Warning: file_get_contents(https://graph.facebook.com/?ids=http://www.thorunnivars.is/tan-routine/): failed to open stream: HTTP request failed! HTTP/1.1 400 Bad Request in /var/www/virtual/thorunnivars.is/htdocs/wp-content/plugins/popular-post-by-facebook-like/popular-post-by-facebook-like.php on line 17

Warning: array_keys() expects parameter 1 to be array, null given in /var/www/virtual/thorunnivars.is/htdocs/wp-content/plugins/popular-post-by-facebook-like/popular-post-by-facebook-like.php on line 19

tanroutine
Ein algengasta spurningin sem ég fæ í gegnum e-mail- tan rútínan. Já- verð að viðurkenna að ég á alveg erfitt með mig þegar það kemur að brúnkukremum. Bæði mamma mín og kærastinn hata þennan veikleika. Það er alltaf allt út í brúnkukremi. En ég bókstaflega þoli ekki að vera of hvít. Veit ekki af hverju en það hefur eitthvað með að gera hvað hárið á mér er dökkt ég held þessu samt í skefjum en finnst gott að hafa smá lit.

En ég ákvað að fara inní skáp og fara yfir allt sem ég á og í alvöru talað nota vikulega. Þetta eru allt vörur sem mér finnst æðislegar og flest allar hef ég keypt aftur, aftur og aftur. Svo slæmt var það í Los Angeles að ég var áskrifandi af St. Tropez. En ég tek bókstaflega engan lit í sól og gat nú ekki farið með hvítan rassinn á ströndina í hverri viku (ja nú eða djammið). St. Tropez var klárlega bjargvætturinn þar og nota ég enn þann dag í dag fullt af vörum frá þeim. Ég er reyndar hætt að kaupa froðuna því mér finnst hún alltof dýr hér heima. Litli brúsinn hér heima kostar það sama og einn stór úti + skrúbburinn + hanski. Ég hef mest megnis núna verið að nota Brazilian Tan en finnst það samt ekkert frábært og ætla að skipta yfir í eitthvað annað eftir að ég klára þennan brúsa.

1. Skrúbb – ég byrja á að skrúbba húðina þegar ég fer í sturtu eftir æfingu- ég nota einn af þessum skrúbbum. Finnst þeir allir frábærir en St. Tropez fær að vera í algjöri spari því hann er mjög grófur og skrúbbar ALLT í burtu en ég nota hann þegar ég þarf að losna við leyfar af brúnku. Dýrka Melónu skrúbbinn frá Make Up Store og bláa skrúbbinn frá Masterline og nota þá til skiptis. Finnst gott að þurrbursta líka lærin og rassinn áður með Body Shop kaktusburstanum.

2. Ber á mig rakakrem- skiptir engu máli hvaða krem. Ég dreg oftast bara eitthvað fram úr skápnum en notaði mjög mikið St.Tropez rakakremið en það er kannski heldur dýrt því ég svoleiðis maka þessu á mig. Leyfi þessu að þorna í 10 mínútur (skrúbba húðina og set rakakrem á andlitið á meðan).

3. Ber á mig brúnkukrem/sprey/froðu með hanska. Ég nota alltaf hanska og hef oftast keypt St. Tropez hanskann en finnst Million Dollar Tan hanskinn miklu mýkri og betri. Ég byrja á löppunum og færi mig upp. Kærastinn sér svo um að bera á bakið á mér honum til mikillar ánægju.

4. Ber rakakrem á þá parta sem draga mest í sig kremið eins og hné, olnboga og hálsinn á mér. Þeir staðir eiga það til að verða dekkri en hinir og finnst mér þetta ágætis trikk til að forða mér frá flekkjum. Lærði það af einhverri youtube skvísu.

5. Er ekki vön að eiga sér brúnkukrem fyrir andlitið og sleppi oft andlitinu. En var að fá mér um daginn Million Dollar Tan fyrir andlitið og finnst það snilld. Fæ engar bólur af því og það smitar ekki á fína hvíta koddann minn. Hef líka prófað litla Gradual Tan fyrir andlit frá St. Tropez og finnst það krem frábært líka.

Vonandi svarar þetta einhverjum spurningum og endilega haldið áfram að senda mér það sem þið viljið að ég fjalli um.


Looking for Something?