MENGUN 101


Warning: file_get_contents(https://graph.facebook.com/?ids=http://www.thorunnivars.is/mengun-101/): failed to open stream: HTTP request failed! HTTP/1.1 400 Bad Request in /var/www/virtual/thorunnivars.is/htdocs/wp-content/plugins/popular-post-by-facebook-like/popular-post-by-facebook-like.php on line 17

Warning: array_keys() expects parameter 1 to be array, null given in /var/www/virtual/thorunnivars.is/htdocs/wp-content/plugins/popular-post-by-facebook-like/popular-post-by-facebook-like.php on line 19

mengun101

MENGUN 101

Er ég sú eina sem finnur mun á húðinni eftir að þetta yndislega eldgos hófst? Eftir daginn finn ég að húðin mín er skítug- eiginlega drullu skítug, eins og það sé slykja yfir henni. Samt hreinsa ég húðina mína kvölds og morgna. Ég komst upp með það einu sinni að þrífa ekki húðina svona oft en ég kemst sko ekki um með það lengur og sérstaklega ekki núna. Ég tileinkaði mér að hreinsa húðina vel þegar ég bjó í mengunarborginni Los Angeles en mengun hefur mikil áhrif á mína líkamlegu líðan og má tengja fæðuóþolið mitt við mengun. Til að vernda húðina í þessari mengun finnst mér mikilvægt að drekka nóg vatn- það þarf ekki að segja mér að drekka vatn en það þarf að minna mjög marga á það. Djúp hreinsun og rakamaski finnst mér vera lykilatriði þessa dagana og þess vegna vanda ég mig extra vel þegar ég er hreinsa húðina mína þessa dagana.

Ég mæli með því að allar konur taki frá að minnsta kosti 1,5 klst á viku til að dekra við húðina og fara svo snemma að sofa. Þetta finnst mér mjög mikilvægt þegar prófin eru að skella á því oft gleymir maður að hugsa um andlegu hliðina og komast í burtu frá bókunum í örlitla stund. Ég fer rosalega mikið í heitt bað en er að reyna að minnka það því það er óhollt fyrir húðina.

Fyrir neðan hvern kafla set ég svo myndir af uppáhalds vörunum mínum sem ég mæli með.

DREKKA VATN

Ég á það til að drekka of mikið vatn og stúta oft 3-4 glösum á meðan eðlilegt fólk drekkur eitt, ég er alltaf þyrst en það er svo mikilvægt að drekka vatn. Það gleymist oft að tala um mikilvægi þess að drekka nóg vatn þegar við tölum um húðumhirðu. Sumir hata samt að drekka vatn en ofþornun í líkamanum getur látið húðina líta út fyrir að vera þurra og hrukkótta en það er vel hægt að bæta með því að vökva líkann vel.

DJÚPHREINSUN

Það er virkilega mikilvægt að hreinsa húðina bæði kvölds og morgna og nota ég Clarisonic burstann minn eða Clinique burstann minn til að aðstoða mig við að hreinsa húðina enn betur. Eins og mengunin er búin að vera síðastliðnar vikur finnst mér það samt einu sinni ekki vera nóg og hef ég tileinkað mér það að laus skrúbba húðina þegar ég fer í sturtu. Eins og þið flestar vitið eru Tax Free dagar um helgina í Hagkaup og ef þið eruð æstar í að kaupa ykkur húðhreinsibursta þá myndi ég slá til um helgina. Ég mæli bæði með Clarisonic burstunum og Clinique Sonic burstanum sem ég hef fengið að prófa líka (gerir ýtarlega færslu um hann bráðum). En ég mæli ekki með Olay burstanum.

1. Hreinsa farða af með olíu hreinsi
2. Hreinsa augnfarða af með olíu hreinsi
3. Hreinsa húð með kremhreinsi og húðhreinsibursta
4. Djúphreinsa húðina með fínum skrúbb


RAKI

Húðin mín drekkur svoleiðis í sig raka núna að það þykir varla eðlilegt. Set á mig rakamaska og er hann smoginn inn í húðina á núll einni og liggur við að mig langi að setja meira. Ef þú finnur fyrir extra miklum þurrki myndi ég mæla með því að þú fjárfestir í góðu og vönduðu rakakremi og/eða rakamaska. Þessa dagana nota ég ósparlega rakavatnið Mineralize Charged Water frá MAC sem frískar upp á útlit húðarinnar og gerir hana meira dewy. En þetta sprey er ekki “setting” sprey eins og FIX+ og er þetta í miklu flottari glimmer umbúðum og hentar einstaklega vel fyrir þurra húð. Stundum spreyja ég því á förðunarburstann minn áður en ég nota hann með blautum farða til að fá extra “dewy” lúkk. Ég veit ekki til þess að það sé til orð yfir dewy á íslensku.


LÍKAMINN

Mengun og óhreindini safnast einnig fyrir á líkamanum og því gott að þvo sér extra vel í sturtunni en ég nota sturtuolíusápuna frá L’Occitane og hefur fundist hún ómissandi yfir vetrartímann. Með Clarisonic burstanum mínum fylgdi með sérstakur líkamsbursti sem ég nota á ökkla, hné og olnboga en þeir staðir eiga það til að ofþorna hjá mér. Um leið og vetur konungur mætir á svæðið finn ég strax fyrir því að húðin mín verður minna teygjanleg. Bæði þurr og stíf og eiginlega sárt að beygja sig og teygja. Ég hef það fyrir reglu að bera á mig frá toppi til táar þykkt og gott krem fyrir svefninn og verður Body Butter frá The Body Shop alltaf fyrir valinu.

 

HÁRIÐ

Hárið mitt þarfnast sárlega dekurs í kulda og hef ég verið að nota undanfarið sjampó og hárnæringu frá Living Proof og eru vörurnar alveg að klárast hjá mér en því miður fást þær ekki á Íslandi (set samt linka hér fyrir neðan). Ég nota Argan Olíu maskann frá Eva NYC (Fæst t.d. í Hagkaup & Lyfju) sirka 1-2x í viku og leyfi að liggja í blautu hárinu í um það bil korter og alveg spari spari nota ég Caviar krem frá Alterna í hárið (fæst í Sephora) og er það besta hárvara sem ég hef prófað og þarf að fara að kaupa byrgðir af því.

Vonandi gagnast þessi listi en ég hef notað allar vörurnar sem ég minnist á í þessari færslu.

Untitled-1

Comments

  1. Íris
    November 14, 2014 / 09:43

    Má ég spurja þig afhverju þú mælir ekki með Olay burstanum? Er mikið að pæla í að kaupa mér einhvern svona hreinsibursta, en finnst hinir aðeins of dýrir 🙂

    • November 14, 2014 / 10:01

      Sæl Íris, Olay burstinn snýr húðinni í hringi á meðan hinir gera það ekki, toga á henni og fara ekki jafnvel með hana þrátt fyrir að hann hreinsi kannski betur en hendurnar á þér og þvottapoki. Þá ef við hugsum til lengri tíma þá verður húðin með stórum og teygðum svitaholum. Húðin verður miklu mýkri við notkun Clarisonic eða clinique burstans vegna þess að Olay burstinn er einfaldlega of harður og minnir einna helst á stóran rafmagnstannbursta. Ef ég væri þú myndi ég frekar nota hendurnar í stað þess að eyða pening í Olay burstann- leggja þá frekar fyrir eða setja hina burstana á afmælis/jólalista.

      Þetta er auðvitað mín skoðun en ég mæli ekki með burstanum.

  2. Sandra
    November 14, 2014 / 10:06

    Já ætlaði einmitt að spyrja þig að því sama.
    Hefur þú prufað Olay burstann og hefur séð með þínum augun að hann virkar ekki vel eða gerir eitthvað slæmt? Eða er það eitthvað sem þú hefur bara heyrt?

    • Sandra
      November 14, 2014 / 10:08

      Æji sá ekki svarið þitt fyrr en eftir að ég var búin að pósta þessu.

      • November 14, 2014 / 10:13

        Allt í góðu 😉 Þú fékkst lengra svar

    • November 14, 2014 / 10:12

      Hæ Sandra,

      Ég hef lesið mér ótrúlega mikið til um alla burstana en hef ekki prófað hann því ég myndi aldrei gera það eftir að hafa lesið og horft á video um hvernig hann virkar. Olay burstinn er ekki jafn háþróaður og hinir og snýr hann húðinni í hringi í stað þess að nota titring og takt til að örva húðina og þrífa hana. Þegar húðin er toguð og teygð er maður að setja of mikið álag á hana og endar það með því að fá stórar og teygðar svitaholur. Eins og í sagði í hinni athugasemdinni þá er þetta svolítið eins og nota stóran ragmagnstannbursta á húðina. Burstinn þrífur kannski húðina alveg vel en ef við eigum að hugsa til langs tíma þá myndi ég ekki taka áhættuna á því að fá togaða, teygða og hrukkótta húð frekar myndi ég halda áfram að nota hendurnar og vandaðar hreinsivörur. Það er hægt að sjá með berum augum að burstinn snúi upp á húðina já, en það er ekki hægt að sjá lang tíma áhrifin með berum augum.

      Þetta eru auðvitað mínar skoðanir samt sem áður.

  3. Íris
    November 14, 2014 / 11:04

    Takk fyrir svarið, hugsa að ég kaupi mér frekar frá hinum merkjunum 🙂

    • November 14, 2014 / 12:01

      Já, myndi klárlega gera það- Clinique og Clarisonic Mia burstinn er t.d. á frábæru verði núna um helgina á Tax Free 🙂

  4. Sigrun
    November 14, 2014 / 17:47

    sorry en hvernig geturu fullyrt að olay burstinn sé verri en clarisonic og clinique? Þú fékkst clarisonic burstann og clinique að gjöf og átt væntanlega að hæla þeim í staðin. Mjög ófagmannlegt að rakka olay burstann niður í leiðinni.

    • November 14, 2014 / 20:28

      Það er ekkert þannig. Ég veit að ég fékk hina að gjöf en ég er bara að segja mína og skoðun og má það alveg. Er ekki að rakka neitt niður og ég þarf ekki að hæla einu eða neinu, ég hef lesið mér mikið til og horft á miljón YouTube myndbönd þar sem konur mæla miklu frekar með Clarisonic t.d.

  5. Sigrun
    November 15, 2014 / 19:26

    ef þú myndir ekki tala fallega m hlutina sem þú færð að gjöf, þá myndu umboðin hætta að dæla í þig vörum. :Þú færð svo mikið magn að vörum að manni verður óglatt, normal konur hafa aldrei efni á að eiga allt designers dót til að smyrja í andlitið á sér.

    Svo líta ungar konur upp til þín og vilja líka geta notað svona flottar vörur. Fannst þessi síða mjög skemmtileg en núna er þetta bara auglýsing fyrir heildsölur.

    Það var enginn sem bað um álit á olay heldur ákvaðstu að skella því líka. Til hvers?? Er ekki nóg að hæla hinum fríu burstunum og sleppa því að tala illa um bursta sem þú hefur ekki einu sinni prófað.

    • November 15, 2014 / 20:27

      Sæl Sigrún,
      Þetta er bara mín skoðun Sigrún og hún endurspeglar ekki álit annarra. Ég á alveg rétt á að hafa mína skoðun og já ég hefði alveg getað sleppt því að mæla ekki með honum en mér fannst bara mikilvægt að koma að því vegna þess að ég fæ margar fyrirspurnir varðandi Olay burstann. Þvíí miður mæli ég ekki með honum þrátt fyrir að hafa ekki prófað hann sjálf en mjög góðar vinkonur mínar hafa keypt hann og einungis séð slæman árangur á húðinni. Ég tala um þær vörur hér á síðunni sem mér líkar við og myndi aldrei skrifa um aðrar en fannst ég bara knúin til að mæla gegn þessum bursta og mæla frekar með því að lesendur kaupi sér, já margfalt dýrari bursta því miður.

      Bestu kveðjur, Þórunn

  6. Elín
    November 17, 2014 / 12:29

    Ég ætla bara að fá að segja mitt álit á síðustu athugasemdum hér að ofan. Ég vil ekki síður heyra ef vörur sem eru til umræðu standast ekki væntingar og ég vil gjarnan lesa leiðbeiningar hvernig á að velja vörur. Til að mynda finnst mér áhugavert að ein tegund hreinsibursta snýs í hringi og því auðvelt að áætla að hún slíti húðinni eða hafi önnur áhrif á hana en aðrir hreinsiburstar sem hafa sama markmið en vinna með aðra tækni. Mín upplifun á því að lesa textann var einmitt ekki að þú værir að rakka niður eitt né neitt en það er hættan við að skrifa, og jú ekki síður að lesa texta, túlkun milli einstaklinga er mjög misjöfn.
    Ein færsla sem ég man eftir og lærði heilmikið af er varasalva-færslan sem var nýlega á síðunni þinni. Þar tiltókstu æskilega og óæskilega salva og færðir rök með og á móti – þegar ég las hana fannst mér að þess konar nálgun á vörur vantar hjá flestum þeim bloggurin sem ég fylgist með. Í raun finnst mér þessi hreinsiburstaumræða svipuð og satt að segja ætla ég að þakka þér fyrir báðar þessar færslur þar sem þær varpa ljósi á kosti og galla – og hjálpa mér og öðrum að taka upplýsta ákvörðun.
    Haltu áfram og það er ekkert að því að vera gagnrýninn en það er mikilvægt að vera málefnalegur!

    • November 17, 2014 / 14:02

      Æj veistu takk elsku Elín- mig vantaði klárlega svona fallega athugasemd þar sem þú nærð að koma orði á tilgang minn með þessum báðum færslum. Ég lærði heilmikið sjálf á varasalva færslunni þar sem ég sökk mér ofan í allskonar efnafræði við gerð hennar og sama má segja um hreinsiburstana. Ég skrifa ekki færslur án þess að vita neitt um efnið og legg heilmikla undirbúningsvinnu í færslurnar mínar! Mér þykir svo vænt um mína lesendur og finnst einnig mikilvægt að beina þeim frá vörum sem gætu verið þeim skaðlegar

      <3 knús á þig- þú lagaðir daginn minn 🙂

Leave a Reply

Your email address will not be published. Required fields are marked *


Looking for Something?