Camellituð Golla hér / Gallabuxur hér / Trefill hér / Skyrta hér / Síð peysa hér / Glitrandi peysa hér

ASOS WISHLIST

Í tilefni þess að Asos býður upp á 15% afslátt af öllum vörum sínum í dag með kóðanum: SCREAM15 langaði mig að deila með ykkur óskalistanum mínum. Mig vantar föt. Ég hélt ég myndi aldrei segja þetta á ævi minni. Ég hef ekki verslað mér föt lengi lengi útaf meðgöngunni og langar ekkert að vera í þeim fötum sem ég notaði á meðan henni stóð. Þess vegna hékk ég aðeins inn á Asos í gærkvöldi og skoðaði hvað ég væri ekkert á móti að panta mér. Mig vantar góðar peysur fyrir veturinn, flottar gallabuxur og allskonar trefla og fínerí. Það sem mig vantar ekki eru yfirhafnir en ég hef verið ansi dugleg við að kaupa mér þær upp á síðkastið. Hlakka til að deila með ykkur því sem ég kaupi mér síðan á Instagram Stories.

 

Færslan er unnin í samstarfi við Liewood.

LIEWOOD

Mig langar að segja ykkur aðeins frá danska merkinu Liewood sem er nú fáanlegt í versluninni Dimm. Dimm opnaði nýlega verslun í Ármúla og mig langar í samstarfi við verslunina að kynna ykkur fyrir Liewood. Liwood hefur lengi hannað og framleitt sterkar og vandaðar vörur fyrir börn á öllum aldri. Fatnað, leikföng og skrautmuni í herbergið. Vörurnar eru hver annarri fallegri og valdi ég að sýna ykkur tvær mjög skemmtilegar línur frá merkinu og þið sjáið um leið að úrvalið er gífurlegt. Ég valdi að sýna ykkur pönduna og kisuna en það eru til margar aðrar skemmtilegar og litríkar vörulínur og má til dæmis nefna rúmföt, handklæði, sokka og sokkabuxur í öllum regnbogans litum. Vörurnar eru ekki bara fallegar heldur hafa þær mikið notagildi og þar má til dæmis nefna þessa skemmtilegu púða sem má nota til að hjálpa börnum að æfa sig að sitja og nota sem púða í vagna. Leikfangahirslur, spiladósir og margt fleira fallegt sem gerir barnaherbergin að einskonar draumaheimi. Liewood hefur tekist að gera matmálstíma einstaklega skemmtilegan með vönduðum matarstellum, glösum og hnífapörum úr bambus og sílikoni. Sjón er sögu ríkari og mæli ég með heimsókn í nýja verslun Dimm í Ármúla 44 eða skoðið úrvalið á netinu hér.

Í tilefni komu merkisins í verslunina langar mig að færa tveimur heppnum lesendum 15 þúsund króna úttekt frá Liewood. Leikreglurnar og leikinn má finna á Facebook síðu Thorunnivars.is hér

 

Færslan er unnin í samstarfi við Steinar Waage

SHEPHERD OF SWEDEN

Í fyrradag eignaðist ég þessa guðdómlegu inniskó frá Shepherd of Sweden. Fæðingarorlofið felur í sér mikla viðveru heima fyrir og erum við mest megnis í rólegheitunum að hafa það kósý. Mér er yfirleitt mjög kalt og hefur verið upp á síðkastið og því ekki seinna vænna en að næla sér í hlýja inniskó fyrir veturinn. Sá þessa hjá vinkonu minni og varð bara að eignast þá. Á morgnanna þegar við förum fram er eitthvað svo hráslagalegt úti og hrollur í manni og finnst mér ekkert betra en að fara í eitthvað hlýtt og notalegt og er ég yfirleitt í náttslopp fyrstu klukkutíma dagsins. Þessir dásamlegu loðnu inniskór eru frá sænska merkinu Shepherd of Sweden og eru skórnir úr ekta skinni og því ótrúlega hlýjir. Þeir eru nefnilega ekki bara augnakonfekt heldur einnig mjúkir, þægilegir og hlýjir. Ég hef að minnsta kosti ekki farið úr þeim í næstum tvo sólarhringa. Mér finnst þeir tilvaldir í jólapakkann en þeir kosta 11.990 kr og fást í verslunum Steinar Waage. Úrvalið er mjög gott af mismunandi inniskóm fyrir veturinn og mæli ég með að gera sér ferð í verslunina og skoða.

 

Peysukjóll hér // Oversize peysa hér

KNITS FOR FALL

Það hafa liðið ár og dagar síðan ég sýndi ykkur síðast hvað ég væri að versla. Foreldrar mínir eru á leið erlendis og því greip ég tækifærið og pantaði mér nokkrar mjúkar flíkur frá & Other Stories fyrir veturinn. & Other Stories verslunin er í mjög miklu uppáhaldi hjá mér og klikka peysurnar og treflarnir aldrei. Í raun eru allar prjóna vörurnar frá þeim dásamlegar og sést aldrei á þeim. Ég kaupi alltaf 100% ullarpeysur frá þeim enda vandaðar og hlýjar fyrir veturinn. Þegar maður er með barn á brjósti er eiginlega erfiðara að klæða sig heldur en óléttur. Núna þarf að vera þægilegt að vippa öllu upp og þarf það líka að vera hlýtt og gott. Þess vegna fannst mér þessar tvær flíkur vera algjör snilld við gallabuxur og kápu eða úlpu í vetur. Ég þarf alltaf að taka fataskápinn í gegn á haustinn og núna hefur mjög lítið bæst við í hann og ákvað ég að leyfa mér að bæta aðeins í hann. Því miður sendir verslunin ekki til Íslands en hún sendir um allan heim og mæli ég með að skoða úrvalið og set ég beina linka á flinkurnar hér fyrir ofan. Ég vona svo að ég verði duglegi við að deila með ykkur meira framtíðar kaupum en ég stakk með tveimur flottum cashmere húfum (í raun rándýrum) en mér er hrikalega kalt á eyrunum í göngutúrunum okkar enda mjög vindasamt hér í hverfinu og fannst mér ég eiga það skilið að eiga tvær flottar til skiptana hér og hér. Núna ætla ég aðeins að stelast inn á Sephora síðuna og fylla á snyrtivörubirgðirnar.


Looking for Something?