MARKMIÐ ÁRSINS 2016

markmidin

MARKMIÐ ÁRSINS 2016

Ég hef í nokkra daga verið að hugsa um gang lífsins sérstaklega hvernig ég ætla að tækla næstu önn í skóla, vinnu og bloggi. Margar ykkar spyrja mig hvernig ég fari að þessu öllu og held að galdurinn liggi að mestu í góðri skipulagningu. Undirrituð er að sjálfsögðu Meyja og í því felst ofur skipulagningarhæfileikar og ofurstundvísi. Fyrir hverja önn sest ég niður og skrifa niður tímana mína í skólanum og raða saman við vaktirnar mínar i VILA. Ég á fastar helgar sem auðvelt er að skipuleggja í kringum. Þegar grunnurinn er kominn er galdurinn að raða vel í kringum svo enginn dagur fari til spillis. Mér finnst best að bóka mig á bloggfundi frekar heilan dag heldur en einn hér og þar yfir vikuna. Frekar að heill dagur í viku sé tileinkaður blogginu og Instagram vinnu þar sem ég mynda fyrir færslur og tímaset þær síðan fyrir vikuna. Dagatalið í tölvunni er minn besti vinur en mér finnst best að hafa góða yfirsýn yfir vikuna mína. Þegar eitthvað fer útaf laginu verð ég oft mjög stressuð en það fylgir því bara að hafa fæðst í september. Mér finnst best að byrja daginn á lærdómi og drífa mig svo í spinning í hádeginu, því næst tíma í skólanum langt fram eftir degi.

Þetta hljómar kannski skringilega en það sem hjálpar mér svakalega er að vera með vel skipulagðan fataskáp og taka sérstakan tíma í að þvo öll föt svo að það sé oftast allt hreint og þá get ég alltaf farið í þau föt sem mig langar að fara í. Það er ávísun á miklar vangaveltur og vont skap ef allar uppáhalds flíkurnar liggja í hrúgu í óhreinatauskörfunni. Sunnudagskvöld fara oft í að þrífa allt sem er óhreint og best finnst mér að byrja vikuna á fallegum og vel skiplögðum fataskáp. Það gerir vikuna einhvern vegin svo miklu auðveldari að mínu mati.

Til að halda meðaleinkuninni í skólanum yfir átta þarf ég að gefa mér góðan tíma í lærdóm. Það er samt ótrúlega auðvelt að ákveða það en einhvern verð ég að ákveða hvernig ég ætla að gera það. Þá finnst mér lang best að skipuleggja hvaða tími er ætlaður hvaða fagi. Það er að sjálfsögðu mismunandi eftir áföngum hvað maður þarf að verja miklum tíma en maður er fljótur að komast að því og skipuleggur sig eftir því. Þegar kemur að prófatíð er dagatalið minn besti vinur og bý ég til allsherjar skipulag og ákveð hvað ég þarf að verja mörgum klukkustundum í hvert fag.

Mitt stærsta markmið á þessu ári er síðan að skrifa mun færri flíkur á mig í vinnunni. Ég vil ekki einu sinni vita hvað ég eyði í föt ár hvert. Nú þegar hefur verið skorað á mig í verslunarbann í janúar og ætla ég að sjálfsögðu að standast það en eftir það ætla ég fylgja ákveðnu budgeti sem ég hef sett mér fyrir hvern mánuð og verð ég að halda mig við það í hverjum mánuði. Þá get ég leyft mér aðeins en aldrei of mikið.

Ætla ekki að fara of ýtarlega í hvert og eitt markmið en þetta er
svona yfir það heila það sem mig langar að ná betri tökum á í ár. Endilega deilið
með mér ykkar markmiðum í athugasemdum fyrir neðan – það hjálpar oft að setja
þau út í kosmósinn því þá er maður líklegri til að standa við þau. Ég fékk hugmyndina
að láni frá erlendum bloggara en Alexsandra Bernharð bloggari/vinkona benti mér
á þau. Þú finnur svona blöð hér til að fylla inn í markmiðin þín.

Untitled-11

Share:

1 Comment

  1. January 4, 2016 / 19:49

    Njóta samveru við mína nánustu og þakka fyrir þær stundir sem ég fæ að vera þátttakandi í lífi þeirra sem ég elska.
    Fara oftar í ræktina fer núna 3x í viku held að það gæti væri gott að breyta til að fara 4x í viku. Enda svo hressandi að mæta í G-fit. Loksins búin að finna mína leikfimi.

Leave a Reply

Your email address will not be published. Required fields are marked *