SPEEDFORM

speedform1speedform2speedform3speedform4
Ómægod- er hægt að verða ástfangin af skóm? Því ég get ekki hætt að stara á þá. Ég hef lengi vel verið þekkt fyrir að elska bleikt og því kölluðu glænýju Under Armour Speedform skórnir á mig. Hönnunin, detailin og bleika við silfurljósbláa (sem ég er gjörsamlega heltekin af).

Búin að vera hálf rúmliggjandi með bakflæði og beinhimnubólgu í vinstri löpp eftir að ég fór út að hlaupa í vitlausum skóm og beitti mér eitthvað vitlaust. Jafn mikið og ég elska allt fínt og fallegt þá eru þægindi númer eitt þegar það kemur að búnaði í ræktina. Ég er með vandræða fætur og hef alltaf þurft að spá mikið í skóbúnaði og ég verð að velja mér skó sem henta mér 100%. Skórnir komu mér á óvart á allan hátt því að þeir eru miklu miklu fallegri en á myndunum, miklu þægilegri en ég hafði ímyndað mér og miklu léttari en ég hefði haldið! Hvernig get ég lýst því fyrir ykkur hversu léttir þessir skór eru. Svo léttir! Kannastu við efnið sem er innan í brjóstahaldaranum þínum sem er svo lúnamjúkt? Jebb það- skórnir eru úr því sama efni og er efri parturinn af skónum framleiddur í brjóstahaldaraverksmiðju. Sólinn er sá klassíski Micro G Under Armour sóli sem ég fýla mjög vel og er þekktur fyrir að vera stöðugur og veita mjúka lendingu.

Hversu sætt er líka að hafa þvottaleiðbeiningarnar svona áberandi? Frábært að vita að maður má bleyta þá ef maður hleypur óvart í drullupoll (jú eins og ég gerði í dag). Þeir eru svo fallegir að ég tók óvart 80 myndir af þeim í einni bunu og hefði helst viljað setja þær allar inn. Tungan finnst mér það flottasta við skóinn – elska að hún sé hálf gegnsæ!

Ég er að segja ykkur það- þetta eru aðal hlaupa skórnir í vor og sumar. Þeir koma líka í svörtu með coralbleiku fyrir dömur og í tveimur litum fyrir herrana. Ég myndi næla mér Under Armour Speedform skóna ef þú vilt stöðuga, vandaða og flotta skó sem þú getur notað bæði í útihlaup og inni á æfingar. Þeir fá stimpilinn frá mér!

Under Armour Speedform skórnir fást í Útilíf í Kringlunni og í Altis Hafnarfirði

// Just got myself the new Under Armour Speedform and absolutely love them. The pink and babyblue is the perfect combo. You can buy them here.

4 Comments

  1. Hildur Birna Helgadóttir
    April 9, 2014 / 08:49

    Hæ langaði að spurja þig varðandi hjartsláttamælinn sem þú varst að mæla með um daginn. Hversu langa vegalengd má síminn vera frá þér á æfingu? 🙂

    • April 9, 2014 / 14:45

      Ég er ekki alveg viss með vegalengdina- en það dugar mér að hann sé í sama rýminu t.d. á crossfit æfingu. Í gær fór ég í tabata og spinning og var bara með símann í gluggakistunni í salnum og var útum allt og í spinning var ég bara með hann fyrir neðan hjólið mitt. Það er eitthvað limit því stundum sé ég að hann dettur út eins og t.d. ef ég hef farið og sótt vatn. Svo kannski 10-20 metrar??

  2. HH
    May 6, 2014 / 19:51

    Sæl Þórunn, finnst þér sólinn ekki vera of þunnur á þessum skóm?

    Mér finnst þeir svo flottir en er ekki alveg að kaupa sólann á þessum skóm til þess að hlaupa í.

    Kv. Hafdís

    • May 7, 2014 / 09:28

      Hæ mér fannst það fyrst og brá svolítið að þetta væru hlaupaskór. En ég hleyp á þeim eins og vindurinn og finnst þeir frábærir 🙂 En ég æfi bæði crossfit í þeim, hlaup og svo bara í ræktinni í þeim. Hef ekki farið í aðra æfingaskó síðan ég fékk mér þá 🙂 Rosalega ánægð

Leave a Reply

Your email address will not be published. Required fields are marked *


Looking for Something?