packing

BARCELONA PACKING TIPS

Nú styttist óðum í ferð okkar “hjóna” og ákvað ég aðeins að setja niður á blað það sem ég þarf að hafa með í för. Geri ráð fyrir því að ég versli ágætlega mikið en ég ætla að hafa þó að hafa með mér nokkrar uppáhalds flíkur sem ég held að eigi eftir að koma að góðum notum. Það er alltaf gott að skipuleggja sig aðeins og vera ekki á síðustu stundu. Ekkert meira pirrandi en að þurfa að þvo eitthvað kvöldið áður. Núna ætla ég að vera ágætlega tímanlega að finna allt sem ég þarf að hafa með mér.

1. Tæknibúnaðar – Sími, myndavél, tölva og fleira til þess að tryggja að ég geti sett inn færslur á meðan ég er í Barcelona. Elska að taka fallegar myndir í útlöndum og lofa því að setja inn daglegar færslur og segja ykkur frá því sem ég gerði um daginn. Verð bæði virk hér, á Instagram og á Snapchat en þið finnið mig á öllum stöðum undir nafninu thorunnivars.

2. Sundföt, hattur, sólgleraugu, sólarvörn og sandalar. Það fer enginn í sólarferð nema pakka með sér þessum hlutum. Ég held að ég taki með mér tvenn pör af sundfötunum bæði svarta Triangl bikiníinu mínu og nýja bleika frá To Die For. Nýji hatturinn mun koma að góðum notum í sólinni á daginn ásamt frábæru sólarvörninni frá Biotherm.

3. Fatnaður og skór -Ég pakka yfirleitt mjög vitlaust fyrir svona ferðir en ég er staðráðin í því að taka með mér nýju og þægilegu .Object buxurnar mínar vegna þess að ég get notað svo marga sæta toppa við þær. Þær eru þunnar og léttar og gætum þess vegna kallað þær hinar fullkomnu útlandabuxur. Það er ekkert þægilegra en einn léttur kjóll og samfestingur fyrir ferð sem þessa. Kjóllinn verður notaður á stefnumót með elskhuganum á kvöldin og samfestingur á daginn við sandala. Ég ætla bara að pakka með mér þægilegum skóm og verða Birkenstock sandalarnir mínir og Nike Air Max Thea skórnir fyrir valinu.

4. Snyrtivörur – Ég færi ekki erlendis án helstu nauðsynjanna. Ég tek yfirleitt með mér litlar túpur af öllu sem ég á til þess að það taki ekki of mikið pláss í töskunni. Hreinsivatn, þurrsjampó og gott litað BB krem með SPF er eitthvað sem ég færi ekki án til útlanda. Glæný vara frá Clarins sem ég ætla að prófa úti er Golden Glow Booster og segi ég ykkur frá henni betur þegar ég kem heim.

Fylgist með en ég ætla að sýna ykkur bæði hér á blogginu hverju ég
pakka með mér þegar nær dregur ásamt því að sýna ykkur það á Snapchat.

Untitled-11

mynd
Vinkonur í Veiðileysufirði

ROADTRIP

Á sunnudaginn lagði ég af stað með tveimur góðum vinkonum Birgittu og Rebeccu ásamt Cosmo í smá ferðalag. Ferðinni var heitið í bústað foreldra minna Norður á Ströndum í Kaldbaksvík. Ekki alveg allir sem eiga bústað þar en þar eyddi ég öllum helgum sem barn. Ferðin okkar var mjög skrautleg og langaði mig að skella einni fallegri mynd inn hér á síðuna ásamt því að segja ykkur aðeins frá því sem við gerðum. Það tekur um það bil fjórar klukkustundir að keyra í bústaðinn og þegar við komum þangað þreyttar um kvöldmatarleytið skelltum við bara í auðveldan pastarétt, opnuðum  hraun kassann og spiluðum langt fram á nótt. Sváfum síðan lengi lengi og lögðum af í stað um leiðangur um svæðið í kring. Kíktum við í gulrótarkökusneið í Djúpavík og enduðum í sundi í Krossneslaug en ég held að Snapchattið mitt hafi sprungið í gær útaf spurningum um þá laug. Það tekur mjööööög langan tíma að komast þangað og vegurinn er mjög lélegur. Þegar við komum til baka í bústaðinn grilluðum við og sötruðum hvítt. Borðuðum að sjálfsögðu á okkur gat og spiluðum síðan enn meira. Á leiðinni heim í dag var allt búið að vera svo fullkomið að það hlaut eitthvað að gerast. Vorum ekki komnar 500 metra þegar dekkið sprakk. Keyrðum síðan í klukkutíma á varadekkinu malarvegi á þrjátíu þangað til að við komumst á malbik og fundum frábæran gæja til að laga fyrir okkur dekkið. Heimferðin tók samtals sex klukkustundir og vorum við mikið fegnar að komast heim eftir dekkjavesen á fjallsbrún á malarvegi. 

ps. Við tókum upp vídjó alla ferðina, kemur inn og leið og það er búið að klippa!

Untitled-11

barcelona

DREAMING OF BARCELONA

Nú er liðið meira en heilt ár síðan ég lagði land undir fót og var búin að lofa sjálfri mér að næsta ferð yrði farin með lífsförunautinum. Við ákváðum að bóka ferð í byrjun september eða yfir afmælishelgina mína (ég fékk að ráða) til Barcelona. Fimm dagar með besta í borg sem við höfum hvorugt farið til áður. Ég er reyndar held ég eini íslendingurinn sem hefur aldrei komið til Spánar svo þetta verður mjög skemmtilegt fyrir mig. Ef það var einhver borg sem mig langaði til í Evrópu þá var það Barcelona. Þetta var frábær millivegur þar sem mig langaði í borgarferð en Harry í sólarlandaferð. Næst á listanum er Ítalía en þangað hef ég heldur aldrei komið áður. Þið megið endilega mæla með veitingastöðum, verslunum, görðum og fleiru til að skoða í Barcelona þar sem ég treysti því að margir lesendur hafi ferðast þangað. Mig langar að sjá flottu kirkjurnar, ganga upp og niður römbluna ásamt því að slappa af, drekka sangria og borða mikið Tapas en það er í rosalegu uppáhaldi. Ef einhver veit um geggjaðan veitingastað til að snæða á á 26 ára afmælinu sendið mér endilega línu. Við erum enn ekki búin að finna hótel en ég bókaði flugið í flýti vegna þess að WOW var með æðislegt tilboð sem ég varð að hoppa á.

Untitled-11

amazingtour

Í dag fórum við í stórkostlega ferð með Amazing Tours um Íslands. Vinkona mín ásamt sex öðrum komu í morgun frá Chicago og fórum við öll saman í ferðina. Ég fór á nokkra staði sem ég hafði aldrei séð áður og var þetta bráð skemmtilegt og fallegt. Minn besti ásamt mágkonu komu með líka vegna þess að “mágur” minn Ívar var bílstjórinn. Langaði að sýna ykkur nokkrar myndir úr ferðinni en vinkona mín er með allar myndirnar af okkur saman en hún er steinsofandi eftir langan dag. Við fórum að Gígjökli, Sólheimajökli, inn í Þórsmörk, gengum á bakvið Seljalandsfoss, borðuðum við Skógafoss og enduðum í Reynisfjöru. Yndislegur og langur dagur á enda en ég tók mér tveggja daga frí til að ferðast um landið með hópnum. Á morgun er ferðinni heitið í Bláa Lónið. Í einu orði sagt var ferðin í dag amazing eins og nafnið gefur til kynna.

Ég varð að sjálfsögðu að fara í nýju lopapeysunni minni og var í Uniqlo úlpunni minni við. Infrared extra hlýjar  buxur frá Under Armour og 100% cashmere húfan mín frá Uniqlo bjargaði málunum. Var með hlífðargalla með í för en þurfti bara ekkert að fara í hann því veðrið var svo fínt. Ekkert smá gaman að vera ekta túristi í eigin landi í einn dag!

Endilega fylgist með morgundeginum á Snapchat @thorunnivars

Untitled-11


Looking for Something?