insta1

1. Klikkaði ekki á að pakka Under Armour gallanum 2. Falleg blóm í Whole Foods

Fríið byrjar einstaklega vel en við komum til Florida í gær um kvöldmatarleytið og versluðum í matinn, borðuðum og sofnuðum fyrir klukkan 11. Vorum vel þreytt eftir flugið, reyndar sef ég reyndar eins og steinn í öllum flugvélum. Held ég verði hálf meðvitundarlaus. Vaknaði því ýkt snemma og skellti mér í létt og gott morgun gym. Bara næsness og svona típískt hótel gym en reyndar er smith vél mér til mikillar gleði. Ameríkaninn starði þegar hvíta stelpan byrjaði að rífa í lóðin. Seint ætla amerískar stelpur að læra að lyfta. Síðan lág leið mín á sundlaugarbakkann þar sem ég tók gott þriggja klukkustunda brúnku session svo auðvitað skelltum við okkur mæðgur í eins og eina eða tvær búðir. Ákvað að í þessari ferð ætlaði ég ekki að kaupa neitt dót og drasl, finnst líka svo leiðinlegt að þurfa að hafa fyrir því að finna eitthvað fallegt í fatahrúgum. Svo margt sem ég þarf að sýna ykkur sem ég nældi mér í í dag og ætla að taka því rólega á morgun og sýna ykkur einn sérstaklega fallegan grip sem ég nældi mér í í dag. Meira um það á morgun! Góða nótt

Beach_bikini_21

Mynd síðan seinasta sumar.  Mynd: Þorsteinn Sigurbjörnsson

Loksins komið að því en í fyrramálið fer ég loksins í kærkomið sumarfrí til Florida & Californiu. Heldur mikið ferðalag en fyrstu 6 dagana ætla ég að njóta með gamla settinu en síðari 6 ætla ég að njóta með Birgittu minni og LA stelpunum mínum og svo aftur tveimur dögum með hjónunum. Kærastinn greyið verður eftir heima. Ég er rosa rosa spennt og get eiginlega ekki beðið. Get ekki beðið eftir að sjá bestu ameríku vinkonurnar aftur og veit ég að það verða felld ansi mörg tár þegar ég þarf að kveðja þær á ný. Alltaf svo erfitt að vita ekki hvenær maður hittist aftur. Á svo skilið að fara í frí og er búin að vinna og æfa eins og enginn sé morgundagurinn. Ferðataskann er næstum tóm og bíða mín miljón hlutir á hótelinu. Hlakka mest til að komast í glæný náttföt og leggjast á koddann annað kvöld í Florida. Lofa að blogga á hverjum degi á meðan ég verð úti og taka fullt fullt af myndum. Fylgist með hér og á instagram @thorunnivars

miracleairdetaint

Ég er ótrúlega pjöttuð þegar það kemur að farða /meiki og finnst mér hann vera undirstaðan í fallegri andlitsförðun. Ég er búin að prófa ótrúlega marga en hvort að meikið heiti L’Oréal eða Chanel þá bara henta þeir mér oftast bara alls ekki neitt. Ég kaupi mér oftast dýra farða í þeirri von um að þeir henti mér betur. Meik nefnilega skilja sig á húðinni minni. Veit ekki hvernig get ég lýst því en ég þarf oftast nær alltaf að spasla andlitið kl 16 á daginn þrátt fyrir að hafa setið kjurr fyrir framan tölvuskjá frá því klukkan 9 um morguninn. Finnst það alveg glatað en um daginn var ég meiklaus og allt búið á lager. Einhverstaðar í bjútískúffunni minni fann ég þessa fínu prufu af Lancôme farða sem heitir Miracle Air De Teint. Liturinn hentaði mér ekki einu sinni en samt sem áður kolféll ég fyrir farðanum. Ég man ekki einu sinni hvar ég fékk prufuna og jafnvel rændi ég henni af mömmu. Ég var ekki lengi á rölta í snyrtivörudeildina í Hagkaup og næla mér í einn í réttum lit.

tota-1

Á húðinni er ég með: Miracle Air De Taint, Sensai sumarpúður, YSL Kiss & Blush á kinnum og vörum og YSL Babydoll maskarann. Mynd: Andrea Rún Carlsdóttir

En þetta er í fyrsta skipti í langan tíma sem ég hef fundið meik fyrir utan Matt Foundation frá Make Up Store og Studio Skin farðann frá Smashbox sem ég get notað. En þessi er svo léttur að mér jafnvel finnst eins og hann gufi bara upp á húðinni. Hingað til hef ég alltaf viljað vera með frekar mikla þekju en þessi er einmitt miklu léttari en það sem ég nota vanalega. Ég fæ þetta fullkomna airbrush lúkk á húðina sem er samt matt. Það er sérstök Blur tækni sem dregur í sig umfram fitu á húðinni og formúlan myndar þannig ,,gegnsætt gel” sem mattar án þess að þyngja farðann. Það sést ekki á húðinni að ég sé með farða og finnst mér útkoman ótrúlega náttúruleg. Farðinn inniheldur Muscat Rósa olíu sem róar og mýkir húðina. Ruscus Extract sem örvar smáæðahringrásina sem gefur ferskara og fullkomnara náttúrulegt útlit og Vitamin E sem örvar súrefnismettun húðarinnar. Þó ég segi sjálf frá þá myndast húðin mín 100 sinnum betur með nýja farðan heldur en nokkurn annan. Miracle Air De Teint frá Lancôme er kominn til að vera í snyrtibuddunni minni.

Ég ætla að mæla með Miracle Air De Teint frá Lancôme fyrir allar konur, bæði þær sem eru alltaf með farða og líka þær sem nota hann bara spari. Mig hefur lengi langað til að kaupa mér DreamTone húðlitacorrector serum-ið frá Lancôme og nota undir farða. Ég held að það gæti verið skothelt combó. Jafnvel að ég splæsi í hann þegar ég kemst í Sephora.

beach

Tók saman topp 5 hluti sem eru algjört “MUST” á sundlaugarbakkanum og á ströndinni í Florida & Californiu ferðinni minni. Ég er búin að undirbúa mig aðeins til að tryggja það að ég geti farið strax á laugardagsmorgun út á laug og slappað af. Efst á pökkunarlista fyrir ferðina eru auðvitað öll þrjú Triangl bikiníin en þetta appelsínugula er það nýjasta í hópi systkinanna. Ég er búin að útvega mér góða sólarvörn fyrir bæði kropp og andlit frá Sensai  ásamt góðri bók og sólgeleraugum. Splæsti svo í svona fínan hvítan ,,Beach Cover Up” kjól frá Nasty Gal til að skottast í um ströndina og sundlaugarbakkann. Jiii hvað ég er orðin spennt. Ég finn enga flotta sandala á netinu en við mamma gerðum dauðaleit að hvítum Birkenstock sandölum en allir virðast þeir vera uppseldir í okkar stærð. Fékk svo þetta fína strandteppi gefins með Victoria’s Secret pöntuninni minni svo ég þarf ekki að hafa áhyggjur af neinu. Núna ætla ég að leggja kreditkortið frá mér og klára þessa vinnu viku og svífa svo inní sældarlífið á föstudaginn.

1. Sensai Sólarvörn fæst í Hagkaup 2. Tom Ford Sólgleraugu fást í Optical Studio
3. Nasty Gal Cover Up fæst hér 4. Triangl Bikiní fæst hér 5. #Girlboss bók fæst hér