Peysukjóll hér // Oversize peysa hér

KNITS FOR FALL

Það hafa liðið ár og dagar síðan ég sýndi ykkur síðast hvað ég væri að versla. Foreldrar mínir eru á leið erlendis og því greip ég tækifærið og pantaði mér nokkrar mjúkar flíkur frá & Other Stories fyrir veturinn. & Other Stories verslunin er í mjög miklu uppáhaldi hjá mér og klikka peysurnar og treflarnir aldrei. Í raun eru allar prjóna vörurnar frá þeim dásamlegar og sést aldrei á þeim. Ég kaupi alltaf 100% ullarpeysur frá þeim enda vandaðar og hlýjar fyrir veturinn. Þegar maður er með barn á brjósti er eiginlega erfiðara að klæða sig heldur en óléttur. Núna þarf að vera þægilegt að vippa öllu upp og þarf það líka að vera hlýtt og gott. Þess vegna fannst mér þessar tvær flíkur vera algjör snilld við gallabuxur og kápu eða úlpu í vetur. Ég þarf alltaf að taka fataskápinn í gegn á haustinn og núna hefur mjög lítið bæst við í hann og ákvað ég að leyfa mér að bæta aðeins í hann. Því miður sendir verslunin ekki til Íslands en hún sendir um allan heim og mæli ég með að skoða úrvalið og set ég beina linka á flinkurnar hér fyrir ofan. Ég vona svo að ég verði duglegi við að deila með ykkur meira framtíðar kaupum en ég stakk með tveimur flottum cashmere húfum (í raun rándýrum) en mér er hrikalega kalt á eyrunum í göngutúrunum okkar enda mjög vindasamt hér í hverfinu og fannst mér ég eiga það skilið að eiga tvær flottar til skiptana hér og hér. Núna ætla ég aðeins að stelast inn á Sephora síðuna og fylla á snyrtivörubirgðirnar.

Svartur hlýrakjóll hér // Svartur með mynstri hér

ON ITS WAY: & OTHER STORIES

Eftir ameríkuferðir hellist þreytan yfirleitt yfir mann og í dag gat ég varla hreyft legg né lim. Þá slysast maður oft inn á hinar ýmsu netverslanir en ein mín uppáhalds verslum var troðfull af flíkum sem mig langaði til að eignast. Ég ákvað að panta mér tvo fallega kjóla sem eru jú svartir en samt sumarlegir og sætir. Ég er ekkert yfir mig hrifin af allskyns litum og vil helst klæðast svörtu. Þessir eru báðir úr léttum efnum sem henta samt vel erlendis og sérstaklega þessi neðri mynstraði líka útaf síddin er svo góð. Ég hlakka til að spóka mig í þessum í Chicago næstu helgi en ég pantaði mér einmitt líka æðislegan flottan hatt (þennan hér). Ég er ekkert mikið fyrir það að sýna mikið skinn og hvað þá að brenna í sólinni svo ég vil vera í léttum kjólum og finnst svo gott að geta skellt mér í sætan stuttermabol innan undir. Mér finnst svo flott að vera í flík með hlýrum og síðan í skyrtu eða stuttermabol innan undir.  Það er eitt af sumartrendunum sem ég elska og ætla að taka með mér uppáhalds stuttermabolinn minn með í ferðina en hann fékk ég líka í & Other Stories.

 

Save

Vöruna keypti ég mér sjálf.

ON ITS WAY: LEATHER CROSSOVER BAG

Þegar ég var í Kaupmannahöfn fyrr í mánuðinum eyddi ég dágóðum tíma í versluninni & Other Stories. Hún er ein af mínum uppáhalds verslunum og er stórhættulegt fyrir mig að komast í hana. Ég verslaði alveg yfir mig í búðinni og kom heim með fullt af fallegum flíkum og skóm en þetta veski varð eftir. Ég skoðaði það vel og mátaði við mig en mig er búið að vanta svart vandað leðurveski. Síðan ég kom heim hef ég verið að stelast til að skoða hana á heimasíðunni og ákvað á þessum fallega sunnudegi að láta verða að því. Pantaði hana á hótel í bandaríkjunum en ég fer í stopp í næstu viku eftir gott veikindaleyfi. Ég er ekkert lítið spennt að fá hana í hendurnar og hlakka til að nota hana mikið en eins og þið sjáið er veskið rosalega mikið ég og ekki skemma gull smáatriðin. En ég vona að ykkur finnist jafn skemmtilegt og mér þegar ég sýni ykkur það sem ég er að kaupa mér en ég sýni ykkur hana að sjálfsögðu betur þegar ég er komin með hana í hendurnar. Það sem ég elska við verslunina eru gæðin. Ég á fjögur skópör frá merkinu og ég er svo ánægð með endinguna á leðrinu að veski getur ekki klikkað.

& Other Stories sendir ekki til Íslands en það er sniðugt að nýta tækifærið og senda á hótel ef maður á leið erlendis

& Other Stories Leather Crossover Bag fæst hér

Allar flíkurnar keypti ég mér sjálf.

OUTFIT OF THE DAY

Um daginn var ég að taka myndir fyrir allt annað tilefni en ákvað að taka eina dress mynd til að setja hér í færslu. Þessi múndering samstendur af mínum uppáhalds flíkum en kápuna var ég að kaupa mér í Kaupmannahöfn fyrir stuttu síðan í versluninni & Other Stories. Þar fást fallegar flíkur úr hágæða efnum sem eru oft með skemmtilegum smáatriðum. Sjaldan hef ég verið jafn hrifin af einni flík en hún er svo vönduð og sniðið passar mínu vaxtarlagi einstaklega vel. Undir kápunni er ég í hlýrri grárri peysu úr Vila og að sjálfsögðu er ég í Vicommit buxunum en þessi samsetning bara klikkar ekki. Bæði þægilegt og stílhreint.  Þetta er bara svona klassískt dress sem að mér finnst virka fyrir hvaða tilefni sem er en ég ætla ekki að blaðra meira í dag en skil eftir upplýsingar um dressið hér fyrir neðan. Kápuna tók ég í stærð 34 (XS) en ég nota yfirleitt yfirhafnir í þeirri stærð (svona fyrir þá sem hafa áhuga á að næla sér í hana).

& Other Stories Kápa hér – Peysa frá VILA – Buxur Vicommit frá VILA – Belti frá Pieces úr VILA – Skór & Other Stories (ekki fáanlegir lengur)