SMJÖRKREM


Warning: file_get_contents(https://graph.facebook.com/?ids=http://www.thorunnivars.is/smjorkrem/): failed to open stream: HTTP request failed! HTTP/1.1 400 Bad Request in /var/www/virtual/thorunnivars.is/htdocs/wp-content/plugins/popular-post-by-facebook-like/popular-post-by-facebook-like.php on line 17

Warning: array_keys() expects parameter 1 to be array, null given in /var/www/virtual/thorunnivars.is/htdocs/wp-content/plugins/popular-post-by-facebook-like/popular-post-by-facebook-like.php on line 19

bakstur1

Ég fæ svo ótalmörg e-mail og spurningar um kremið sem ég nota á kökurnar mínar. Það er svo auðvelt að ég á í raun erfitt með að segja ykkur hvernig ég geri það því í raun geri ég bara eitthvað þangað til að það er fínt. Én ég ákvað að taka myndir þegar ég var að gera frekar stóra uppskrift af kremi sem ég notaði á bæði köku og nokrar cupcakes og átti afgang.  Ég veit að það verða nokkrar ánægðar með þessa færslu og margar sem kunna nú þegar að búa til fullkomið smjörkrem. Besta vinkona mín bauð mér í lambalæri og ákváð ég því að mæta með eina rómantíska bleika oreo köku til að háma í okkur yfir bardaganum. Hún átti afmæli í fyrradag svo hún átti skilið eina bleika frá mér. Mamma fékk svo nokkrar cupcakes með kaffinu fyrir að hjálpa mér og taka myndir á meðan ég bakaði.

Ég byrja á því að nota 250 gr af smjöri sem ég þeyti saman við eitt egg, smá skvettu af vanillu dropum og nógu marga bolla af flórsykri þangað til að kremið er orðið stíft (ef það er ekki stíft er ekki hægt að sprauta það í rósir). Ég mæli ekki neitt nema smjörið svo þið verðið bara að fylgja mér.

bakstur2

Á efri hægri myndinni sjáið þið að guli liturinn er sterkari og það er vegna þess að ég nota hvítan gel matarlit frá Wilton og set nokkra dropa út í til að deyfa aðeins gula litinn. Því það er erfitt að fá tæra hreina liti í krem ef að grunnurinn er ekki nógu hreinn. Ég hræri hvíta gel litinn vel í og set síðan nokkra dropa af bleikum gel matarlit. Því lengur sem þú þeytir kremið því ljósara verður það en ég fýla ekki að þeyta það of mikið því þá hitnar það og verður lint og ekki eins og ég vil hafa það. Ég nota alltaf gel matarliti frá Wilton og fæ þá í Allt í Köku.

bakstur3

Hér sjáiði kremið tilbúið í skálum en ég skipti því í tvær skálar þar sem á meðan kakan er enn að kólna set ég báðar skálarnar inn í ísskáp. Þá stífnar kremið enn meira og er frábært að nota til að sprauta í rósir. En ástæðan fyrir skálunum tveimur er að hendurnar á mér hita kremið svo í sprautupokanum og helmingurinn á kökunni endar oftast með rósum sem eru að leka. Þess vegna geymi ég smá að kremi fyrir hliðarnar inn í ísskáp með ég sprauta kremið úr hinni skálinni á kökunni. Þannig tryggi ég að allt kremið sé nógu stíft og kalt. Á vinstri myndinni sést liturinn og hvíti gel liturinn sem ég nota.

bakstur4

Hér er ég svo með ísskaldan oreo kökubotn sem ég var búin að leyfa að kólna mjög vel og setti einnig í ísskáp til að tryggja að kremið bráðni ekkert þegar það snertir kökuna. Ég set sprautupokann minn (einnig frá Wilton) öfugan í glas og opna hann svona eins og sést á myndinni og þannig er auðveldara að skófla kreminu í hann. Næst tek ég hann upp og ýti kreminu alveg neðst í pokann alveg að stútnum til að tryggja að það sé ekkert loft og geri svo alltaf aftur þegar ég þarf að fylla á hann.

bakstur5

Til að gera rósir byrja ég alltaf innan í rósinni og fer í tvo hringi utan um eins og sést best á myndunum. Semsagt frá vinstri til hægri og svo í tvo hringi alveg ofan í hvor öðrum. Ekkert bil á milli og krem er svo frábær þar sem maður getur alltaf farið aftur og lagað. Lang lang besti stúturinn í rósir er 2D frá Wilton hann fæst í Allt í Köku (og fleiri stöðum).

bakstur6

Voila! Hér er svo fullkláruð rós og tilbúin í að gera næstu. Mjög auðvelt og svo raða ég þeim hlið við hlið við hlið alla kökuna og enda svo á hliðunum með kreminu úr hinni skálinni. Svo finnst mér fallegt að setja nokkrar ofan á þegar ég er búin að gera slétt lag af rósum á alla kökuna til að fá meiri vídd í kökuna.

Ég var að fá mér þessar fallegu fallegu Margrethe skálar í eldhúsið og án gríns þá var ég alltaf að stoppa og skoða þær þegar ég átti leið í Hagkaup. Starði bara á þær og snerti þær. Hlaut að koma að því að ég myndi næla mér í en ég fékk mér þrjár stærðir stóra bleika , miðstærð pastel græna og litla gula. Ég er ekkert smá sátt með þær og vantaði akkurat skálar í eldhúsið þar sem ég átti engar sem var hægt að hella úr eins og þessum. Nota þessu græna örugglega mest þar sem hún er í fullkominni stærð líka til að sigta djúsana mína. Mig vantaði líka sárlega eldhúsvog og sá þessa fagur myntugrænu alveg í stíl við skálina mína í Húsgagnahöllinni. Núna er bökunarskápurinn minn virkilega fallegur og litaglaður.

Þú þarft:

Flórsykur
1 egg
250 gr smjör
1,5 teskeið af vanilludropum
Hvítan Wilton Gel matarlit (hér)
Bleikan Wilton Gel matarlit (hér)
Wilton sprautupoka (hér)
Wilton 2D stút (hér)

Margrethe Skálar fást í Hagkaup – Soehnle matarvog fæst í Húsgagnahöllinni – Kitchen hrærivél – Iittala dökk grár kökudiskur
Untitled-1

Comments

  1. Bryndis
    October 5, 2014 / 14:25

    Til að ná smjörkremi hvítu þarf að þeyta það frekar lengi ca 10 min kannski.

    • October 5, 2014 / 16:22

      Þá verður það svo lint og ekki nógu stíft til að sprauta í nógu fallegar rósir 🙂

  2. Kittý
    October 5, 2014 / 15:08

    Mæli með að setja mynd af sprautuhausnum 😉 – aðallega hann sem skiptir máli fyrir þær sem ekki kunna 🙂 Hann er lykillinn að fallegum rósum.

    • October 5, 2014 / 16:21

      Ég segi hvað hann heitir- svona stútar líta allir eins út fyrir suma 🙂

  3. Berglind
    October 9, 2014 / 14:34

    kremið verður líka hvítara ef þú notar tvær eggjahvítur í staðinn fyrir eitt egg 🙂

    • October 9, 2014 / 15:15

      Já ég hef stundum gera það líka 🙂 takk

  4. Þóra
    October 27, 2014 / 15:54

    Gömul og stórl- uppskrift frá mömmu af smörkremi var
    400 gr. smjörlíki,
    tveir pakkar flórsykur
    2 egg
    vanilludropar.
    og eins og áður hefur verið sagt hér, hræra nógu lengi til að það verði hvítt, en mér hefur ekki þótt það neitt lint fyrir það.

  5. Þóra
    October 27, 2014 / 15:56

    Gömul og stór- uppskrift frá mömmu af smjörkremi var:
    400 gr. smjörlíki,
    tveir pakkar flórsykur
    2 egg
    vanilludropar.
    og eins og áður hefur verið sagt hér, hræra nógu lengi til að það verði hvítt, en mér hefur ekki þótt það neitt lint fyrir það.

    úps “kommentið” fór óvart frá mér áður en ég var búin að lesa það yfir.

  6. Jóhanna Sigfúsdóttir
    November 2, 2014 / 19:15

    Ekki áttu uppskrift af þessari köku? 🙂

  7. Sólveig María
    April 17, 2015 / 12:20

    Hvar fékst þú Soehlne vigtina þína? eru þær til á Íslandi? 🙂

  8. May 19, 2015 / 16:43

    Er einn pakki af flòrsykri?

Leave a Reply

Your email address will not be published. Required fields are marked *


Looking for Something?