Barcelona

FERÐALÖG ÁRSINS 2017

Árið 2017 getum við kallað ferðaárið mikla en ég hef sjaldan heimsótt jafn marga mismunandi áfangastaði. Jú að sjálfsögðu felur vinnan mín í sér að ég ferðist á milli landa en ég fór í fáeinar ferðir utan þess og langaði að fara aðeins með ykkur yfir þær í máli en aðallega myndum. Kaupmannahöfn, Barcelona, Berlín, Tel Aviv, Chicago og Stokkhólmur voru nokkrar af þeim borgum sem ég heimsótti og hlakka ég mikið til ársins 2018. En hér efst á síðunni getið þið fundið upplýsingar um hótel, veitingastaði og margt fleira með því að klikka á ferðalög og klikka á þann áfangastað sem heillar þig mest. Ég reyni alltaf að bæta við nýjum lið þegar nýr áfangastaður bætist á listann. Maður þarf aðeins að láta sér dreyma svona í skammdeginu um sól, strendur og góðan mat.

STOCKHOLM

Í byrjun nóvember fórum við vinkonurnar í ekta stelpuferð yfir helgi til höfuðborgar Svíþjóðar. Þangað hafði ég ekki komið síðan ég var krakki og við gistum á stórglæsilega hótelinu Haymarket sem við mælum allar með. Við leigðum svítu á efstu hæð með fallegustu þakgluggum sem ég hef séð. Lestu meira hér.

TEL AVIV

Ég fór í stórkostlega vinnuferð til Tel Aviv í September og þar naut eg mín í tætlur og kældi mig vel á sundlaugarbakkanum. Ég þarf klárlega að gera mér aðra ferð til Ísrael en þá langar mig að vera í viku og heimsækja Jerúsalem og Dauða Hafið. Tel Aviv er ólík öllum borgum sem ég hef heimsótt og mæli eindregið með ferð þangað. Lestu meira hér.

MONTREAL

Ég fór í tvær ferðir til Montreal síðasta sumar og naut mín í botn tvo heila daga á bát sem hefur verið innréttaður sem heilsulind. Ég mæli sérstaklega með því að heimsækja Montreal en borgin er virkilega skemmtileg hvort sem að það er í mat og drykk, verslun eða afslöppun í heilsulind. Lestu meira hér.

BERLIN

Við mamma skelltum okkur í mæðgnaferð til Berlín í vor en þetta var í fyrsta skipti sem við heimsóttum borgina. Við skoðuðum allt á milli himins og jarðar, versluðum og nutum í mat og drykk. Lestu meira hér.

CHICAGO

Endum þessa færslu á uppáhalds borginni minni í Norður Ameríku en þangað fór ég alls 4 sinnum á árinu og naut mín í hvert skipti. Hjólaði, fór í bátsferðir, verslaðir, borðaði góðan mat, heimsótti söfn og hvaðeina. Mæli með Chicago í alla staði fyrir þá sem eru komnir með leið á Boston og New York og langar að prófa eitthvað nýtt. Lestu meira hér.

 

Færslan er unnin í samstarfi við Volvo og Brimborg.

BARCELONA WITH THE XC40 VOLVO

Síðustu dögum hef ég eytt í dásamlegu borginni Barcelona á Spáni. Ég hef einu sinni heimsótt borgina áður og þá kolféll ég fyrir henni. Í þetta skiptið var ég stödd í borginni í allt öðrum erindagjörðum en ég fór út í samstarfi við Volvo og Brimborg á Íslandi. Ég fékk það skemmtilega tækifæri að fá að prufukeyra nýjasta bílinn úr smiðju Volvo XC40 sem kemur hingað til lands í mars 2018. Ég eyddi dögunum mínum með frábæru fólki frá Volvo og fræddist um bifreiðina ásamt þvi að keyra um götur borgarinnar. Það er ekki til betri leið til þess að skoða svæðið í kringum borgina en á tryllitæki eins og þessu en ég heimsótti marga skemmtilega staði eins og Sitges, Montserrat og fleiri. Ég gisti á the W hótelinu sem stendur alveg við sjóinn og blasir við öllum sem heimsækja borgina.  Ég heimsótti Volvo Studíóið og fékk að fræðast um hönnun og þróun XC40 en líklegasta ástæðan fyrir því að ég var valin í þetta skemmtilega verkefni er líklegast sú að bíllinn er lúxus bíll hannaður til þess að gera lífið ögn auðveldara en í honum er að finna allt til alls. Mikið rými fyrir farangur og innkaupapoka, þráðlausa hleðslu fyrir fólk sem er stöðugt á flakki ásamt frábærum akstureiginleikum sem auðvelda fólki sífellt snatt í miðborgum. Það var ekkert smá skemmtilegt að taka að sér svona öðruvísi verkefni en ég er vön og hvað þá á að fá að eyða þremur dögum í uppáhalds evrópsku borginni minni og safna aðeins í D vítamín forðann.

Heimsókn í Sitges með miðjarðarhafið í bakgrunn

Útsýnið af 17 hæð the W

Sólsetur í Barcelona

Stödd efst upp í hæðum Barcelona með Montserrat í bakgrunn

Takk fyrir mig Volvo!

Veitingastaðurinn Gretas

Haymarket

POSTCARD FROM STOCKHOLM

Við vinkonurnar eyddum helginni í Stokkhólmi en mig hefur lengi dreymt um helgarferð til borgarinnar. Ég eyddi miklum tíma í Svíþjóð sem krakki og var orðið ansi langt síðan ég hafði gert mér ferð þangað. Við dvöldum á gullfallegu hóteli sem ber nafnið Haymarket en það er á besta stað í miðborginni og stendur við Drottningatan. Við leigðum út ris svítuna og létum vel um okkur fara. Svítan út af fyrir sig var stórglæsileg og hefði ég getað eytt allri helginni minni þar. Hótelið var í raun stórkostlegt en á því eru tveir veitingastaðir, Gretas og Pauls ásamt flottum bar sem heitir Americain. Það er mikil saga í kringum allt hótelið en Greta Garbo starfaði í húsinu áður en það var gert að hóteli. Allt hótelið er í Art Deco stíl en það er einn af mínum eftirlætisstílum en myndirnar segja meira en þúsund orð. Ég mæli með því að gera vel við sig og bóka sér herbergi á þessu gullfallega hóteli og njóta umvafinn flaueli, marmara og gulli. Hér fyrir ofan sitjum við vinkonurnar í morgunmat á staðnum Gretas sem staðsettur er á jarðhæð hótelsins. Við leigðum út svítu í risinu en hún var fullkomin fyrir þrjár vinkonur á ferðalagi og það fór vel um alla. Glugginn í risinu var vel nýttur í myndatökur og til kaffidrykkju. Ég hefði helst viljað vera gestur á hótelinu í heila viku til þess að njóta alls sem það hafði upp á að bjóða. Manni líður eins og maður hafi gengið beint inn í the Great Gatsby en við nutum okkur í botn og settum plötu á fóninn á meðan við gerðum okkur til fyrir kvöldið.

Þó ferðin hafi verið stutt borðuðum við ansi góðan mat í ferðinni en veitingastaðurinn Berns Asiatiska var í uppáhaldi hjá okkur öllum. Þar fórum við í 11 rétta óvissuferð sem var ótrúlega bragðgóð og skemmtileg. Drukkum kokteila allt kvöldið og nutum umhverfisins. Við mælum með því að gefa sér góðan tíma og panta borð með fyrirvara. Einnig fórum við á tapas stað sem heitir Usine Poche 36 en þar pöntuðum við okkur fjóra 12 smárétti og skiptum á milli okkar. Við komumst ekki yfir allt sem við vildum gera en okkur var mikið bent á Stockholm Brunch Club en náðum ekki að heimsækja hann en fengum okkur bragðgóðar pönnukökur á Greasy Spoon og avocado toast á Gretas.

Fleiri myndir frá ferðinni má finna hér & hér

 

Ganni Fenn kápa – & Other Stories peysa hér – Malene Birger taska og trefill (gjöf) fæst í Airport Fashion – Bikbok buxur – & Other Storis skór hér

STOCKHOLM

Hvað á meira við í þessu óveðri en klassískt haustdress sem heldur á manni hita og skýlir mann fyrir veðri og vindum. Ég er búin að nota Fenn kápuna mína frá Ganni upp á dag síðan ég keypti mér hana í versluninni Geysi núna snemma í haust. Hvort sem að það er spari eða hversdagsdress þá passar hún alltaf við. Ég dressaði hana hér við hlýja peysu frá & Other Stories en það er mikilvægt að eiga eina svona góða fyrir þennan árstíma. Ég á þær þónokkrar frá & Other Stories en þær eru bæði vandaðar og hlýjar. Við dressið varð ég nátturulega að klæðast nýja Malene Birger treflinum og töskunni en báðar vörurnar fékk ég að gjöf frá Airport Fashion í Leifstöð.  Úrvalið er frábært í versluninni en þar er t.d. hægt að fá vörur frá Malene Birger og Filippa K á hagstæðu verði. Mig var búið að dreyma um Malene Birger tösku lengi svo ég nýtti tækifæri og valdi mér þessa enda tímalaus og falleg og í stíl við trefilinn. Skórnir voru skyndikaup en ég kolféll fyrir þeim í & Other Stories en ég er afskaplega hrifin af úrvalinu af skóm þar og fannst mér þessir svo öðruvísi og töff svona glansandi.


Looking for Something?