Processed with VSCO with f2 preset

Færslan er unnin í samstarfi við Bianco og skóna fékk ég að gjöf.

NEW IN: WEDDING SHOES

Þetta sumarið er ég einungis á leið í eitt brúðkaup en síðustu ár hafa þau verið fjölmörg og alltaf jafn gaman. Í sumar er eitt alveg sérstakt og langaði mig að finna hið fullkomna dress með jú dágóðum fyrirvara. Brúðkaupið er ekki fyrr en í júlí en ég er strax búin að finna hinn fullkomna kjól og valdi ég mér þessa skó við. Ekki of háir en  heldur ekki of lágir svo ég endist nú allt kvöldið. Skóna get ég síðan notað óspart við önnur tilefni en þeir eru jafn flottir við fínan kjól og gallabuxur. Ég hef alltaf verið hrifin af skónum í Bianco enda endast þeir vel en þessir eru afskaplega mjúkir og þægilegir. Að utan eru þeir úr gervileðri en að innan úr ekta svo þeir gefa vel eftir og verða mýkri með hverri notkun. Ég tók mína í stærð 36 og pössuðu þeir virkilega vel.

Skórnir fást í verslun Bianco í Kringlunni

Processed with VSCO with f2 preset

Færslan er unnin í samstarfi við Ecco // Skóna fékk ég að gjöf // Færslan er ekki kostuð.

ECCO TURINO “WOW” HEELS

Þá er maður aðeins byrjaður að græja sig fyrir sumarið og eins og kannski sumir vita þá verð ég flugfreyja hjá WOW í sumar. Aðeins að breyta til og prófa eitthvað alveg nýtt. Ég er mjög spennt en á sama tíma mjög stressuð (B manneskjan). Ég varð að verða mér út um fallega svarta klassíska hælaskó og aðra þægilega til þess að nota sem vinnuskó. Þessir virkilega fallegu Ecco skór urðu fyrir valinu enda afskaplega þægilegir og verð ég að byrja að ganga þá til ekki seinna en í gær. Skórnir eru úr leðri og verða mýkri með hverju skiptinu sem ég máta þá og geng þá aðeins til hér heima. Þeir verða sko flottir við fjólubláa dressið í sumar en líka bara fyrir utan það enda tímalausir og klassískir. Ég ætla einnig að kaupa mér flatbotna skó frá Ecco sem ég kolféll fyrir í versluninni sem heita Abelone og fást hér. Endilega kíkið á úrvalið í Ecco en þar er hægt að finna ótrúlega margar útgáfur af fínum flugfreyjuskóm bæði hælum og flötum og fá WOW freyjur meira að segja 20% afslátt með framvísun á starfsmannaskírteini.

Hugmyndir af flatbotnaskóm: hér og hér

Þú færð Ecco Turino skóna í verslunum Ecco í Kringlunni og Smáralind og kosta 19.995 kr

Untitled-11

Save

Save

Processed with VSCOcam with f2 preset

Skóna keypti ég mér sjálf.

NEW IN: BIANCO BELT BOOT

Ég tók frá þessa skó í Bianco um leið og ég sá þá og fór síðan loks og keypti þá í dag. Mig vantaði svona klassíska skó sem er hægt að nota aðeins meira spari en þá sem ég á fyrir. Ég er nýbúin að tæma úr skápnum fullt fullt af skóm og langaði í par eins og þetta. Ég var strax hrifin af þessum þegar ég sé fallega mynd af þeim á Instagram. Þeir eru í raun miklu fallegri á fæti en á mynd eins og svona því litla gatið á hliðinni gerir þá svo sérstaka. Ég ætla að horfa á Capsule Wardrobe með aðeins öðruvísi augum og ætla frekar að hafa það að markmiði að búa mér til hinn fullkomna fataskáp og venja mig af því að kaupa allt sem mig langar í og heldur velja það sem ég tel nýtast mér best. Þessir skór eru akkurat þannig. Eins og þið vitið kannsi er ég ekki mjög mikið úti á lífinu en samt er algjör nauðsyn að eiga fallega hæla fyrir hin ýmsu kokteilboð og skemmtanir. Ég er að fara að læra alla helgina en held ég skarti samt þessum vegna þess að ég er svo spennt að byrja að nota þá.

Skórnir fást í Bianco í Kringlunni og kosta 13.990 kr

Untitled-11

jolaskor
Skóna fékk ég í jólagjöf.

NEW IN: VAGABOND OLGA

Það eru bara örfáir dagar síðan ég sýndi ykkur glænýja skó sem ég eignaðist rétt fyrir jól en í jólagjöf frá tengdafjölskyldunni fékk ég þessa gullfallegu Vagabond skó. Þeir voru ofarlega á óskalistanum og eru fullkomnir hversdagsskór að mínu mati. Hinir skórnir sem ég eignaðist (hér) eru töffaralegir og meira svona kúl skór á meðan þessir passa við allt og veit ég að ég mun of nota þá í skóla og vinnu allt næsta ár. Það sem ég elska við Vagabond skóna eru hversu vandaðir og þægilegir þeir eru. Eftir að hafa eignast þónokkur pör á síðastliðnu ári kaupi ég varla aðra skó. Finnst þeir lang fallegastir og leðrið í þeim skínandi fallegt. Mér verður aldrei illt í fótunum í Vagabond skóm og eru þeir líka svo fallegir á fæti. Núna á ég fjórar týpur sem ég vel úr þegar ég klæði mig í skó hversdags og finnst alltaf jafn erfitt að velja úr en hvert og eitt par er með sterkan karakter. Þið vitið ekki hversu fallegir þeir eru allir saman hlið við hlið í andyrrinu.

Það er einstaklega þægilegt að smeygja sér í og úr þessum vegna teygjunnar á hliðinni en ég er með virkilega háa rist og finnst mér mjög erfitt að komast ofan í skó. Þessa tók ég í minni stærð 36 en stundum tek ég Vagabond í stærðinni fyrir ofan. Leðrið gefur virkilega vel eftir og verða þeir mjúkir eftir viku notkun. Vagabond skó kaupi ég lang oftast í Kaupfélaginu í Smáralind en þar finn ég mér alltaf einhverja til að taka með mér heim. Þeir fást einng í Kaupfélaginu Kringlunni ásamt verslunum Steinar Waage. Einnig sá ég bæði nýju pörin mín í versluninni Maiu á Laugavegi.

Vagabond Olga skórnir fást á Skór.is hér ! Ps. Það er fullt af fallegum skóm á útsölu

Untitled-11


Looking for Something?