Færslan er unnin í samstarfi við The Body Shop

SUMMER RADIANCE WITH DROPS OF YOUTH

Fyrir nokkru síðan fékk ég tækifæri til að prófa nokkrar skemmtilegar vörur frá The Body Shop. Ég hafði prófað hluta af Drops of Youth línunni áður en langaði að minna ykkur á ágæti hennar með færslu. Það er líka gaman að fá tækifæri að fá að skrifa færslur sem henta í raun mismunandi aldri. Ég myndi segja að þessi færsla væri tileinkuð yngri fylgjendum mínum sem eru mögulega að taka sín fyrstu skref í húðumhirðu og vilja nota vandaðar vörur sem fást á góðu verði. Drops of Youth línan frá The Body Shop er fullkomin fyrir allan aldur en sérstaklega þá á milli tvítugs og þrítugs sem vilja viðhalda unglegum ljóma og raka. Ég finn mikið fyrir því að yngri kynslóðin spáir mikið í innihaldsefnum og hvort að vörur séu vegan eða ekki. Drops of Youth línan er 100% vegan og inniheldur þrjár mismunandi gerðir plöntu stofnfruma sem að berjast við fyrstu einkenni öldrunar og verja húðina gegn mengun. Fjórar vörur úr allri línunni bera af en það er mikilvægt að hreinsa, skrúbba og næra húðina og þvi gott að eiga fjórar vörur líkt og þessar. Hér fyrir neðan ætla ég að segja ykkur frá þeim í þeirri röð sem ég myndi nota þær. Línan inniheldur einnig: dagkrem, serum, andlitsvatn og primer.

DROPS OF YOUTH GENTLE FOAMING WASH

Góð húðumhirða byrjar alltaf á hreinsun. Hvort sem þú að notaðir farða yfir daginn eða ekki. Húðfita, mengun og önnur óhreinindi úr umhverfinu safnast
á húðina okkar yfir daginn. Ég byrja á því að hreinsa farða af húðinni og nota síðan þessa hreinsi froðu sem að er virkilega þægileg í notkun. Um það bil tvær pumpur
duga á allt andlitið og vel niður á háls. Hreinsirinn er í formi froðu og því dreifist hann vel um andlitið án þess að þurrka húðina. Húðin verður slétt og mjúk eftir notkun.

DROPS OF YOUTH LIQUID PEEL

Þessa skemmtilegu vöru má nota 2-3 sinnum í viku og notar maður hana á eftir góðri hreinsun sem auka skref. Þessi vara skrúbbar húðina án þess að
erta hana með hörðum kornum en formúlan er einfaldlega þykkur vökvi sem að maður nuddar á húðina í hringlaga hreyfingum. Þá fer maður að finna fyrir
að húðin verður jafnari og sléttari á meðan formúlan fer í einskonar hnökra en formúlan eyðir misfellum og áferð af húðinni sem hefur safnast.  Eftir á er
húðin extra slétt og mjúk og tilbúin í rakagefandi maska.

DROPS OF YOUTH BOUNCY SLEEPING MASK

Ég skrifaði fyrst um þessa vöru þegar hún kom á markað fyrir nokkrum árum síðan. Þetta var fyrst næturmaskinn sem að ég prófaði og hefur mér alltaf líkað
vel við hann. Það er alveg í góðu lagi að nota þennan á hverju kvöldi í litlu magni en ég mæli með að nudda honum vel inn í húðina áður en lagst er á koddann.
Gel formúlan smýgur djúpt inn í húðina og fyllir hún húðina af raka og næringu. Maður vaknar með vel nærða, fyllta og endurnýjaða húð.

DROPS OF YOUTH BOUNCY EYE MASK

Þessi vara er nýjust í línunni og virkilega spennandi en hún er einskonar systkini næturmaskans en þetta er sérstakt nætur augnkrem. Þreytt augu þrá kælingu
og extra raka til þess að hægja á ótímabærri öldrun. Þetta augnkrem er fullkomið til slíks brúks en þreytt augnsvæði lyftist samstundis og virkar frísklegra.
Augnmaskann má nota á hverju kvöldi en ég mæli með að dreifa honum með baugfingri í kringum augnsvæðið og alveg upp á augnbein með mjúkum hreyfingum.

 

Drops of Youth línan fæst í verslunum The Body Shop í Kringlunni, Smáralind og á Akureyri

Vörurnar fékk ég að gjöf

DR. ANDREW WEIL  FOR ORIGINS / MEGA MUSHROOM

Á dögunum kom ný og glæsileg lína til landsins en hún er samstarf á milli Origins og ameríska læknisins Andrew Weil. Andrew Weil er þekktur heildrænn læknir sem trúir á lækningarmátt kínverskra jurta. Þetta er ekki fyrsta samstarf læknisins við merkið og því verulega spennandi að sjá hvað hann gerir núna. Línan samanstendur af fimm nýjum vörum sem innihalda allar mismunandi sveppi. Læknirinn telur flest öll húðvandamál stafa af bólgum og ertingu í húð og trúir hann á lækningarmátt sveppa. Þess vegna þróaði hann Mega Mushroom línuna í samstarfi við Origins. Dr. Weil þróaði Mega Mushroom formúlu sem samanstendur af Chaga, Cordyceps, Reishi og Sea Buckthorn sveppum. Ásamt þessum fjölbreyttu sveppategundum innihalda vörurnar allar ríkulegt magn af glycerin sem að finnst í náttúrunni og laðar vatn að húðinni.

Vörurnar frá Origins eru án allra óæskilegra aukaefna eins og til dæmis: parabena, súlfata, mineral olíu, petroleum, paraffin og formaldahýðs. Ég er búin að prófa þrjár vörur af fimm síðustu daga og koma vörurnar mér skemmtilega á óvart og eitthvað sem einhver sem þjáist af bólgum og ertingu í húð ætti að skoða. Andlitskremið er í uppáhaldi hjá mér en það róar húðina samstundis og minnkar ertingu og rauða flekki. Kremið róar og styrkir húðina með Mega Mushroom formúlinni ásamt túrmerik, engifer og basilikku. Mér þykir kremið gefa mikinn raka og er ilmurinn af því upplífgandi og hreinlengur. Kremið hentar sérstaklega þurri, viðkvæmri og blandaðri húð og notast bæði kvölds og morgna á eftir nætur serumi.  Maskinn er ótrúlega skemmtilegur en það er afskaplega auðvelt að bera hann á og endurnýjar hann rakabirgðir húðarinnar og styrkir hana til að koma í veg fyrir ertingu með lactobacillur gerjum. Róar húðina og kemur í veg fyrir sýnileg ertingareinkenni með Mega Mushroom formúlunni. Ég leyfi maskanum að liggja á húðinni í um það bil 20 mínútur og þvæ síðan burt með rökum þvottapoka.

Origins vörurnar fást í verslunum Hagkaupa & Lyfju / og hér

 

TAX FREE “SUMMER” MUST HAVES

Þó að ég sé stödd erlendis þá bara verð ég deila með ykkur þeim vörum sem ég myndi næla mér í á fríhafnardögum í Hagkaupum um helgina. Að sjálfsögðu myndi ég næla mér úr lakk + gel yfirlakkið frá Essie úr Favorite Nudes línunni þar sem ég er nú andlit línunnar. Lakkið sem yrði fyrir valinu hjá mér er liturinn Eternal Optimist en hann er fagurbleikur með ferskju undirtón. Ég hef notað hann mikið upp á síðkastið en hann er að mínu mati bjartasti og sumarlegasti liturinn í línunni. Undanfarið hef ég einnig notað mikið nýju sjálfbrúnkufroðuna frá St. Tropez. Hún inniheldur mest megnis vatn og er þetta eina froðan sem mér finnst lykta guðdómlega eða eins og sólríkur dagur einhverstaðar í Karabískahafinu. Froðuna þarf ekki að drífa sig að skola af og þess vegna er hún einstaklega þægileg á ferðalögum eða þegar líður aðeins lengra á millu sturtuferða. Hún gefur fallegan miðlungslit og ber ég hana á með hanska. Skemmtileg tilbreyting frá þessari hefðbundnu eða Express froðunni frá St. Tropez. Þar sem ég er stödd erlendis hef ég verið að nota sömu húðvörurnar í yfir 10 daga og verð að segja að ég þrái ekkert heitar en að taka gott húðdekur þegar ég kem heim. Ég pakkaði engu með mér nema andlitshreinsi og klassísku rakakremi og er löngu kominn tími á góða djúphreinsun. Ég nota Supercleanse hreinsinn frá Glamglow og í kjölfarið Supermud maskann til að tryggja að húðin sé tandurhrein. Inn á milli möskunar finnst mér gott að grípa í hreinsinn í sturtunni en hann er einskonar 1 mínútna útgáfa af maskanum. Til gamans má geta er 15% auka afsláttur af Glamglow vörum um helgina svo ég mæli með að fylla á birgðirnar ef að þið notið einhverjar vörur aftur og aftur.

Nýjungarnar frá Origins eru ekki af verri endanum og get ég ekki beðið eftir að komast heim og prófa nýja maskann úr sveppa línunni sem var hönnuð í samstarfi við Dr. Andrew Weil. Línan inniheldur 5 bráðskemmtilegar vörur sem innihalda allar nokkrar mismunandi gerðir sveppa. Sveppir eru þekktir fyrir að koma í veg fyrir ertingu í húð og endurnýjar maskinn rakabirgðir húðarinnar ásamt því að styrkja hana. Róar húðina og kemur í veg fyrir ertingareinkenni. Línan er ótrúlega spennandi og hlakka ég til að prófa hana með ykkur þegar ég kem heim.

Síðast en ekki síst þá er ljómi lykilatriði fyrir sumarið og þess vegna set ég tvær vörur frá uppáhalds merkinu mínu Becca á listann. Að sjálfsögðu set ég þar Back Light Priming Filter primerinn sem að ég nota næstum daglega. Primerinn gefur húðinni guðdómlegan ljóma og nota ég hann alltaf undir farða ef ég er að fara eitthvað. Hann hentar öllum húðgerðum en það er auðveldlega hægt að nota hann í því magni sem hentar þér. Sumir kjósa mikinn eða lítinn ljóma en ég nota yfirleitt eina til eina og hálfa pumpu á allt andlitið eftir að ég ber á mig krem og áður en ég set á mig farða. Síðan er þessi fallegi bronzer glænýr frá merkinu en það er eiginlega skylda að eiga fallegan bronzer yfir sumartímann. Vörurnar frá Becca standa alltaf fyrir sínu og hlakka ég til að skarta þessum í sumar. Hann kemur í tveimur litatónum svo allir ættu að finna einn við sitt hæfi.

 

Stjörnumerktar vörur fékk ég að gjöf en aðrar keypti ég mér sjálf.

MY TOP 10 SKINCARE PICKS OF 2017

Gleðilegt nýtt ár og gleðilegt nýtt blogg ár sem verður stútfullt af skemmtilegum og fræðandi færslum á milli himins og jarðar. Mig langaði að byrja árið á flokknum sem mér finnst hvað mest spennandi en það er húðumhirða og langaði mig að fara yfir þær vörur sem ég notaði hvað mest árið 2017. Eins og þið vitið þá notaði ég margar snyrtivörur árið 2017 en frá degi til dags notaði ég yfirleitt alltaf það sama. Snyrtivörur koma og fara en þær sem haldast í rútínunni eru þær sem virka og gera húðinni gott. Á þessu ári byrjaði ég að taka aðeins meira í gegn hjá mér meira hvað varðar innihalds efni og reyndi að velja alltaf það allra besta og byrjaði að kaupa mér meira af cruelty free og vegan vörum. Þær vörur sem eru cruelty free eru nú allar merktar með 🐰. Mér finnst alltaf eins og ég væri ekki að vinna vinnuna mína vel ef ég myndi bara sýna ykkur vörur sem fást hér á landi. Snyrtivöruheimurinn er risastór og er úr mörgu að velja og þess vegna vel ég að sýna ykkur líka þær vörur sem fást erlendis en ástæðan er sú að ég vil sýna ykkur það besta í bransanum.

1. Drunk Elephant Lala Retro Whipped Cream 🐰

Þetta krem er stjarna ársins 2017 að mínu mati en þetta er fjórða dollann sem ég fer í gegnum á myndinni. Drunk Elephant vörurnar eru ómótstæðilegar að mínu mati en þær innihalda engin auka- eða skaðlega efni og það má einungis finna innihaldsefni sem gera húðinni gott. Þetta krem er þykkt og gefur mikinn raka án þess að verða feitt á húðinni. Smýgur inn á orskotsstundu og er fullkomið undir farða. Kremið er blanda af 6 afrískum olíum og heldur það raka í húðinni tímum saman. Þetta krem er fullkomið fyrir þurra húð.

2. Glamglow Supermud Clearing Treatment*

Þessi yrði líklegast kosinn maski ársins 2017 en hann hefur farið hamförum á árinu. Það hefur meira að segja orðið Supermud skortur á landinu nokkrum sinnum á árinu. Eftirsóttasti maski landsins stendur líka alveg undir nafni. Besti hreinsimaskinn á markaðnum á mínu mati. Ég nota hann yfirleitt einu sinni í viku og einnig eftir þörfum. Ber hann ekki endilega á alla húðina heldur bara á þau svæði sem þarfnast djúphreinsunar. Það er yfirleitt nebbi, haka og út á kinnar. Maskinn er hannaður til þess að hreinsa djúpt upp úr svitaholum og verður húðin óaðfinnanleg eftir á.

3.  Origins Drink Up Intensive Overnight Mask

Þessi maski berst um topp sætið við Supermud frá Glamglow en þjónar allt öðrum tilgangi. Raka- og næringarmaski frá merkinu Origins sem hefur verið ótrúlega vinsælt eftir að það kom í sölu hér á landi eftir nokkurra ára hlé. Maskann nota ég á nóttunni og blanda við nærandi olíur. Maskinn inniheldur avocado olíu sem fyllir húðina af næringu og raka líkt og lárperan gerir við líkamann þegar við borðum hann. Mér finnst best að nota hann eftir góða hreinsun og það er fátt betra en að leggjast á koddann og finna hvað mér líður vel í húðinni.

4. Drunk Elephant TLC Framboose Glycolic Night Serum 🐰

Þessi vara er kærkominn fyrir þær sem berjast við óhreinindi og áferð á húðinni en þetta næturserum inniheldur 12% AHA/BHA ávaxtasýrur sem slétta yfirborð húðarinnar. Eftir notkun kemur í ljós mýkra, sléttara og meira ljómandi yfirborð. Varan er líka æðisleg áður en maður notar aðrar vörur en hún gerðir það að verkum að aðrar vörur vinna betur og komast dýpra ofan í húðina. Vinnur einnig gegn fínum línum, litabreytingum, umfram olíumyndun og sýnileika svitaholna. Þetta er vara sem ég get ekki sleppt í minni rútínu en ég nota hana 2-3 kvöld í viku. Varan inniheldur engin óæskileg aukaefni eins og allar vörurnar frá Drunk Elephant.

5. Glamglow Supercleanse Clearing Cream-to-Foam Cleanser*

Þessi hreinsir er það nýjasta á þessum lista og hef ég því minnstu reynslunni af henni en rétt eins og Supermud þá er Supercleanse ekkert síðri. Frábær djúphreinsir sem er fljótlægt og þægilegt að nota til þess að hreinsa óhreinindi upp úr svitaholunum eftir langan dag. Frábært að nota hann á milli þess sem þú notar hreinsimaskann til að tryggja að húðin sé alltaf tandurhrein og fín. Hreinsirinn innihedur þrjár mismunandi útgáfur af kolum til þess að djúphreinsa húðina ásamt ávaxtasýrum sem koma jafnvægi á húðina. Mér líður alltaf eins og ég sé að fá smjörþefinn af maskanum þegar ég nota þennan á milli.

6. Clinique Moisture Surge Hydrating Supercharged Concentrate*

Þetta er önnur flaskan á myndinni en ég er búin með heila flösku núna í haust og vetur. Þessi vara er fullkomin fyrir þær sem glíma við extra þurra húð og frábært að nota hana undir rakakremið þitt til að tryggja það að húðin sé vel nærð fyrir daginn. Sérstaklega núna í frostinu en formúlan er þunn og smýgur hratt inn í húðina en veitir 24 stunda raka. Serumið inniheldur hátt hlutfall hýalúrón sýru sem fyllir húðina af raka. Þetta er vara sem verður alltaf til staðar í minni rútínu þegar mér finnst húðin stíf og þurr.

7. La Mer The Tonic Andlitsvatn*

Í ár lærði ég mikilvægi þess að nota andlitsvatn en þau róa, næra og undirbúa húðina okkar fyrir þykku og góðu kremin sem koma á eftir. Þau tryggja það að rakinn smjúgi lengst ofan í húðina í stað þess að sitja bara eftir á yfirborðinu. Þau sjá til þes að sýrustig húðarinnar sé í jafnvægi og ég elska að nota The Tonic frá La Mer til að tryggja það að húðin mín sé í hvaða besta ástandinu til þess að taka við kremum og öðru sem ég nota á húðina. Eftir bæði kvöld- og morgunhreinsun nota ég smá af The Tonic í bómul og strýk yfir húðina. Þá er hún mun mótækilegri fyrir því sem kemur á eftir. The Tonic gefur húðinni samstundis raka, endurnýjar húðfrumur, róar og gefur húðinni ljóma.

8. Drunk Elephant Virgin Marula Luxury Facial Oil 🐰

Eins og að senda húðina í meðferð – en þessi olía frá Drunk Elephant á hug minn allan. Ég nota hana bæði í bland við Origins maskann en líka á eftir sterkari sýrumeðferðum en hún hægir á ótímabærri öldrun húðarinnar og hefur einstaka hæfileika til þess að gera við húðina. Olían er virkilega rík af næringarefnum en það verður ekkert eftir á húðinni eftir notkun og húðin verður ekki feit. Marula olían er alveg ósnert af eiturefnum, ilmefnum og er alltaf í sínu hreinasti formi í Drunk Elephant vörunum. Olían hentar öllum húðgerðum og nota ég hana óspart eftir langar flugferðir.

9. Kiehls Avocado Eye Treatment

Uppáhalds augnkremið mitt og það er einföld ástæða fyrir því. Ríkt af næringarefnum sem að næra og dekra við augnsvæðið og hef ég ekki glímt við neinn þurrk á augnsvæðinu eftir að ég byrjaði að nota það. Kremið er líkt og Origins maskinn ríkt af lárperuolíu sem hefur einstakan lækningarmátt. Það þarf bara örlítið af kreminu á augnsvæðið og nota ég það bæði kvölds og morgna. Augnkremið hefur verið á topp sölulista Kiehls í mörg mörg ár en ástæðan er líklegast sú að kremið virkar og gerir það sem maður ætlast til af því.

10. Mac Prep + Prime Fix +

Ekki beinlínis húðvarða en eitthvað sem ég nota daglega til að viðhalda rakastigi húðarinnar og sérstaklega í flugferðum. Létt rakasprey sem inniheldur vítamín og steinefni sem róa húðina og gefa henni samstundis raka. Mér finnst lang best að nota spreyið yfir farða eftir að ég farða mig og síðan nokkrum sinnum yfir daginn til að fríska upp á útlitið. Ég hef prófað ótal rakasprey en einhvern vegin finnst mér Mac Fix+ alltaf það besta í bransanum og kaupi ég það aftur, aftur og aftur.

Vörurnar frá Origins, Clinique, Glamglow, La Mer og MAC fást hér á landi en Drunk Elephant og Kiehls fást erlendis (t.d. í Sephora).


Looking for Something?