FYRSTI Í AÐVENTU

Processed with VSCO with f2 preset

FYRSTI Í AÐVENTU

Sko mína! Fyrsta skipti sem ég hef gengið svo langt að föndra aðventukrans. Fyrr í haust fjárfesti í þessum fínu espresso bollum frá Design Letters og slóg þar tvær flugur í einu höggi. Ja útaf því að þetta eru jú kaffibollar sem nýtast sem aðventukrans í desember. Ég fór í Blómaval og fékk þar mjög góða aðstoð við að finna allt sem að mig vantaði. Grunaði að afgreiðsludaman væri búin að aðstoða þær nónokkrar í minum sporum. Keypti örfáa hluti og keypti síðan fjögur stykki af mínum uppáhalds kertum í Blómaval. Þau brenna nefnilega jafnt niður og ekkert vax lekur. Það tók mig um það bil 10 mínútur að setja kransinn saman en þetta var ótrúlega auðvelt og mæli með þessari leið fyrir þær sem eru ekki fæddir föndrarar eða hafa ekki mikinn tíma. Bakkinn er frá Design Letters líka en mér finnst fínt að hafa hann undir til að grípa mosann sem gæti dottið.

Processed with VSCO with f2 preset

Þessi krans passar örugglega hvað best inn til mín þar sem allt er svona í þessum skandinavíska stíl en ákvað þó að velja ekki hin týpísku hvítu eða svörtu kerti og er frekar með svona grá/brúnleit. Ég er með þau í fleiri stjökum hér heima í bland við hvít og kemur það virkilega vel út. Í kvöld ætla ég að kveikja á öllum kertunum því það er ekki gerandi fyrir einhvern sem er Meyja í stjörnumerki að horfa á eitt kerti brenna og enda í annarri lengd en hin. Þess vegna ætla ég að brenna minn krans bara jafnt og þétt niður, haha. Þó það sé nú andstætt hefðinni. Allan efnivið færðu i Blómaval og glösin fást öll saman í pakka t.d. í Epal eða versluninni Hrím.

Save

Save

Share:

Leave a Reply

Your email address will not be published. Required fields are marked *