ER ÍÞRÓTTATOPPURINN ÞINN Í RÉTTRI STÆRÐ?


Warning: file_get_contents(https://graph.facebook.com/?ids=http://www.thorunnivars.is/nike-sports-bra/): failed to open stream: HTTP request failed! HTTP/1.1 400 Bad Request in /var/www/virtual/thorunnivars.is/htdocs/wp-content/plugins/popular-post-by-facebook-like/popular-post-by-facebook-like.php on line 17

Warning: array_keys() expects parameter 1 to be array, null given in /var/www/virtual/thorunnivars.is/htdocs/wp-content/plugins/popular-post-by-facebook-like/popular-post-by-facebook-like.php on line 19

nikebrafitting

ER ÍÞRÓTTATOPPURINN ÞINN Í RÉTTRI STÆRÐ?

Á morgun í verslun Nike Air í Smáralind verður boðið upp á sérstaka íþróttatoppa mælingu fyrir konur á Konukvöldi Smáralindar. Það er alveg jafn mikilvægt að æfa í réttri stærð af íþróttatopp eins og að vera í réttri stærð af brjóstahaldara dagsdaglega. Það er ekkert nýtt að ég beri á mér mallann hér fyrir framan alþjóð en það eru 99% konur sem skoða síðuna mína svo þið fyrirgefið.

Ég var mæld í bak og fyrir og komst ég að því að ég hafði verið að nota alveg rétta stærð. Oft kaupum við konur “flottasta” toppinn án þess að spá í hvað við þurfum mikinn stuðning samkvæmt íþróttaiðkun og brjóstastærð. Mig langaði að sýna ykkur í máli og myndum hvaða toppur hentar best í hvað.  Ég fékk lánaða toppa í versluninni svo að ég væri nú örugglega að sýna ykkur nýjustu týpur og liti. Konur með stærri brjóst ættu alltaf að leita eftir toppum með miklum stuðning á meðan konur með lítil brjóst (ég) getum fengið að njóta þess að nota þessa aðeins efnisminni (sorry). Þrátt fyrir að vera með svona já frekar lítil brjóst finn ég alltaf fyrir því um leið ef ég er ekki með nógu mikinn stuðning um brjóstin á æfingu. Mér finnst það jafnvel geta orðið mjög sársaukafullt og héðan í frá mun ég alltaf hugsa mig tvisvar um áður en ég vel mér íþróttatopp. Miklvægt er að hafa í huga að toppurinn skerist ekki inn í þig á öxlum og handarkrikum. Eins og sjá má á myndunum hér fyrir neðan er ekkert sem skerst inn og það er vegna þess að ég er í réttri stærð af íþróttatopp. Þegar ég fer í of lítinn topp skerast toppar inn í handakrikann á mér og þess vegna ákvað ég að sýna ykkur toppana í þessari stellingu.

Processed with VSCOcam with t1 preset

LÍTILL STUÐNINGUR

Indy toppurinn frá Nike veitir manni lítinn stuðning og hentar því fullkomlega í “rólegri” þjálfun. Eins og röska göngu, lyftingar og jóga. Ég nota minn svona óspart i lyftingar og göngur en hef fundið fyrir óþægindum þegar ég hleyp, fer í spinning eða er mikið á ferðinni. Þessi finnst mér vera sá allra besti undir alla æfingabolina mína þar sem ekkert sést í toppinn en nota hann þó einungis á lyftingaræfingum. Það eru til þónokkrar týpur af toppum frá Nike sem litlum stuðning og eru þar nokkrar týpur mjög vinsælar, bæði þessi og svo saumlausu haldararnir sem ég er mjög hrifin af.

Processed with VSCOcam with t1 preset

MIÐLUNGS STUÐNINGUR

Nike Pro Classic haldarinn veitir miðlungs stuðning og tel ég þennan topp vera hinn fullkomna íþróttatopp fyrir mig. Ég hef alla tíð átt óteljandi liti af honum í skúffunni minni og hef notað í yfir 10 ár. Efnið í toppinum er tvöfalt og gefur þennan miðlungs stuðning. Hentar einstaklega vel í spinning, hjól, dans, buttlift og allar æfingar fyrir mig en ég mæli með fyrir konur með stærri brjóst að leita eftir meiri stuðning. Nike Pro Classic toppurinn er held ég sá vinsælasti hjá merkinu og er sá eini sem seldur er með miðlungs stuðning. Hann er til í milljón litum, mynstrum og útgáfum.

Processed with VSCOcam with t1 preset

MIKILL STUÐNINGUR

Þessum topp verð ég að mæla með fyrir konur sem stunda mikla hreyfingu og leita eftir hámarks stuðning. Þessi heldur við allt og er einstaklega frábær fyrir þær sem hlaupa, hoppa og skoppa mikið. Ég hef lengi vel átt einn svona í skúffunni sem ég nota þegar ég fer að hjóla, hlaupa eða hoppa mikið. Nike selur nokkrar týpur af toppum með miklum stuðning og einnig er hægt að fá flottann topp með miklum stuðning með skálum eins og sést á fyrstu myndinni í þessari færslu. Bakstykkið á toppunum með miklum stuðning eru sérstaklega hannað til að veita extra stuðning.

Eftir þessa löngu færslu vona ég að ég hafi getað hjálpað ykkur aðeins að skilja muninn á gerð toppanna. Ef þú skoðar allar myndirnar sérðu að þeir toppar sem hylja mest veita hvað mestan stuðning sem auðveldar okkur að leita að íþrótattopp. Það er nefnilega ekki alltaf þess virði að vera mesta skvísan ef það er óþægilegt. Á morgun fimmtudag er boðið upp á sérstaka íþróttatoppa mælingu í Nike Air í Smáralind og hvet ég ykkur eindregið til að mæta og komast að því hvort að þið séuð ekki örugglega í alveg réttri stærð og fáið góð ráð við val á rétta íþróttatoppinum fyrir þig.
Untitled-1
Þessi umfjöllun er ekki kostuð.

Leave a Reply

Your email address will not be published. Required fields are marked *


Looking for Something?