Virawna_knit_top_GV_Viselina_jacket_Vicalm_hw_HK0102_flared_G
Þessi færsla er ekki kostuð.

VERÐ AÐ EIGNAST: VILA SELINA JACKET

Þetta verslunarbann er allt í einu byrjað að vera mun erfiðara. Það eru 20 dagar liðnir en þegar það koma svona afsakaplega fallegar flíkur í VILA sem ég verð að eignast á ég mjög erfitt með mig. Þessi jakki er allt sem ég þrái. Ég elska allt brúnt og er meira að segja smá hrædd um að segja ykkur frá honum vegna þess að þá eru minni líkur á því að ég fái einn í minni stærð. Jakkinn er úr gervi rúskinn fóðraður með svona scuba efni. Jakkinn verður svo fínn við svartar buxur, hvíta peysu og Vagabond skó. Jakkinn mun kosta 12.990 kr og kemur í stærðum S-XL. Athugið hann er ekki kominn í verslanir en mun vera kominn fyrir vikulok. Ég verð fyrst að fá mér jakkann! Fylgstu vel með ef að hann heillar þig á bæði VILA á Facebook og Instagram @vilaiceland.

Untitled-11

Processed with VSCOcam with f2 preset
Allar vörurnar í þessari færslu keypti ég mér sjálf.

FIMMTUDAGSDRESSIÐ

Dagurinn í dag er ansi annasamur og er ég að fara á marga staði. Ég var bara að enda við að kaupa mér þennan æðislega kögurjakka í VILA. Það eru eiginega bara fimm minútur síðan ég gekk með hann inn um dyrnar en mig sárvantaði svarta kápu eða jakka til að nota yfir allt þetta fína brúna sem ég er búin að vera kaupa mér. Þið verðið eiginlega að sjá hann betur vegna þess að þessi mynd gerir ekkert fyrir hann og svart fallega kögrið sem liggur með hliðunum sést ekki. Jakkinn fæst líka í brúnu en ég mæli með að hafa hraðar hendur útaf það er allt að klárast. Þessa yndislegu brúnu þunnu 100% merino ullar peysu keypti ég mér í & Other Stories í Barcelona og er þetta ein fallegasta flíkin í fataskápnum mínum. Ég held að ég sé alltaf með þetta belti. Ég á meira að segja fleiri alveg eins en þetta brúna er bara svo mikið notað og mjúkt að ég vel það alltaf fram yfir hin.

Jakki nýr úr VILA (líka til í brúnu) – Peysa frá & Other Stories 
Buxur Zara Woman – Skór Vagabond  – Belti gamalt úr VILA

Untitled-11

thridjud

DRESS DAGSINS 10.NOV

Dress dagsins í dag er nú örlítið bjartara en dress gærdagsins. Í dag klæðist ég einu gallaskyrtunni sem ég hef eignast um ævina. Ég hef aldrei fýlað þær fyrr en ég fann þessa. Ein uppáhalds flíkin mín til að nota yfir svartar þröngar buxur. Reyndar er hún flottust við bera leggi í útlöndum en það er annað mál. Karrý/appelsínu trefillinn minn hefur nú ekki verið mikið notaður en einstaklega fallegur við skyrtuna og því tilvalið saman. Svört Uniqlo úlpan kemur sér vel í kuldanum ásamt grófum ökklastígvélum. Það er ósköp fátt að gerast hjá mér þessa dagana annað en lærdómur, verkefnaskil og blogg vinna. Í dag er ég bara rétt að fara að útrétta, fara í einn tíma í skólanum og síðan á æfingu. Ég get því miður ekki alltaf sýnt ykkur dress sem eru í búðunum svo þvi miður fæst voðalega lítið af þessu sem ég er í ennþá nema fyrir utan buxurnar og skóna, og jú úlpuna sem keypt var erlendis.

Dress dagsins:

Uniqlo Úlpa – Trefill úr VILA (gamall) – Skyrta úr VILA (gömul)
Vicommit buxur úr VILA –
Uniqlo Úlpa – Vagabond skór fást hér
Untitled-11

Processed with VSCOcam with f2 preset

DRESS DAGSINS 9. NOV

Ég var ekki lengi að setja þetta mánudagsdress saman enda þessar flíkur ansi oft notaðar saman. Brúna peysan mín úr VILA er ofnotuð þessa stundina og kemst eiginlega engin önnur flík að. Peysan ilmar meira að segja eins og ég (Black Opium) þrátt fyrir stanslausan þvott. Í peysunni er ansi góð ullarblanda og peysan er eins og ný eftir stanslausa notkun. Við peysuna er bara hægt að nota eina “utanyfirflík” en það er leðurjakkinn góði sem er orðinn svo mjúkur og þægilegur. Ég þoli nefnilega ekki óþægilega jakka og nota mun meira þunnar kápur og léttu Uniqlo úlpurnar mínar. Þennan jakka gaf minn heittelskaði mér þegar við vorum í Barcelona en hann var víst til hér heima í Zara líka. Klassísku góðu Vicommit buxurnar frá VILA eru alltaf til staðar fyrir mig enda þær þægilegustu. Mig sárvantar nýja flatbotna leðurskó en þessir frá Vagabond eru kannski ekki alveg þeir hentugustu en ég nota þá bara samt þangað til ég finn hina fullkomnu vetrarskó.

Peysa frá .Object fæst í VILA – Zara Woman leðurjakki
Vicommit buxur frá VILA – Vagabond leðurskór úr Kaupfélaginu (gamlir)

Untitled-11


Looking for Something?