FYRSTA HAUSTDRESSIÐ

selectedhaust

Fötin sem ég klæðist keypti ég mér sjálf.

FYRSTA HAUSTDRESSIÐ

Blessuðu dressfærslurnar eru orðnar ansi sjaldséðar hér á síðunni en samt eru þær í uppáhaldi hjá mér. Það gerist greinilega mun sjaldnar að ég dressi mig upp eins og ég gerði í den tid en haustið færir mér alltaf einhverja þörf til þess að dressa mig upp. Ég er nýkomin heim frá Köben þar sem ég verslaði fullt af fínum flíkum en ég fékk mér líka þessa fallegu karamellu lituðu ullarkápu í Selected í síðustu viku. Algjört must að eiga fallega, góða og hlýja haustkápu en hún er að sjálfsögðu í mínum uppáhalds lit. Hún er flottust við alveg svart dress og leyfði ég henni að njóta sín í dag og var ekki með neinn trefil. Enda einum of heitt til að klæðast henni í dag en ég var bara svo spennt að byrja að nota hana. Kjóllinn sem ég er í er í uppáhaldi en hann er úr & Other Stories og er ermalaus en skórnir eru einnig úr þeirri verslun. Lítill og þykkur hæll sem auðvelt er að ganga á dagsdaglega. Buxurnar eru Jamie buxur úr Topshop en mér finnst sniðið á þeim alveg frábært og þarf að eignast fleiri. Ég reyndi að taka fínar dress myndir á stóru vélina en birtan var bara mun fallegri þarna í speglinum. Ég átti afmæli í fyrradag og fékk mikið af fallegum gjöfum fyrir heimilið sem ég ætla að sýna ykkur á næstu dögum.

Kápa Selected / Kjóll og Skór & Other Stories / Buxur Topshop Jamie

Share:

Leave a Reply

Your email address will not be published. Required fields are marked *