Untitled-1
Hvernig þríf ég burstana mína? Það er ótrúlega einfalt að halda förðunarburstunum sínum hreinum og fínum. Bæði finnst mér það mikilvægt vegna þess að það safnast fyrir bakteríur og önnur óhreinindi í burstunum svo ég reyni að þvo mína á sirka 2-3 vikna fresti. Þá sem ég nota oftar þvæ ég með jafnvel styttra millibili. En kannski aðalástæðan fyrir því að ég þvæ þá er að mér finnst þeir virka helmingi betur hreinir og fínir. T.d. burstinn sem ég nota í blautan farða (Buffing Brush frá Real Techniques) en hann verður slepjulegur og ógeðslegur ef ég er ekki dugleg að þrífa hann. Ég finn að það er miklu auðveldara að gera húðina fallega og kemur miklu fallegri áferð á húðina þegar hann er t.d. alveg hreinn. Því fer þessi elska mjög oft í bað.

IMG_6262
1. Ég þvæ burstana mína ofan í vaskinum, en ég nota hreinan lófann til að nudda úr hárunum allan farða. Ég bleyti burstann fyrst undir smá rennandi vatni (passa að bleyta samt aldrei handfangið eða of nálægt þar sem hárin byrja). Set svo sjampó á burstann og nudda svo allan farða úr burstanum og nudda þangað til að fremstu hárin eru orðin alveg hvít eða ljósgrá aftur (eða þangað til að sápan er orðin skjannahvít). Það getur stundum tekið alveg dágóðan tíma. Ég hef líka séð að það skiptir í raun engu máli hvaða sápu eða sjampó eða ólífu olíu þú notar til að þrífa burstana þína. Mér finnst mínir verða rosalega fínir ef ég nota bara Tressemmé sjampó sem fæst í Kosti.

IMG_6260
2. Þegar ég er búinn að þrífa hvern og einn bursta þurka ég hann vel og vandlega með þurru og hreinu handklæði. Svo leyfi ég þeim að þorna á handklæðinu á meðan ég klára að þrífa restina af burstunum.

IMG_6268
3. Mér finnst best að þrífa handföngin á burstunum með farðahreinsitissjúum. En við eigum flest allar svoleiðis til heima og taka þau öll óhreindini sem safnast fyrir á þeim. Þetta er þægilegt trikk sem maður ætti að gera miklu oftar.

IMG_6222
3. Þegar allir burstarnir eru búnir í baði og ég er búin að þrífa handföngin þá set ég þá á borð þannig að hárin komi fram af brúninni (Sjá mynd). En þannig leikur meira loft um hárin og þeir eru fljótari og þorna og þeir eru fljótari að fara í upprunalegt form. Svona skil ég þá eftir yfir nótt en passa að það skíni ekki á þá sól (um morguninn).

Voila! Þá eru þeir allir hreinir og fínir og tilbúnir fyrir daginn

IMG_6143
Stundum að snattast með mömmu sinni í búðum. Í gær eftir vinnu fórum við mamma í nokkrar búðir og keyptum gardínur fyrir íbúðina mína, púða í IKEA og ýmislegt fleira. Við kíktum aðeins við á útsöluna í Laura Ashley í Skeifunni þar sem ég fann þennan fagra kopar/rósagulllitaða myndaramma. Ég var ekki lengi að festa kaup á gripinn, fara heim og skella í hann mynd. Þetta er mynd af okkur hjónaleysunum í brúðkaupi síðasta sumar.

Hann var á 30% afslætti á útsölunni og kostaði upprunulega 7.500 kr- ég sá að það var að minnsta kosti einn eftir svo fyrstur kemur fyrstur fær.

Nú læt ég mig dreyma um koparlitaða borðlampann sem ég sá í versluninni sem yrði svo fallegur heima hjá mér með skjannahvítum skermi.

buxur 8990 toppur 10900
Beint eftir vinnu í gær
lá leið mín í nýju Vero Moda verslunina í Kringlunni í fór opnunar partý. Ég er í sjokki, vá. Sem starfsmaður í fyrirtækinu þá hef ég stundum tekið aukavatktir í versluninni og persónulega fannst mér búðin þurfa á upplyftingu á að halda. En vá, þetta fór langt fram yfir mínar vonir. Búðin er ótrúlega smart, lýsingin æðisleg og bara allt flott. Ég sveik ekki lit og nældi mér í bláa dressið á myndinni, appelsínugulan íþróttatopp, gráan íþróttabol og svo hvítan stuttermabol til dagsdaglegra nota (stórt OOPS!).

yasoutfit
Sjálf fór ég beint í ræktina eftir opnunina og prufukeyrði dressið og stóðst það allar mínar væntingar! Íþróttatoppurinn er svo sjúkur og bakið svo flott ef maður í gráa bolnum yfir og mæli ég með því að þið séuð komnar ekki seinna en klukkan 09:00 í búðina í dag. Ég prófaði að fara í bæði bláu buxunar og bláu peysuna (fann ekki mynd af henni) saman og var fljót að komast að því að þetta væri eitt flottasta hlaupa outfit sem ég hef á ævinni mátað. Mér finnst appelsínugult við dökkblátt vera ein flottasta litasamsetning sem til er. En það er vegna þess að blár og appelsínugulur eru algjörlega andstæður í litahjólinu (color wheel). Á næstu dögum ætlum við Þorsteinn svo að mynda þær flíkur sem ég nældi mér í.

En vinningshafinn í þessum skemmtilega leik er:

 Katrín Ösp Jónasdóttir

En hennar bíður 10.000 kr gjafabréf í verslunina í versluninni sjálfri
svo hún getur mætt strax á staðinn og nælt sér í fallega flík úr nýju Vero Moda búðinni!

Fyrir þær sem eru utan að landi og langar að panta sér flíkur úr línunni þá tók ég XS í bláu æfingabuxunum,
S í peysunni (fannst hún mjög lítil), S í gráa æfingabolnum og XS í appelsínugula íþróttatoppinum.

Hér
sjáiði vörurnar úr línunni betur.

livingroom1
Innnanhús perrinn í mér er loks að njóta þess að láta ljós sitt skína. Það er svo margt á döfinni að ég hef varla tíma til þess að spá í þessu öllu. En við ákváðum að skipta út hvíta sófanum okkur út fyrir ljósgráan. Er að deyja úr spenningi og síðan eru á leiðinni nýjar skjanna hvítar gardínur fyrir 4m gluggann sem nær alveg frá gólfi og upp í loft. Um helgina ætlum við svo að spreyja stofuborðið skjanna hvítt og ætla ég að gera mér þó nokkrar ferðir í búðir í leit að hinum fullkomnu púðum til að setja í sófann. Langar rosalega í einn Dot frá Hay en úfff…held ég verði að bíða eftir að einhver splæsi í ljósbleikan handa mér í afmælisgjöf.

Auðvitað er litapalletan sem ég er búin að ákveða fyrir íbúðina mjög ljós og langar mig helst að púðarnir séu svartir, hvítir og ljósbleikir. Ég er afskaplega hrifin af þessum ljósgræna lit sem er á veggjunum á myndum og held að mig langi til að mála vegginn sem eldhúsborðið okkar situr upp við í þessum lit. En við erum einmitt með málverk upp á vegg sem elsku pabbi minn málaði fyrir mig í þessari lita pallettu eins og á myndunum. Ég held að þetta gæti orðið alveg æðislegt. Ég myndi ekki slá hendinni á móti svona Los Angeles vegg plagati heldur. Næst liggur svo leið mín í Glerborg en ég er að láta sérsmíða fyrir mig fallega og mjög plain spegla til að setja í andyrrið og inn í svefnherbergi. En mér finnst þeir sem við erum ekki nógu stórir. Íbúðin okkar er rétt um 80 fermetrar og held ég að stórir speglar stækki pínku litla svefnherbergið mikið. Svo er ég löngu löngu búin að hanna nokkur verk sjálf til að setja í ramma en strákarnir á Merkistofunni sáu um að prenta þau út fyrir mig- en seina ég er ekki einu sinni búin að fara að kaupa ramma fyrir þau og hvað þá sækju þau til strákanna!

Nú ætla ég að klára þetta skemmtilega verkefni og sýni ykkur fallega heimilið þegar það er tilbúið! Jii hvað ég er spennt