plugins/popular-post-by-facebook-like/popular-post-by-facebook-like.php on line 19

IMG_2174

Í vikunni hafði ég hugsað mér að skrifa færslu þar sem ég hef alltaf verið háð varasölvum en samt sem áður alltaf með varaþurrk. Allt í einu er þetta farið að fara skuggalega í taugarnar á mér og sársaukinn sem þessu fylgir enn meira pirrandi. Í gærmorgun fékk ég skilaboð frá góðri vinkonu minni þar sem hún sár bað mig um góð ráð við varaþurrki. Sjálf sleiki ég varirnar mínar í gríð og erg og þegar mér er byrjað að vera illt í þeim og hef komist að því (jebb, loksins) að það er það versta sem þú getur gert. Ég meira að segja naga á mér varirnar stundum og verð að hætta þessum ósiðum. Er að vinna í því að finna aðferð til að halda vörunum mínum góðum allan liðlangan daginn og langaði að sjá hvaða góðu ráð þið kannski lumið á.

 SKREF 1

Skrúbba allar dauðar húðfrumur í burt. Þú getur notað rakann þvottapoka (helst svona gamlan svolítið harðan), tannbursta eða varaskrúbb eins og t.d. frá Sara Happ eða The Body Shop. Ég hef átt marga en ég geymi skrúbbinn minn frá Sara Happ í sturtunni og þannig gleymi ég aldrei að skrúbba varirnar og þá er það líka ekkert subbulegt.  Sara Happ skrúbburinn inniheldur sykur sem er í raun náttúrulegt rakaefni sem dregur úr rakatapi. Ekki skrúbba of oft en ég viðurkenni alveg að vera stundum svo slæm að ég verð að skrúbba nokkuð oft í viku og þá sérstaklega í kringum varirnar en ekki á vörunum sjálfum. Svo virka varirnar líka svo stórar og kyssulegar þegar blóðstreymið er gott og þú ert búin að vera dugleg að skrúbba.

Varaskrúbbar sem ég mæli með.

The Lip Scrub frá Sara Happ hér
Lip Scruff fráThe Body Shop hér
Make Up Store Lip Care Mix hér

IMG_2166

SKREF 2

Næra varirnar bæði dag og nótt. Mér finnst skipta máli að nota vandaða varasalva. Ég finn að sumum verð ég bara háð og svíður þegar ég set þá á. Reyndu að finna varasalva þar sem undirstaðan í formúlinni er olía eða lanólín og inniheldur bývax, kakósmjör og sólarvörn. Reyndu að forðast að nota varasalva sem innihalda ilmefni, mentól eða salicyd acid vegna þess að þeir veita einungis tímabundna vellíðunar tilfinningu en gera ekkert til að laga sprungnar og sárar varir. Ég nota þykkan og góðan varasalva á nóttunni og maka útum allt en varirnar mínar drekka í sig raka og næringu en svo reyni ég að nota aðeins léttari á daginn þegar ég kemst upp með það því það er kannski ekkert smart að vera með varasalva upp á enni þó að mig langi það stundum.

Persónulega verð ég að mæla með varasalva sem því miður fæst ekki á Íslandi en varasalvi sem ég hef oft hugsað um að hafi nokkurn vegin bjargað mér. En hann heitir Sugar Lip Treatment og er frá merkinu Fresh. Varasalvinn inniheldur sykur! já sykur eins og í skrúbbinum frá Sara Happ og kemur í veg fyrir rakatap. Fæst hér.

Varasalvar sem ég mæli með:

Rich Nourishing Lip Balm frá Bláa Lóninu fæst hér
Sugar Lip Treatment frá Fresh fæst hér
Lansinoh HPA Lanólín fæst í apótekum

Varasalvar frá Burts Bees fást í apótekum
KISStu mig frá Sóley Organics fæst hér

Þessir varasalvar eiga það sameiginlegt að innihalda
náttúruleg efni og eru í grunninn úr olíu, bývaxi, lanólíni og
vinna að orsökum varaþurrks og næra varirnar.

Varasalvar sem ég mæli ekki með:

Blistex (í bláu dollunni)
Baby Lips frá Maybelline
Vaseline varasalvar
Carmex
EOS (ég hef ekki þolað þá)

Þessir varasalvar eiga það sameiginlegt að innihalda efni eins
og menthol, ilmefni og fleiri efni sem veita bara tímabundna
vellíðunartilfinningu en næra ekki varirnar.

Ég hef bæði notað alla varasalvana sem ég mæli með og mæli ekki með sem koma fram í þessari færslu. Ég þjáist af mjög miklu varaþurrki og sumir varasalvarnir sem ég mæli ekki með gætu alveg hentað þér en þeir hafa ekki hentað mér. Ég tek það fram að þetta eru mínar persónulegu skoðanir líka. Ég fékk Sara Happ varaskrúbbinn að gjöf en annars keypti ég allar vörurnar sem ég mæli með og mæli ekki með í þessari færslu. Ekki gleyma svo að drekka vatn!

Untitled-1

Comments

  1. October 26, 2014 / 13:19

    Er svo sammála þér með EOS og Baby Lips, ekkert góðir! Þó að þeir séu nú sætir

    • October 26, 2014 / 20:03

      Já algjör synd hvað þeir eru fínir- búin að kaupa eiginlega alla frá þeim og svo eru þeir ekkert nema lélegir.

  2. Ileana
    October 26, 2014 / 13:47

    Oh! Bet the blue lagoon one is amazing! Miss their products 🙂
    xoxo

    Novelstyle

    • October 26, 2014 / 14:40

      Once you move I will have you send me Garrets popcorn from Chicago and Ill send you Blue Lagoon products 🙂

  3. gulla
    October 26, 2014 / 13:57

    Best er samt að nota varasalva aldrei nema nauðsyn sé! Maður verður nefninlega háður þeim og varirnar plata mann til að halda að maður þurfi meira og meira ég þekki þetta af eigin raun. Það var húðsjúkdóma læknir sem sagði mér að nú þyrfti ég bara að gjöra svo vel að taka þetta á hörkunni og hætta ef èg ætlaði einhverntíman að fá heilbrigðar varir aftur 🙂

    • October 26, 2014 / 14:20

      Já sammàla þvi- næsta vor ætla ég að venja mig alveg af þessu en ekki hægt þegar frostið er á leiðinni 🙂

  4. Þorbjörg Matthíasdóttir
    October 26, 2014 / 19:09

    Ég mæli hiklaust með varagaldri frá villimey. Átti einmitt við þetta vandamál að stríða að vera alltaf með varaþurrk en þessi finnst mér einn af þeim sem ég hef prófað sem virkilega nærir varirnar en ekki bara í smástund.

    • October 26, 2014 / 19:57

      Gaman að heyra- eg næli mér í hann næst 🙂

  5. Linda María
    December 4, 2014 / 20:01

    Sammála með Varagaldur frá Villimey, var búin að vera glíma við varaþurrk næstum uppá nef og niður á höku í mörg ár, sérstaklega slæmt á veturnar. Prófaði villimey fyrir mörgum árum og viti menn varð eins og ný. Ég komst svo að því nokkrum árum síðar að ég er með ofnæmi fyrir rotvarnarefnum í snyrti&hárvörum svo það er ekki nema von ég hafi verið extra slæm. Fæ hroll við að hugsa um bláa blistex 😛

  6. Linda
    December 4, 2014 / 20:44

    Hann er æðislegur, og þessi lita dolla er ótrúlega endingargóð 🙂

Leave a Reply

Your email address will not be published. Required fields are marked *


Looking for Something?