Hlutir í hillu: Babys First Book fæst í Petit, Tréleikföng frá Von Verslun, My first bunny úr Petit hér, Doc Martens skór, Design Letters bollar, Jellycat kanínuinniskór, Leikhringla úr Petit hér, Bisgaard skór

Mynd til vinstri: Hilla String Pocket úr Epal hér, Design Letters bollar, Bisgaard skór, Leikhringla úr Petit hér, Muuto Snagar úr Epal hér,
Ferm Living Herðatré úr Epal og Peysa frá Konges Slojd fæst í Petit hér

Mynd til hægri: Hvítur stjörnupúði úr Petit hér, Grár stjörnupúði frá Dimm hér, Könges Slojd Hringla, Babynest úr Petit hér og
Vasi á rimlarúm frá Konges Slojd úr Petit hér

Blöðrur úr Snúrunni fást hér

Mynd til vinstri: Grá karfa úr Zara Home, Bleikur stjörnupúði úr Petit hér, Garbo & Friends leikteppi (upprúllað) fæst í Dimm hér, Dúkkurúm úr Snúrunni

Mynd til hægri: Svanaórói frá Cam Cam Copenhagen fæst í Bíum Bíum, Garbo & Friends teppi hér og Vasi á rimlarúm frá Könges Slojd fæst í Petit hér

BABY ROOM

Ég hef nú ekki setið auðum höndum núna á lokametrunum en það styttist óðum í litla erfingjann. Ég er búin að hafa nægan tíma í sumar til að dúlla mér við hornið hennar og núna allt í einu er allt komið heim og saman. Stóðst því ekki mátið og ákvað að mynda hornið hennar fyrir ykkur en rúmið er opið vegna þess að það verður í raun ekki þarna nema á daginn en það verður upp við mitt rúm. Mig langaði ekki að gera fölbleikt prinsessu herbergi þó að vissulega sé nokkrir mjög sætir og dúllulegir munir sem prýða hornið hennar. Þá langaði mig að blanda fleiri litum og þar sem mér finnst grænn svo ótrúlega fallegur á móti bleikum varð hann fyrir valinu. Rúmið fengum við að láni en þetta er klassíska Stokke Sleepi rúmið sem ég er búin að dunda mér við að gera upp síðustu vikurnar. Ég fékk nokkra fallega aukahluti fyrir rúmið að gjöf í barnasturtunni um daginn en vinkonur mínar gáfu mér bæði himnasængina og stöngina sem er sérstaklega hönnuð fyrir rúmið til að hengja himnasængina á.  Rúmið fæst í Fífunni. Ég lét síðan útbúa fyrir mig nýja dýnu og þá fór allt að smella og loksins var einhvern vegin kominn tími til að fara að gera allt og græja. Þetta er örugglega eitt það skemmtilegasta sem ég hef dundað mér við lengi en það er svo gaman að sjá allt koma heim og saman að lokum. Búið að vera allt í kössum og pakkningum þangað til nú en mamman hefur örugglega mun meira gaman af þessu en sú stutta en það er bara partur af þessu öllu. Annars staðar er ég síðan með litla sæta skiptiaðstöðu og fataskápinn hennar en þetta er aðeins dreift um alla íbúð þar sem hún er ekki með sérherbergi. Grái liturinn á veggnum heitir Kyrrð en þar sem við deilum svefnherbergi var ég ekki að skipta um lit en myndi líklegast velja meira afgerandi lit ef hún væri með sérherbergi.

Færslan er unnin í samstarfi við Vagabond.

NEW IN: VAGABOND OLIVIA

Mig langar varla að tala um hina fullkomnu haustskó þar sem sumarið er ekki einu sinni byrjað hér á landi. Með haustinu koma allar þessar extra fallegu þykku og mjúku flíkur, hlýjir treflar og leðurskór. Á haustin tek ég yfirleitt fataskápinn í gegn og breyti aðeins til. Það verður kannski ekki alveg þannig núna en ég hlakka mikið til að geta gengið til þessa gullfallegu leður ökkla stígvél frá Vagabond. Þetta par er partur af haustlínu merkisins en ég á sama snið í öðrum lit en mér finnst ég alltaf verða að eiga eitt svona klassískt par og eru þetta yfirleitt skórnir sem ég klára á einum vetri. Það sem ég elska við þetta snið er hvað það er ótrúlega þægilegt en skórnir sem ég á fyrir eru þeir þægilegustu í skóskápnum. Þessir passa hreinlega við allt og hlakka ég til að finna mér fallega kápu við þá fyrir veturinn. Ég elska að nota svona ökklastígvél við bæði lausar og níþröngar gallabuxur. Haustvörurnar streyma inn og ætla ég að fara með ykkur í smá ferðalag í vikunni á Instagram Stories og sýna ykkur öll þau fallegu pör sem eru mætt í Kaupfélagið fyrir haustið.

Vagabond Olivia fæst í verslunum Kaupfélagsins Smáralind og Kringlunni

BABY SHOWER

Allar uppáhalds konurnar mínar tóku sig til og komu mér á óvart með óvæntri ,,barnasturtu” í gær. Ég er ennþá í spennufalli þó að mig hafi grunað ýmislegt síðustu daga. Stelpurnar fóru langt langt yfir strikið og voru skreytingarnar guðdómlegar og veitingarnar ómótstæðilegar. Veislan var haldin heima hjá foreldrum mínum og reyndist öllum svolítið erfitt að komast fram hjá mér þar sem ég ákvað að sitja út á palli í góða veðrinu og sötra morgunkaffið og þurfti gestirnir að fara ýmsar krókaleiðir en foreldrar mínir búa innar í sömu götu og ég. Það var öllu tjaldað til og gæti ég ekki verið þakklátari fyrir konurnar í kringum okkur mæðgur og hlakka ég mikið til að kynna litla dömuna fyrir öllum þessum frábæru konum sem hafa beðið svo spenntar eftir henni. Alexsandra vinkona á heiðurinn af þessum fallegu skreytingum en hún þekkir sína konu ansi vel og var þemað hvítt, gyllt og eucalyptus. Mér skilst að hún hafi pantað skreytingarnar ýmist af Etsy og Asos en einnig fékk hún efniviðinn í blöðrubannerinn í Partyvörum. Gyða Dröfn föndraði síðan þessa fallegu eucalyptus kóruna á mig sem ég er nú þegar búin að hengja upp og ætla að þurrka og geyma. Ég á bara ekki til fleiri orð til að lýsa þessum yndislega degi og leyfi því myndunum að njóta sín.

PREGNANCY SKIN, HAIR & BODY FAVORITES

Ég er mikið spurð að því hvaða vörur mér hefur fundist best að nota á meðgöngu en reglurnar með hvað má og hvað má ekki á meðgöngu eru óteljandi. Ég vildi samt sem áður tileinka mér góða rútínu sem lætur mér líða vel bæði í líkama og sál. Þessi færsla átti svo sannarlega að vera stutt og laggóð en þegar ég byrja að tala um húð, hár og líkamsvörur er ég óstöðvandi. Ég er búin að hugsa ótrúlega vel um húð, hár og líkama á meðgöngu og langaði að deila með ykkur þeim vörum sem hafa verið í hvað mestri notkun. En ég ákvað að skipta um sjampó núna í sumar þar sem ég var búin að nota það sama svolítið lengi og var kominn tími til að prófa eitthvað annað. Hitt var ennþá frábært en stundum fær maður leið á því að nota það sama aftur og aftur. Því leitaði ég til aðstoðar hjá sérfræðingunum í Davines og fékk heim með mér tvær vörur úr Natural Tech línunni. Bæði sjampó og sérstakt serum til þess að bera í hársvörðinn. Á meðgöngu hefur hárið mitt verið mis gott en alltaf vex það eins og arfi. Á tímabili fór ég ekkert úr hárum og svo lenti ég í algjörri andstæðu og fór ég mikið úr hárum á timabili. Þá ákvað ég að skipta í nýtt sjampó og ákvað að fara á bara smá ,,kúr” og hef ég bara notað þetta sjampó í ákveðinn tíma. Núna er ég búin með meiri hlutann af flöskunni og með mjög góðum árangri. Sjampóið er orkugefandi, örvar hárvöxt og minnkar hárlos. Þó að hárið mitt sé mjög sterkt og þykkt þá þarf ég stundum að hugsa extra vel um það. Niðurstaðan er sterkara, þéttara og finn ég fyrir mun minna hárlosi en áður. Ég nota serumið samhliða sjampóinu sirka 1-2x í viku og ber það í hársvörðinn. Vörurnar eru ekki bara náttúrulegar, parabena og súlfat fríar heldur ilma þær einnig dásamlega. Samhliða því hef ég djúpnært hárið einu sinni í viku og til þess hef ég notað djúpnæringarnar frá Davines úr the Circle Chronicles línunni. Næringarnar eru fimm talsins í línunni og er the Wake Up Circle mín uppáhalds. Koma í litlum þægilegum umbúðum og getur maður notað hvern pakka sirka 3x. The Wake Up Circle næringin djúp nærir bæði hár og hársvörð og ilmar hún dásamlega.

Eins og ég talaði um í færslu um daginn hef ég mikið þurrburstað kroppinn á meðgöngu og nota ég kaktus burstann úr The Body Shop til þess. Mér finnst dásamlegt að þurrbursta fótleggina eftir langan dag og koma blóðflæðinu af stað. Þurrburstun er eitthvað sem mér finnst ég verða háð á tímabili en tilfinningin eftir á er bara svo góð. Yndislegt að bera á sig síðan olíu eða gott krem og finna rakann fara djúpt inn í húðina. Ég er á annarri flöskunni minni af möndlu olíunni frá LOccitane en ég ber hana aðallega á kúluna og einnig allan kroppinn eftir góða þurrburstun. Fyrir nóttina finnst mér síðan yndislegt að spreyja dágóðu magni af lavender yfir rúmið. Ég hef lengi lengi notað þetta sprey en núna á meðgöngu hef ég ekkert sparað það og leyft mér að spreyja því vel yfir allt rúmið. Spreyjið hefur róandi áhrif á líkama og sál.

Húðumhirðan hefur ekki setið á hakanum og hef ég hugsað extra vel um hana. Ég hef notað tvö serum, eitt á kvöldin og hitt á morgnanna. Á kvöldin nota ég hið margrómaða Advanced Night Repair Serum frá Estée Lauder og á morgnanna nota ég C-Firma serumið frá Drunk Elephant. Það nota ég undir rakakremið Lala Retro frá sama merki og finnst sú tvenna ómótstæðileg. Finnst ég varla geta farið út í daginn nema ég beri það á. Advanced Night Repair droparnir draga úr einkennum  ótímabærrar öldrunar og inniheldur einnig efni sem að hámarkar upptöku raka húðarinnar. Ég ber dropana á mig fyrir nóttina og sjá þeir um að húðin fái allan þann raka sem hún þarf á meðan ég sef. Yfir þá nota ég síðan yfirleitt Origins Drink Up maskann. Á morgnanna nota ég síðan C-Firma serumið mitt sem ég er orðin ansi hrædd um að klára áður en einhver nálægt mér kemst í Sephora fyrir mig. Drunk Elephant mælir með notkun serumsins á morgnanna undir rakakrem eða sólarvörnina þína. C Firma er stúttfullt af virku C vítamíni sem að jafnar húðtón en margar konur glíma við að húðin dökknar mikið í sól á meðgöngu og eftir verða blettir og annað. Ég sé a frekknurnar mínar dökkna mun hraðar núna en vanalega og því hef ég verið dugleg að nota C Firma til að sporna gegn ótímabærum öldrunar einkennum. Síðan 1-2x í viku finnst mér yndislegt að djúpnæra húðina með hunangsmaskanum frá The Body Shop sem ég tala rosalega mikið um. Þegar húðinni minni vantar extra raka þá leita ég alltaf í hann. Maskinn inniheldur hunang og marula olíu sem veita húðinni samstundis mikinn raka. Ég leyfi honum að liggja á í góðar 10-20 mínútur og eftir á er húðin silkimjúk og ljómandi.

1. Davines Energizing Shampoo (Fæst á völdum hárgreiðslustofum, sjá hér)* 2. Kaktus þurrbursti fæst í verslunum the Body Shop 3. Estée Lauder Advanced Night Repair fæst hér 4. Davines Energizing Serum (Fæst á völdum hárgreiðslustofum, sjá hér)*. 5. The Wake Up Circle djúpnæring (Fæst á völdum hárgreiðslustofum, sjá hér)* 6. Ethopian Honey mask fæst í the Body Shop* 7. Drunk Elephant C-Firma Day Serum fæst í Sephora í USA 8. LOccitane Lavender Pillow Mist fæst í LOccitane í Kringlunni


Looking for Something?