NEW IN: PILEA PENINGAPLANTA

Þið gerið ykkur örugglega ekki grein fyrir því hversu hátt ég hoppaði þegar ég rakst á þessa fallegu peningaplöntu í Blómaval í dag. Það er sjaldgæft að rekast á peningaplöntur en ég var búin að lesa mér til um að þær færu yfirleitt á milli manna sem afleggjarar og sé sjaldan fáanlegar í hefðbundnum plöntuverslunum. Þessi var á borði í Blómaval ásamt fullt af monsterum og var ég ekki lengi að grípa hana. Ég var nýkomin úr Epal að kaupa mér þennan HAY pott sem var ætlaður undir aðra plöntu. Ég þarf víst að gera mér aðra ferð til að kaupa annan pott því peningaplantan var ekki lengi ofan í hann. Ég elska að hafa grænt í kringum mig og er í skýjunum með hana. Næst ætla ég að kaupa mér fallega monsteru. Ég vildi óska þess að ég væri með sólbekki eða gluggakistur en íbúðin skartar nefnilega engri slíkri svo ég hef ekki mikið umfram pláss fyrir allar plönturnar sem mig langar í. Ég er með grænt allstaðar og ef ég mætti ráða væri helmingi meira. Neðst í pottinn setti ég vikur-steina og síðan mold vegna þess að það er ekki gat á pottinum svo passið ykkur ef að þið kaupið eins. Ég hlakka til að mín fari að færa mér erfingja en peningaplantan er fljót að fjölga sér. Glöggir lesendur sjá hvað Tom Ford bókin mín er veðruð en þessi elska er orðin 11 ára gömul – mér finnst það gera hana eitthvað svo sjarmerandi.

Peningaplöntuna fékk ég í Blómaval Skútuvogi – Potturinn er frá HAY og fæst í Epal

Save

Save

Save

Save

Save

Save

Save

EUCALYPTUS OBESSION

Það sem ný blóm bæta og kæta líðan manns en ég er búin að gera það að ákveðinni hefð að hafa alltaf ferskan eucalyptus í vösum hér heima. Kaupi búnt með nógu mörgum og dreifi svo í tvo til þrjá vasa. Það kemur smá ilmur af greinunum en ekkert þannig að það sé yfirþyrmandi. Greinarnar finnst mér svo ótrúlega fallegar og keypti ég tvær mismunandi týpur af eucalyptus í þetta skiptið. Bæði grófari og síðan svona minni með mörgum laufum. Ætlaði nú bara að hafa þessa færslu mjög stutta og deila bara með ykkur þessum myndum af búntinu sem ég keypti í dag í Garðheimum. Fyrir áhugasama er rúmteppið frá Dimm og fæst hér.

Save

NEW IN: MACRAME PLANT HANGER

Í Montréal rakst ég á þetta skemmtilega plöntu hengi í versluninni Urban Outfitters. Þar keypti ég mér líka sæta bleika mottu en ég er þó heldur betur ástfangnari af plöntuhenginu. Hinn helmingurinn er þó ekki alveg jafn hrifinn og ég. Mér finnst það afskaplega sætt hérna í horninu í svefnherberginu og finnst mér þessi litla tilbreyting gera heilmikið fyrir herbergið. Það hangir yfir náttborðinu mínu og tónar vel við allt í herberginu sem er í gráum og fölbleikum tónum. Í augnablikinu er ég með gerviplöntu í pottinum en það er fallegra með alvöru en ég var hrædd um að krókurinn bæri ekki þyngdina. Þetta er líka bara fínt svona því þá þarf ég ekki að hafa áhyggjur af því að vökva. Ég er ekki viss um hvort að fáist svona hér heima en ég veit að Marr Verslun er með eitthvað svipað, skoðið úrvalið hér.

Save

I LOVE YOU-CALYPTUS

Lengi vel hef ég verið aðdándi Eucalyptus plöntunnar en aðallega vegna þess hve ilmurinn er hreinsandi og frískandi. Á síðustu vikum hef ég séð allt morandi í Eucalyptus plöntum á Pinterest og eftir að ég keypti mér Lyngby vasann hefur mig langað að kaupa Eucalyptus og setja í hann. Í dag skaust ég í Reykjavíkur Blóm þar sem ég keypti mér þrjár greinar af Eucalyptus. Bæði finnst mér plantan svo falleg og græn en líka ilmar hún alveg dásamlega. Eucalyptus er bara svo dásamlega falleg planta en eucalyptus olía er unnin úr laufblöðum plöntunnar en hún er þekkt fyrir lækningarmátt sinn. Í dag langaði mig bara að deila með ykkur myndum af fallegu greinunum mínum, njótið!

Eucalyptus greinar fást í öllum helstu blómabúðum

Save