DOLCE & GABBANA: LIGHT BLUE – BEAUTY & LOVE OF CAPRI


Warning: file_get_contents(https://graph.facebook.com/?ids=http://www.thorunnivars.is/dolce-gabbana-light-blue-beauty-love-of-capri/): failed to open stream: HTTP request failed! HTTP/1.1 400 Bad Request in /var/www/virtual/thorunnivars.is/htdocs/wp-content/plugins/popular-post-by-facebook-like/popular-post-by-facebook-like.php on line 17

Warning: array_keys() expects parameter 1 to be array, null given in /var/www/virtual/thorunnivars.is/htdocs/wp-content/plugins/popular-post-by-facebook-like/popular-post-by-facebook-like.php on line 19

Processed with VSCO with f2 preset

Færslan er unnin í samstarfi við Dolce & Gabbana, ilmina fékk ég að gjöf.

DOLCE & GABBANA: LIGHT BLUE – BEAUTY & LOVE OF CAPRI

Það er alltaf jafn gaman að fylgjast með þegar vörumerki koma með nýjar vörur á markaðinn og sérstaklega nýjar útgáfur af heimsfrægum ilmum sem þessum frá Dolce & Gabbana. Þessir ilmir eru einungis fáanlegir í takmörkuðu upplagi en ilmirnir fanga sólina og ilm af eyjunni Capri sem liggur fyrir utan Ítalíu. Herrailmurinn fangar náttúrufegurð eyjunnar, glitrandi klettana og græna skóglendið sem umlykur hana. Kvenilmurinn fangar ást eyjunnar og gróðurinn sem þar er að finna á vorin. Kvenilmurinn opnast með sterkum grunnnótum af sítrónu og mandarínu. Hjartanóturnar sameina yndislegan hunangsblóma- og möndlukeim. Toppnóturnar eru ríkar af sítrusvið ásamt vinsæla amber ilminum sem við elskum allar. Ég myndi lýsa ilminum sem rómantískum, ferskum og kvenlegum. Glasið er stílhreint en blái liturinn táknar ljósbláa hafið sem umlykur eyjuna. Herrailmurinn opnast með sterkri sítrónu, bitri appelsínu og bergamot. Hjartanóturnar sameina sætan neroli ilminn, ferskar sjávar nótur og lifandi Sichuan-pipar. Toppnóturnar eru eins og kvennilmurinn ríkar af sítrusvið ásamt vetiver. Ég er búin að fylgjast vel með markaðsstarfinu sem hefur farið fram en Dolce & Gabbana bauð nokkrum frægustu bloggurum í ferð til eyjunnar Capri til að leyfa þeim að anda að sér og sjá með berum augum allt það sem þessir æðislegu ilmir ná að fanga. Það er nú ekki amalegt! Ég er búin að fá eyjuna beint í æð með því að fylgjast með mínum uppáhalds erlendu bloggurum á Snapchat síðustu daga.

Ég gef þessum tveimur ilmum toppeinkunn enda sumarlegir, ferskir og einstakir. Það er ekki tilviljun
hve vinsælir upprunalegu Light Blue ilmirnir hafa verið í gegnum árin.

Leave a Reply

Your email address will not be published. Required fields are marked *


Looking for Something?