juice

DAGBÓK DJÚSARANS #1-3

Allt í einu datt mér í hug að það væri kominn tími á að endurtaka djús hreinsunina sem ég tók árið 2012. Hún var alltof löng þegar ég hugsa til baka og akkurat núna skil ég ekki hvernig ég hélt út svona lengi. Ein helsta ástæðan fyrir því að ég geri þetta er til að líða betur eftir á. Ég er með sjúkdóm sem heitir Endómetríósa. Ég er með daglega verki og óþægindi. Móðurlífið er bólgið og hart eins og múrsteinn og geri ég þetta í þeirri von um að líða betur. Sem að djúsfastan gerir. Ég finn ekki fyrir neinum verkjum á meðan. Sem segir mér kannski að ég þarf að taka til í matarræðinu til að líða betur. Ég ákvað þess vegna að gera núna 5 daga hreinsun. Ég sé mikið eftir þeirri ákvörðun núna vegna þess að eftir þrjá daga er þetta bara komið gott. Ég vildi að ég gæti hætt en það eru flest allir lesendur bloggsins að fylgjast með mér. Sem heldur í mér lífinu. Það er heldur ekkert hægt að spóla til baka þegar maður er búinn að panta sér safa pakka í fimm daga. Ég ákvað að plana ekkert sérstakt fyrir vikuna og hef því fáum skyldum að gegna. Eiginlega bara frí fyrir utan skóla og lærdóm.

Dagur eitt er bara grín ef ég ber hann saman við dag 2-3. Maður er enn spenntur að byrja og allt er svo gaman. Orkan gærdagsins er enn í líkamanum. Djúsarnir eru misgóðir og dagur eitt var virkilega auðveldur. Ég ákvað í byrjun föstunnar að þetta væri minn tími til að njóta. Ég hef samt ekkert notið neitt rosalega mikið. Er búin að liggja í heitu baði og klára heila séríu af Jane the Virgin. Dagur tvö byrjaði einstaklega vel þangað til að ég misreiknaði mig eitthvað og var ekki búin að fá mér safa í næstum 4 klst. Þá krassaði ég og leið hræðilega illa. Samt langaði mig ekki í mat. Langaði bara að losa magann við þennan djús. Sem maginn gerði síðan sjálfkrafa. Þá leið mér aðeins betur og náði að koma einum safa ofan í mig fyrir nóttina. Um morguninn vaknaði ég eins og keyrt hefði verið yfir mig en var staðráðin í að halda þessu áfram. Opnaði mér einn grænan og sötraði hann í um það bil 40 mínútur áður en flaskan var orðin tóm. Fyrir mér er þessi djúsun samt svo mikið frí fyrir hugann. Þegar ég borða morgunmat plana ég nefnilega hádegismatinn minn og síðan koll af kolli. Ég hugsa held ég stanslaust um mat og elska að borða eitthvað gott. Ekkert í óhófi en ég er ein af þeim sem er alltaf svöng. Núna veit ég bara hvað kemur næst, gulur, rauður og síðan grænn. Þetta er eins og að vera ungabarn á brjósti þar sem mamman skipuleggur með nokkurra klukkutíma fresti hvenær barnið skal fá að drekka. Í dag er ég búin að vera í rosalega vondu skapi og það er líklegast vegna þess að líkaminn er ekki búinn að vera að fá það sem hann er vanur. Sit hérna með garnagaul að skrifa þessa færslu en mæli samt einstaklega með þessu ferli bara upp á sjálfstjórnina að gera. Læra á sjálfan sig og taka frí frá öllu. Núna ætla ég að fá mér einn grænan í von um að fá einhverja hvatningu um að halda áfram næstu tvo dagana.

Kannski er samt allt í lagi að játa sig sigraða eftir 3 daga hreinsun?

Untitled-11

juiceGló kostar safana sem ég drekk.
Færslan sjálf er ekki kostuð.

5 DAGA SAFA HREINSUN

Ahh hvað er ég búin að koma mér út í. Þannig er mál með vexti að þjáist af hrikalegum bólgum í líkamanum og ég hata ekkert meira en að ég troða ofan í mig daglega bólgueyðandi lyfjum. Leiðinlegast finnst mér þó að kaupa þau vegna þess hve dýr þau eru. Ég skal gera hvað sem er til að minnka þessar bólgur á náttúrulegri og jafnvel áhrifaríkari hátt. Árið 2012 tók ég 12-15 daga safaföstu. Safafastan gekk eins og í sögu og held ég að ég hafi átt 1-2 erfiða daga en í lok föstunnar langaði mig sko ekkert að borða og var ekki byrjuð að borða fasta fæðu fyrr en viku seinna. Leið mér vel eftir á? Sjaldan liðið jafn vel. Bólgur minnkuðu (sem ég vissi ekki af hverju væru til staðar þá). Ég var að koma úr lítilli skurðaðgerð eða kviðarholsspeglun og er ferlið búið að vera jafn erfitt líkamlega og andlega. Læknirinn minn sagði mér að eyða næstu 2-3 mánuðum í að líða betur og laga sjálfa mig áður en við höldum áfram með meiri meðferð. Minnka bólgur og njóta lífsins.

Mig vantar sárlega að líða eins og orkumikla ég aftur en að eiga að hvíla heima er ekkert smá erfitt fyrir fiðrildi eins og mig. Að æfa ekkert hefur verið ótrúlega erfitt en langar mig samt að fara rétt af stað og taka matarræðið með líka. Djúsfasta er eitthvað sem virkar 100% fyrir mig. Í samstarfi við Gló ætla ég að fasta í fimm daga. Frá og með morgundeginum og fram á næsta föstudag. Alla mánudaga eftir það í heilan mánuð eða jafnvel lengur ætla ég síðan alltaf að fasta. Ég fæ tilbúna safa frá Gló og hlakka ég mikið til að láta reyna á sjálfstjórnina aftur.

Svona ætla ég að haga dögunum mínum en þetta er sama plan og ég notaði síðast

PLAN:
Klukkan 10:00 – Grænn safi
Klukkan 12:00 – Berjasmoothie

Klukkan 14:00 – Grænn safi og te
Klukkan 16:00 – Túrmeriksafi
Klukkan 18:30 – Grænn smoothie
Klukkan 21.00 – Grænn safi og kvöld te

Það sem mér finnst lykillinn af djúsföstu er að vera mikið heima að hafa það gott. Þið vitið hvað ég meina, njóta njóta njóta! Síðast þegar ég fastaði var ég ein heima í íbúðinni minni í Los Angeles og allar vinkonur mínar voru í burtu í sumarleyfi frá skólanum. Ég tók þann tíma til að æfa jóga, sofa, drekka safa, hugleiða og taka til í höfðinu. Í öðrum orðum: forðastu fólk sem er ekki að fasta.  Nákvæmlega það sama sem ég ætla að gera núna og njóta þess að vera dugleg að læra með djús í annarri. Ég ætla að vera virkilega dugleg á snappinu mínu þessa vikuna og fara með ykkur í gegnum alla dagana með mér og tala um hvernig mér líður og hvað séu erfiðustu kaflarnir. Dagur tvö var sá erfiðasti síðast og gleymi ég honum seint. Það sem ég var hissa að ég hafði minnstu löngun í mat eftir 3 daga! Næsta föstudag ætla ég síðan að skrifa aðra færslu um hvernig gekk og allt það sem kemur upp á! Sumir dagar eiga eftir að vera hrikalega erfiðir en ég veit ég mun komast yfir það. Á snappinu ætla ég að tala meira um hvaða áhrif safa fasta getur haft á mann og miklu fleira sem kemur ekki fram hér. Enda yrði það lengsta bloggfærsla sem þú hefur lesið. Ég mæli með bíómyndinni Fat Sick & Nearly Dead til að læra um safa hreinsun sem þessa en hún er inn á Netflix ásamt öðrum góðum.

Ef þig langar að skoða safa pakkann á Gló þá er hægt að panta hann hér

Endilega fylgist með hér og á Snapchat en þar er ég undir nafninu: thorunnivars

Untitled-11

skinnyteatoxleikur
Teatox á Íslandi kostar vinningana.

TEATOX GJAFALEIKUR

Vegna þess að mér fannst viðtökurnar við færslunni sem ég skrifaði um daginn um Teatox vörurnar vera svo æðislegar langaði mig að hafa leik hér á síðunni og gefa tveimur lesendum pakka með báðum Skinny Detox teunum ásamt flottu Thermo-Go flöskunni.

Ég fékk að gjöf Skinny Detox pakkann frá Teatox og er búin að vera að drekka það í um það bil tvær vikur núna. Detox pakkinn inniheldur bæði kvöld- og morgunte. Ég blanda 1 matskeið í ketilinn minn og nýt síðan að drekka teið sem mér finnst æðislega bragðgott, sérstaklega kvöldteið. Þessi te hjálpa til við að hreinsa líkamann við eiturefni, brenna fitu, fá aukna orku og fallegri húð. Þetta finnst mér ótrúlega góður pakki ef þig hefur langað að prófa einhver svona skemmtileg te. Ég mæli 100% með þeim og bara vegna þess að mér líður ótrúlega vel af því að drekka þau. Morgunteið inniheldur t.d. goji ber sem lengi hafa verið þekkt sem ofurfæða vegna þess hve rík þau eru af andoxunarefnum ásamt því að innihalda grænt te sem gefur okkur aukna orku og jurtina Yerba Mate sem berst við bæði líkamlega og andlega þreytu ásamt því að minnka matarlystina. Kvöldteið inniheldur piparmyntu sem er rík af ilmkjarnaolíum sem hafa góð áhrif á meltingarkerfið, Vallhumall sem örvar lifrina, magann og brisið og til þess að róa meltinguna. Einnig inniheldur kvöldteið jurtina Melissa sem hefur róandi áhrif á taugakerfið en það er akkurat það sem maður þarf fyrir nóttina.

Með þessum tveimur teum fylgir síðan flotta Teatox Thermo-Go glerflaskan en með henni er miklu auðveldara að blanda sér te þegar maður er í skólanum eða vinnunni. Það komast 330 ml af vatni í flöskuna og heldur hún teinu þínu hvort sem er heitu eða köldu. Að mínu mati er hún ótrúlega flott og vegleg og hlakka ég til að taka hana með mér hvert sem er.

VINNINGSHAFAR

Auður Ösp og Kristín Valsdóttir

TEATOX vörurnar fást á eftirfarandi stöðum:
Hagkaup: Garðabæ, Smáralind, Kringlunni og Eiðistorgi.
Heilsuhúsið: Laugavegur, Kringlan, Lágmúli

Endilega kíkið á Facebook síðu Teatox hér

Untitled-11

teatoxdetox
Teketill úr Te&Kaffi, Finnsdóttir Vasi frá Snúran.is, Marmarabakki frá Snúran.is og Múmínbolli úr Líf & List
Vöruna fékk ég að gjöf.

TEATOX

Þið vitið lang flest að ég er algjör te-drykkju manneskja. Morgun og kvöldbollinn eru örugglega tvær bestu stundir dagsins að mínu mati. Harry hlær alltaf þegar ég fæ mér te á kvöldin og segir ,,Ertu að laga þér te gamla mín?”. Það róar mig nefnilega mjög og ég sef mun betur eftir að ég er búin að fá mér einn bolla og finnst það alveg hræðilegt ef ég gleymi því. Síðustu vikur er ég búin að vera að prófa bæði kvölds og morgna te-in frá Teatox en það er þýskt merki sem sérhæfir sig i framleiðslu á hágæða teum. Öll innihalda þau lífrænt ræktuð innihaldsefni án gervi litarefna, bragðefna, sætuefna og aukaefna.  Tein eru einnig glúten frí, virka á paleo matarræðinu og 100% vegan. Koma líka í svo skemmtilegum pakkningum sem gaman er að sýna  í eldhúsinu.

SKINNY DETOX

Ég fékk að gjöf Skinny Detox pakkann frá Teatox og er búin að vera að drekka það í um það bil tvær vikur núna. Detox pakkinn inniheldur bæði kvöld- og morgunte. Ég blanda 1 matskeið í ketilinn minn og nýt síðan að drekka teið sem mér finnst æðislega bragðgott, sérstaklega kvöldteið. Þessi te hjálpa til við að hreinsa líkamann við eiturefni, brenna fitu, fá aukna orku og fallegri húð. Þetta finnst mér ótrúlega góður pakki ef þig hefur langað að prófa einhver svona skemmtileg te. Ég mæli 100% með þeim og bara vegna þess að mér líður ótrúlega vel af því að drekka þau. Morgunteið inniheldur t.d. goji ber sem lengi hafa verið þekkt sem ofurfæða vegna þess hve rík þau eru af andoxunarefnum ásamt því að innihalda grænt te sem gefur okkur aukna orku og jurtina Yerba Mate sem berst við bæði líkamlega og andlega þreytu ásamt því að minnka matarlystina. Kvöldteið inniheldur piparmyntu sem er rík af ilmkjarnaolíum sem hafa góð áhrif á meltingarkerfið, Vallhumall sem örvar lifrina, magann og brisið og til þess að róa meltinguna. Einnig inniheldur kvöldteið jurtina Melissa sem hefur róandi áhrif á taugakerfið en það er akkurat það sem maður þarf fyrir nóttina.

Skál í botn! Mér finnst lang best að drekka te úr múmínbolla og er þessi grái í uppáhaldi hjá mér.

TEATOX vörurnar fást á eftirfarandi stöðum:
Hagkaup: Garðabæ, Smáralind, Kringlunni og Eiðistorgi.
Heilsuhúsið: Laugavegur, Kringlan, Lágmúli

Endilega kíkið á Facebook síðu Teatox hér

Untitled-11

smartysmartyyy
Vöruna fékk ég senda sem sýnishorn.

SMARTYPANTS

Það er alltaf gaman að prófa eitthvað nýtt fyrir síðuna í þeim tilgangi að kynna fyrir ykkur nýjum og skemmtilegum vörum. Í dag langaði mig að segja ykkur frá vítamínum sem ég kynntist nýlega og held ég sé að verða búin að taka daglega í um tvær vikur núna. Ég er þannig að ég á mjög erfitt með að taka töflur. Ég get tekið eina og mesta lagi tvær en fyrir mig að meira það er ómögulegt. Ég kúgast og líður illa. Þar sem ég vil taka fjölvítamín og ómega hef ég verið í stökustu vandræðum að koma þessu öllu ofan í mig. Fjölvítamínið mitt ráðlagði með þremur töflum og dag og kemst ég aldrei yfir meira en tvær. Síðan komst ég í tengsl við söluaðilann á gúmmí-vítamínunum frá SmartyPants sem innihalda öll þau vítamín sem ég þarf á að halda ásamt omega fitusýrum.

SmartyPants vítamínin eru framleidd í verksmiðju sem vottuð er af matvæla- og lyfjaeftirliti Bandaríkjanna og eru þau bði prófuð og samþykkt af þriðja aðila. SmartyPants vítamínin eru fjölvítamín sem innihalda meðal annars Omega 3 fitusýrur, D-vítamín og eina tegund af trefjum að auki. Vítamínin eru bæði glútein- og mjólkurfrí. D-vítamín eru okkur sérlega mikilvæg þar sem hér á landi er ekki nægilega mikil sól og eins og við öll vitum eru Omega 3 fitusýrur okkur lífsnauðsynlegar fyrir liði, hjarta og æðakerfi. Vítamínin innihalda engin gervibragðefni eða litarefni einungis náttúruleg efni. Vítamínin fæst með og án trefja en ég valdi mér með trefjum til þess að prófa og held ég að meltingin hafi sjaldan verið betri.

Helstu Innihaldsefni:

Trefjar
Omega 3 fiskiolíur
D-VítamínAndoxurnarefni sem koma úr
A, C og E-vítamíni ásamt Zinki

Pantoþensýra eða ,,anti stress” vítamínið
Helstu vítamín eins og A, C, D, E, B6, B12,
Thiamn (B1), Inositol (B8), Kólín og Fólinsýru
Steinefni eins og Zink og Joð

Í augnablikinu er ég að fara í gegnum einn skammt og verð ég að segja að mér líður bara ótrúlega vel og er ég hæst ánægð með hvað það er auðvelt fyrir mig núna að taka inn vítamínin mín. Ég fæ mér þrjú hlaup vítamín á morgnanna og þrjú um eftirmiðdaginn. Mér finnst þau það góð að mig langar alltaf að taka inn miklu fleiri en ég á að gera (geri það samt ekki) en þannig var það sko alls ekki með gömlu vítamínin mín. Það fást nokkrar týpur og það er sniðugt að skoða og sjá hvað hentar þér. Einnig er til fyrir börn og þungaðar konur. Ég ætla að kaupa mér meira þegar ég er búin með þennan skammt það er á hreinu!

Vítamínin fást í verslun Líkama & Lífsstíls í Sporthúsinu Kópavogi og sýningunni
Heilsa og Lífsstíll sem fer fram í Hörpu dagana 2.-4. október. Ef þú ert út á landi eða nennir
ekki út úr húsi getur þú pantað vítamínin á Facebook síðunni þeirra hér.
Untitled-11