HOLY GRAIL: CLINIQUE TAKE THE DAY OFF

Vörurnar fékk ég að gjöf.

HOLY GRAIL: CLINIQUE TAKE THE DAY OFF

Lengi lengi hef ég ætlað að skrifa greinagóða færslu um farðahreinsana sem að ég nota daglega og hef gert í langan tíma. Ég kynntist Take the Day Off línunni frá Clinique fyrir yfir fimm árum síðan og notaði mjólkurhreinsinn mjög lengi og nota enn. Ég veit ekki hve marga brúsa ég hef farið í gegnum en línan er öll svo mild og þægileg. Línan skiptist í mismunandi farðahreinsa og ættu allir að finna eitthvað við sitt hæfi. Besta finnst mér að eiga þessar þrjár vörur og nota ég hreinsi mjólkina í sturtunni, salvann yfir vaskinum og augnfarðahreinsinn í bómul. Allar vörurnar í línunni bræða farðann af húðinni án þess að erta húðina á nokkurn hátt. Allar vörurnar í línunni eiga það sameiginlegt að vera mildar og henta viðkæmri húð. Að mínu mati er skrefið að hreinsa farða af húðinni það mikilvægasta og skiptir mig miklu máli að nota vandaðar og góðar vörur sem henta húðgerðinni sinni. Ég nota einhverja vöru úr línunni á hverju einasta kvöldi og þess vegna ákvað ég að mynda vörurnar á rúmstokknum en mér finnst svo ótrúlega mikilvægt að hreinsa húðina vel fyrir nóttina.

Salvann (Cleansing balm, sem er í krukkunni) elska ég að nota þegar ég er mikið förðuð og langar að hreinsa allt af eftir langan vinnudag. Sérstaklega á mognanna þegar ég kem heim úr löngum flugum og langar að leggjast á koddan sem allra allra fyst. Ég nudda salvanum á þurra húðina og sé hvernig hann í raun bræðir allan farða áreynslulaust af húðinni. Best finnst mér að nudda honum í hringlaga hreyfingar og skola síðan af með volgu vatni þegar mér líður eins og allur farði hefur losnað frá húðinni. Augnfarðahreinsinn er afskaplega mildur og ertir ekki viðkvæm augu. Ég þoli alls ekki alla augnfarðahreinsa en hefur þessi frá Clinique aldrei brugðist mér. Mér finnst best að setja smá heitt vatn í bómul og blanda örlítið af augnafarðahreinsinum út í og þá nær maður öllum augnfarða af í einni áreynslulausri stroku. Hreinsi mjólkina geymi ég í sturtunni en þar er lang þægilegast að setja 2-3 pumpur í lófann og nudda farðann af á meðan húðin er ennþá þurr og er þetta í raun það fyrsta sem ég geri þegar ég stíg inn í sturtuna. Ég nudda henni alveg yfir augnsvæðið og finn ekki fyrir neinni ertingu. Ótrúlega fljótlegt að nota mjólkina í sturtuna og svo klára ég að hreinsa húðina með öðrum hreinsi og stíg út úr sturtunni með tandurhreina húðina.

Clinique vörurnar fást í verslunum um land allt en þar má aðallega nefna verslunir Hagkaupa og Lyfju

 

Save

Save

Save

Save

Share:

Leave a Reply

Your email address will not be published. Required fields are marked *