MICHAEL KORS

Á dögunum fór ég í skemmtilegt partý á vegum umboðsaðila Michael Kors á Íslandi. En í dag eru snyrtivörurnar fáanlegar í Lyf & Heilsu í Kringlunni eins og kannski flest allar ykkar vita. Í lok boðsins fékk ég með mér heim eina veglegustu “party favor” gjöf sem ég hef engið og innihélt hún þrjár vörur og snyrtibuddu úr Glam línu Michael Kors. Ég ætla ekki einu sinni að ræða snyrtibudduna þar sem hún er akkurat í stíl við hvíta Michael Kors veskið mitt og býr hún þar ofan í. Þið hafið kannski séð hana sem bakgrunn á sumum myndum upp á síðkastið enda með eindæmum falleg. Snyrtibuddan innihélt fallegt fjólublátt naglalakk, Glam ilmvatnið og skemmtilega tvískipta vöru með ilmvatns “rollerball” með sömu lykt til að hafa með í veskinu og mjög flottum dökk fjólubláum gloss. Vörurnar eru alveg jafn geggjaðar og pakkningarnar sem sæma sér sko vel upp á hillu. Ég fagna því mjög að þessar flottu snyrtivörur séu nú fáanlegar hér á landi. Tvær aðrar línur komu Sporty og Sexy og er ég alveg að missa vatnið yfir Sporty línunni. Nokkrar vörur komu einnig úr líkamslínu merkisins og langar mig mest til að prófa baðkúlurnar og varasólarvörnina.

Ég læt fylgja með nokkrar myndir úr partýinu.

Takk fyrir mig Michael Kors!

Greinarhöfundi var boðið á atburð og fékk gjöf að honum loknum.
Þessi umfjöllun er ekki kostuð.