JUL 2016

jul

 

 

JUL 2016

Er of snemmt að byrja að tala um jólinn? Ég er að minnsta kosti komin í eitthvað kósý skap og ákvað að skrifa færslu og setja saman lista með bæði vörum sem ég hef nýlega fest kaup á eða langar að eignast fyrir hátíðarnar. Ætla bara að vara ykkur við því að ég er alveg búin að vera dugleg með kortið í október og festi kaup á ansi marga hluti sem lengi höfðu trónað efst á óskalistanum. Fyrst langar mig að segja ykkur frá jóladagatalinu frá Lakrids. Ég hlakka mikið til að gæða mér á einum mola dag hvern í desember og mæli með að þið gleðjið ykkur sjálf með einu svona dekur dagatali. Ég gerðist meira að segja svo kræf að skrá mig á forpöntunarlista og kom dagatalið í pósti fyrr í vikunni. Í fyrra fékk ég að gjöf tvo jóla óróa frá Georg Jensen frá ömmu Þórunni og ákvað ég að festa kaup á þann nýjasta á dögunum. Það er orðinn ansi mikill höfuðverkur að hugsa hvar ég eigi að hengja þá en ég hef enn dágóðan tíma til að finna út úr því. Ég er svo ótrúlega hrifin af því að það fylgi með þessi fallegi ljósgræni borði í ár (ásamt þessum klassíska rauða) en ég þarf að eignast tvo ljósgræna borða í viðbót svo allir óróarnir mínir séu í stíl í ár. Í síðustu viku fór ég í skemmtilega heimsókn í Snúruna en mig var búið að dreyma um að eignast þennan fallega flauel púða frá Fuss. Púðinn er svo fallegur og mjúkur að það er varla eðlilegt. Hann er svo fallegur og vandaður og sæmir sig vel á sófanum. Mig dreymir að eignast Múmin bolla og könnu með mynd af forfaðirinum en mér finnst eitthvað svo ótrúlega heillandi við þá. Það væri yndislegt að sötra heitt súkkulaði með rjóma úr glænýjum bolla um jólin. Það síðasta sem ég festi kaup á eru 1234 bollarnir frá Design Letters en ég ætla að búa til látlausan aðventukrans í ár með hvítum kertum og bollunum í ár. Það kemur svo í ljós hvernig það kemur út, haha. Eins og ég sagði þá var ég mjög dugleg að versla í október en ég elska að gera fínt í kringum mig eins og þið vitið vel. Hvað þá þegar styttist í jólin. Þá skiptir hlýja og kósýheit hvað mestu máli.

  1. Lakrids aðventudagatal fæst í Epal 2. Múmin bolli fæst í Epal, Kokku og Húsgagnahöllinni 3. Georg Jensen jólaórói 2016
    4. Ferm Living kökukrúsir 5. Fuss púði fæst í Snúrunni 6. 1234 Bollar frá Design Letters fást í Epal 7. Hvít kerti úr IKEA
    8. Ferm Living Jólasokkur 9. Múmin Forfaðirinn kanna fæst t.d. í Kokku

Save

Save

Save

Share:

Leave a Reply

Your email address will not be published. Required fields are marked *