POSTCARD FROM MONTRÉAL #2

Í morgun kom ég heim eftir tvo yndislega daga í kanadísku borginni Montreal. Ég heimsótti hana á dögunum á vegum vinnunnar og aftur núna. Borgin hefur svo sannarlega komið mér á óvart og er ég strax byrjuð að þekkja hana. Vinkona mín kom með í þetta skiptið og nutum við í botn. Borðuðum góðan mat, sóluðum okkur og dekruðum við okkur í heilsulindinni. Líkt og í síðustu ferð lék veðrið við okkur. Ég ætla að leyfa myndunum að tala sínu máli en þetta er ævintýraleg borg sem ég mæli með að heimsækja. Veitingastaðirnir eru fjölbreyttir og er vel úti látið á öllum sem ég hef heimsótt. Ég náði alls ekki myndum af öllu en við fengum góðan morgunverð á Olive + Gourmando, sushi á Kyo Bar Japonais og dögurð á Venice. Gamli bærinn er í uppáhaldi hjá mér og eyddum við langmestum tíma þar og skoðuðum líka t.d. Notré Dame kirkjuna, stjórnarráðið og fleira.

Olive + Gourmando // Hér snæddum við morgunverð báða dagana en þetta er vinsæll morgunverðarstaður í gamla bænum
. Mæli með Cha Cha Chia skálinni, jógúrt með granóla og ávöxum og rjúkandi heitu kaffi.

Bota Bota Spa // Er eitthvað sem allir ættu að heimsækja ef leið þeirra liggur til Montreal. Yndisleg heilsulind á fljótabát sem liggur við hafnarbakkann í gamla bænum. Við eyddum um 4 klukkustundum í heilsulindinni og prófaði ég allar gufurnar, pottana, sundlaugarnar og hengirúmin.

Venice // Venice er skemmtilegur veitingastaður með Californiu þema. Þar fékk ég mér stórkostlegt avocado toast en það er must í hverri ferð. Mæli með þessum stað í gamla bænum fyrir léttan og bragðgóðan hádegisverð.

Save

Save

Save

Save

Save

Save

Bikiníið er frá Triangl og fæst hér

POSTCARD FROM MONTRÉAL

Ég eyddi tveimur síðustu dögum í borginni Montreal sem mig hafði dreymt um að heimsækja síðan ég var barn. Veðrið hefði ekki getað verið betra en það voru 26 gráður og sól allan tíman. Leið mín liggur aftur til Montreal í júní svo ég hef nægan tíma til að kynnast borginni en hún hefur upp á svo margt að bjóða. Borgin er frönskumælandi sem gefur henni ákveðinn sjarma en ég verslaði í skemmtilegum búðum, borðaði á góðum veitingastöðum og slappaði af í flottustu heilsulind sem ég hef augum litið. Myndin hér að ofan er af Bota Bota Spa sem er heilsulind á gömlum fljótabát. Ég var búin að bóka tíma í nudd fyrir fram og fór í slökunarnudd á bátnum og lá síðan í nokkra klukkutíma í pottunum eða á bekk og naut sólargeislanna. Bota Bota er eitthvað sem maður verður að prófa ef maður á leið til Montreal og gerði góða veðrið upplifunina enn betri. Við borðuðum á æðislegum veitingarstöðum og má þar nefna: The Keg, Maggie Oakes í Old Port, Les 3 Brasseurs en þar mæli ég með bakaða camembert ostnum. Næst ætla ég að prófa sushi á Kyo og morgunmat á Olive & Gourmando.

Save

Save

Save