Warning: file_get_contents(https://graph.facebook.com/?ids=http://www.thorunnivars.is/aefingavikan/): failed to open stream: HTTP request failed! HTTP/1.1 400 Bad Request in /var/www/virtual/thorunnivars.is/htdocs/wp-content/plugins/popular-post-by-facebook-like/popular-post-by-facebook-like.php on line 17

Warning: array_keys() expects parameter 1 to be array, null given in /var/www/virtual/thorunnivars.is/htdocs/wp-content/plugins/popular-post-by-facebook-like/popular-post-by-facebook-like.php on line 19

thorunn_underarmor_uti-1
Eftir veikindi og meiri veikindi hef ég síðustu tvær vikur verið að koma mér af stað aftur í ræktinni og matarræðinu. Sumar ykkar sem lesa reglulega að ég er búin að vera að vesenast með fæðuóþol/bakflæði/hósta. En loksins er komið á hreint hvað er að mér og er það eitt stykki fæðuóþol fyrir svona 30 fæðutegundum og allar mínar uppáhalds. Vanalega borða ég svona 2-3 banana á dag en það er smá fyndið að þeir eru ástæðan fyrir því ég er búin að vera veik. Núna er ég ekki búin að fá mér banana í viku og vá hvað mér líður vel. En núna verður harkan sjö í matarræðinu til að hreinsa alveg úr líkamanum öll þessi efni sem safnast upp og láta mér líða illa (fæ astma einkenni og hósta og á erfitt með að æfa). Ég tek svona fréttum sem ákveðnu “challenge” og hlakka til að láta reyna á sjálfsstjórnina þar sem það er stranglega bannað núna að fá sér súkkulaði (að læknisráði, ég myndi aldrei hætta að borða það sjálfviljug)!

Núna er ég ásamt stelpunum í Betri Árangri að leggja áherslu á þungar lyftingar fyrir bak, axlir og hendur. Þar sem lappirnar eru svona 10x sterkari en efri líkaminn á mér. Gott að hafa smá balance á þessu og stelpurnar í Betri Árangri segja mér bara hvað ég á að gera og ég fylgi því. Síðan finnst mér skemmtilegast að hafa mikið af hoppum og leggja áherslu á “hamstring” (aftan á læri). Svo gaman að sjá bætingar á milli mánaða og hlakka til að sjá bætingarnar eftir sirka 6 vikur. Það er alltaf korters brennsla eftir hverja einustu æfingu.

Æfingavikan mín í hnotskurn:

Mánudagur: Æfingar með áherslu á rassinn og brjóst í Sporthúsinu-
3×12 af öllum æfingum og mikið af hnébeygjum og hoppum. Kviðæfingar.

Þriðjudagur: Bak dagur í Sporthúsinu – 2 æfingar þar sem ég lyfti þungt
og sjaldan og svo 3 æfingar sem ég lyfti 3 sinnum 20 endurtekningar.

Miðvikudagur: Hvað sem WOD dagsins verður í Crossfit Katla.

Fimmtudagur: Fótadagur í Sporthúsinu sem einkennist af mörgum
endurtekningum og æfingum fyrir alla vöðva fótleggjanna. Kviðæfingar.

Föstudagur: Hvað sem WOD dagsins verður í Crossfit Katla.

Laugardagur: Axlir+Hendur í Sporthúsinu- 3 sinnum 8
endurtekningar af 6 axlaæfingum. Kviðæfingar.

Sunnudagur: hvíldardagurinn heilagi. En það gerist ekkert í
ræktinni nema maður sé duglegur að hvíla á milli.

Vonandi fáið þið einhverjar góðar hugmyndir af æfingum fyrir ræktina af þessari færslu!
ps. þið megið alltaf henda á mig línu og spyrja um æfingar eða annað sem ég er að gera

Mynd eftir Þorstein J. Sigurbjörnsson


Looking for Something?