Warning: file_get_contents(https://graph.facebook.com/?ids=http://www.thorunnivars.is/sonnfegurd/): failed to open stream: HTTP request failed! HTTP/1.1 400 Bad Request in /var/www/virtual/thorunnivars.is/htdocs/wp-content/plugins/popular-post-by-facebook-like/popular-post-by-facebook-like.php on line 17

Warning: array_keys() expects parameter 1 to be array, null given in /var/www/virtual/thorunnivars.is/htdocs/wp-content/plugins/popular-post-by-facebook-like/popular-post-by-facebook-like.php on line 19

#SÖNNFEGURÐ

Ég man alveg þann dag þegar ég byrjaði að sjá mig öðruvísi í speglinum en þegar ég var krakki. Held að það hafi ekki gerst fyrr en seint á menntaskóla árunum þegar ég byrjaði fyrst að gagnrýna sjálfa mig en ég held að stelpur byrji mun fyrr en ég gerði. Ég man það eins og það hafi gerst í gær þegar bekkjarsystur mínar í grunnskóla byrjuðu að klípa í hliðarspikið fyrir framan speglana í búningsklefanum eftir íþróttir og sögðust vera með hliðarspik og ég vissi ekki einu sinni hvað það var. Sem krakki hlustaði ég endalaust á athugasemdir frá fullorðnu fólki að ég væri alltof grönn, Ég stend meira sjálfa mig að því stundum að segja við grannar stelpur að þær séu alltof grannar þrátt fyrir að ég hafi einu sinni verið í þeirra sporum. Hvað er að mér! Ég held að það hafi stundum verið alveg jafn sárt að heyra það og að stelpur heyri að þær séu of þungar. Ég þurfti að taka mig á lengi vel til að bæta á mig einhverjum kílóum eftir að hafa grennst hratt þegar ég æfði dans 11x í viku og var alltof ung til þess að skilja af hverju ég þyrfti að borða meira til þess að halda í við hröðu brennsluna. Ég spáði aldrei í þessu og var mér í alvörunni bara alveg sama um hvernig ég leit út og myndi óska þess í dag að ég hefði sama hugsunarhátt og ég gerði þá. Þá var ég ung og áhyggjulaus og öll gagnrýni þaut eins og vindur í gegnum eyrun á mér. Sagan er önnur í dag.

forsidumynd-620x403

Það var ekki fyrr en í menntaskóla þegar ég uppgvötaði þær tillfinningar sem vinkonur mínar töluðu um og byrjaði að gagnrýna sjálfa mig. Ég var kannski heppin að hafa verið ákaflega blind á sjálfa mig og spáði sem minnst í útlitinu en í dag er ég alveg eins og við allar uppteknar af því sem við sjáum í speglinum. Við konur þurfum oft að sæta gagnrýni vegna útlits okkar og þess vegna tel ég staðlana orðna mjög háa og er mjög óraunhæft fyrir konur að ná markmiðunum sem þær setja sér. Ég man allar þær athugasemdir sem ég hef fengið á útlit mitt eins og ég hafi fengið þær áðan. Þær rista djúpt og hugsar maður stanslaust um það sem öðrum finnst um mann. Er ekki bara nóg fyrir eina manneskju að tækla eigin gagnrýni vegna appelsínuhúðar á lærum, kílóafjölda, lafandi brjósta eða vegna læranna sem snertast þegar við göngum.

Hættum að gagnrýna útlit hvors annars. Hvort sem að kona er grönn, í góðu formi eða í yfirþyngd þá held ég að við kvörtum allar jafn mikið yfir útliti okkar. Við verðum að hætta að hugsa eins og allir séu að spá í þyngd okkar, krumpunum á stóra rassinum, mjúku lærunum sem snertast eða litlu sætu brjóstunum sem lafa. Við erum allar jafn fallegar og verðum að fagna fjölbreytileiknum.  Ég ætla að setja mér það persónulega markmið að vera ánægð í eigin skinni og hætta að spá í því hvað öðrum finnst og hvet ykkur til þess að gera það sama. Ég gleymi því ekki í eina mínútu að ég sé fyrirmynd fyrir ungar stelpur hér á síðunni og vil ég alltaf hvetja til heilbrigðis lífsstíls en ekki tala um kílófjölda eða markmið mín að vera svona mjó eða svona flott. Komum fram eins og við erum ó-klæddar og förum í sund og berum á okkur kroppana án þess að sæta gagnrýni!

Þegar ég set inn dress eða æfingafærslur hér á síðunni hef ég reynt að hafa það í huga að muna að lesendur lesa síðuna mína útaf mér og myndu ekki voga sér til þess að dæma mig vegna þess að ég kem bara fram eins og ég er klædd.  Endilega segið mér ykkar sögu í athugasemdum og horfið á fallega myndbandið hér að ofan.

#sönnfegurð

Untitled-11
Þessi umfjöllun er ekki kostuð.


Looking for Something?