JULY FAVORITES

Stjörnumerktar vörur voru fengnar að gjöf.

JULY FAVORITES

Nú er komið af uppáhalds vörunum mínum í júlí mánuði. Ég eyddi bróðurpartinum af mánuðinum í háloftunum og var því mikið förðuð. Það fylgir þess vegna að þurfa hugsa vel um húðina. Þetta eru þær vörur sem voru hvað mest í uppáhaldi hjá mér en ég prófaði ekki margar nýjar vörur í mánuðinum. Rútínan mín er yfirleitt sú sama og nota ég vörur alveg upp til agna. Það nýjasta sem bættist í snyrtibudduna er þetta frábæra rakakrem sem ég keypti í Sephora í Kanada um daginn. Kremið er þykkt, hlutlaust og hentar einstaklega vel undir farða. Ég nota það alla morgna og fýla mjög vel og held það sé komið til að vera í rútínunni. Kremið þykkt og rakagefandi án þess að gera húðina ólíukennda. Kremið hentar öllum húðgerðum en eins og ég sagði þá er það afskaplega hlutlaust. Ásamt því að vera yfirhöfuð frábært þá stíflar það ekki húðholur, er cruelty free og vegan.  Næst á dagskrá er það CC kremið sem ég hef klárað tvær litlar túpur áður en ég keypti mér þessa stóru. Þetta krem nota ég yfirleitt dagsdaglega og ber það á með beauty blender. Það gefur góða þekju, er létt og inniheldur SPF. Ég hef notað Take the Day Off línuna frá Clinique ótrúlega mikið og skiptist ég á að nota eina vöru meira en aðra. Í augnablikinu á mjólkin hug minn allan en hana nota ég í sturtunni til að taka af mér málninguna eftir langan dag. Ótrúlega fljótleg og auðveld leið og ertir ekkert húðina.

Upp á síðkastið hef ég verið að leika mér að því að nota vörur sem innihalda ávaxtasýrur og retinol. Ég er ótrúlega hrifin af hvoru tveggja og eru nýjustu vörurnar frá First Air Beauty búnar að slá í gegn hjá mér. Þá sérstaklega AHA sýran sem ég nota á húðina 2-3 skipti í viku. Sýran “skrúbbar” yfirborð húðarinnar án þess að innihalda korn. Ég er ótrúlega hrifin af því að nota ávaxtasýrur í stað kornaskrúbba og finnst það mun meira “effective”. Ég minni þó á að það þarf að nota sólarvörn dagana á eftir vegna þess að húðin verður extra viðkvæm í sól. Nýju maskarnir frá Origins finnast mér æðislegir og sérstaklega þessi Violet. Ég pakka yfirleitt einum svona með mér í stopp og dekra við húðina þegar hún er hvað þreyttust.

Nýjasti maskarinn úr smiðju Lancome kom mér svo sannarlega á óvart en þetta er eins og að bera á sig gerviaugnhár úr túpu. Hann þéttir augnhárin allsvakalega og hlakka ég til að prófa mig áfram með þessa extra svörtu formúlu. Síðast en ekki síst er í miklu uppáhaldi hjá mér nýjasta sólarpúðrið/kinnaliturinn frá MAC úr Fruity Juicy línunni. Hann er svo guðdómlega skemmtilegur og kemur hann mér í ekta sumarskap í hvert skipti sem ég set hann á. Fleira var það ekki í júlí sem stóð upp úr.

 

  1. Lala Retro rakakrem frá Drunk Elephant hér ? 2. It Cosmetics Your Skin But Better CC Cream hér 3. Clinique Take The Day Off hreinsimjólk

4. FAB Resurfacing Liquid 10% AHA* hér 5. Origins Violet maski* 6. Lancome Monsieur Big maskari* 7. MAC Fruity Juicy sólarpúður

 

 

 

Save

Save

Save

Share:

Leave a Reply

Your email address will not be published. Required fields are marked *