Processed with VSCOcam with f2 preset

Færslan er unnin í samstarfi við Kró Design og fékk ég snyrtivöruhirsluna að gjöf.

KRÓ DESIGN SNYRTIVÖRUHIRSLA

Um daginn fékk ég skemmtilegt e-mail frá íslenskum hönnuði sem langaði að færa mér þessa flottu snyrtivöruhirslu að gjöf. Ég gat ekki hamið mig eins og venjulega og varð að segja ykkur frá henni á Snapchat strax. Hún er ótrúlega falleg, vel gerð og vegleg. Hún er ekki með kvössum hornum og það besta við hana að maður ræður stærð skiptingana innan í hirslunni sjálfri. Ég var í stökustu vandræðum með mína gömlu hirslu við það að raða og láta allt passa en þessi hirsla tekur mun fleiri vörur vegna þess að ég ræð hvar skiptingarnar eru. Til dæmis ákvað ég að hafa engar skiptingar í næstu efstu skúffunni þar sem ég geymi farða og primera en áður hafði ég þeim vörum skipt til helminga og það var alltaf eitthvað óþægilegt og ekkert komst fyrir.

 

Processed with VSCOcam with f2 preset

Processed with VSCOcam with f2 preset


Ég ákvað að halda mig við sama skipulag og áður en það hefur hentað mér mjög vel. Í neðstu og stærstu skúffunni geymi ég púðurfarða, highlightera í miðju horninu og síðan fá YSL palleturnar mínar að njóta sín. Ég dýrka það að geta stillt þessum skiptingum og fer mun betur um vörurnar mínar í dag og allar fá sitt pláss.

Processed with VSCOcam with f2 preset

Næst neðsta skúffan er í uppáhaldi hjá mér en þarna geymi ég í vinstra hólfinu allar uppáhalds MAC vörurnar mínar og alla kinnalitina sem ég á frá merkinu sem erfitt var að koma fyrir í gömlu hirslunni minni. Núna er skipting hliðin á þeim sem heldur alveg utan um þá og þeir færast ekkert til. Í miðjunni geymi ég allar augabrúnavörurnar mínar og eyeliner-ana mína. Til hægri geymi ég síðan alla hyljarana og ljómapennana mína sem er ég held ég skemmtielgasta hólfið þar sem ég á næstum allar gerðir á markaði. Reyndar sést mjög lítið í þá hyljara sem ég nota mest en ég mun von bráðar sýna á snappinu mínu (thorunnivars) allar vörurnar sem ég geymi í hirslunni.

Endilega kíkið á þessa flottu hönnun á Facebook hér eða undir nafninu Kró Design

Untitled-11

lancomeeitt LancomeSprinffg16-CA
Þessi færsla er ekki kostuð.

EINKAKENNSLA MEÐ LANCOME Í LYF & HEILSU

Mig langaði að segja ykkur frá skemmtilegri kynningu á vegum Lancôme en þannig er mál með vexti að í boði verður að panta sér hálftíma einkakennslu hjá National makeup artist hjá Lancôme á Íslandi. Einkakennslan verður sankölluð upplifun með merkinu og getur hver og ein fengið góð ráð hvað varðar hvað sem henni langar til að fræðast um og á staðnum verður snyrtifræðingur tiltækur sem ráðleggur varðandi húðumhirðu. Kristjönu hef ég sjálf þekkt síðan að ég var smá stelpa að flækjast í snyrtivörudeildinni með mömmu. Þið þekkið eflaust flestar fallega andlitið sem mætir ykkur þegar þið stelist í snyrtivörudeildina eins og ég, en Kristjana er aðalförðunarfræðingur merkisins. Það hefur verið ótrúlega gaman að fá að fylgjast með henni enda er hún ein sú hæfileikaríkasta í bransanum. Kynningin og einkakennslan fer fram í Lyf og Heilsu núna fimmtudag, föstudag og laugardag og getur hver sem er pantað einkakennslu með hinni stórkostlegu Kristjönu ásamt hinu frábæra Lancôme teymi sem samanstendur af Kristjönu, Báru Hafsteins, Hildi Ernu og Stefaníu Guðmunds. Teymið vinnur saman að því að allt sem snýr að Lancôme hér á landi sé faglegt.

Ef að þú ert ekta Lancôme kona þá mæli ég svo sannarlega að þú bókir þér fría hálftíma einkakennslu með Lancôme teyminu og fáir faglega ráðgjöf varðandi förðun og húðumhirðu. Ég mæli með því að þú bjóðir með þér mömmu, systur eða vinkonu og farið saman í hálftíma dekur með Lancôme stelpunum. Ef að þú ert að fara að gera eitthvað alveg sérstakt um helgina er ansi sniðugt að bóka sér tíma hjá stelpunum og láta þær sjá um lúkkið fyrir kvöldið.

Einnig mæli ég með að skoða alveg sérstaklega vorlínuna sem er ein sú sætasta á snyrtivörumarkaðnum í dag. Fallegir pastellitir og skemmtilegir highlighterar sem er hægt að nota á svona margvíslegan hátt sem þið getið séð á myndum hér fyrir ofan. 
Til að panta þér frían einkatíma með Lancôme teyminu
í Lyf & Heilsu Kringlunni hringiru í síma: 568 9970

Einkakennslan er í boði í dag fimmtudag á milli 13-18,
föstudag á milli 13-18, og laugardag 12-17
 
Untitled-11

zaciformaci
Vörurnar sem nefndar eru voru fengnar sem gjöf.

ZAC POSEN FOR MAC

Zac Posen hefur í 13 ár heillað fólk með nútímlegri en jafnframt sígildri hönnun sinni á tískupöllunum en það er í fyrsta skipti núna sem að hönnuðurinn hannar snyrtivörulínu í samstarfi við MAC. Hvert einasta smáatriði er úthugsað og umbúðirnar stórfenglegar. Mér finnst fátt skemmtilegra en að safna mér exclusive línum frá MAC og hef gert í fjölda ára. Það er svo gaman að eiga eitthvað svona alveg sérstakt sem framleitt er í takmörkuðu magni. Zac Posen línan er á leið í verslun MAC í Kringlunni í byrjun næstu viku og mæli ég með að hafa hraðar hendur til þess að næla þér í gullfallegar vörur.

“Over the past 15 years I have learned a great deal from M∙A∙C about beauty. Fashion and beauty go hand-in-hand and I have always wanted to create a makeup collection to complement my designs and brand. It was only natural to work with M∙A∙C to create my first ever signature collection. I wanted to keep it luxurious, a little mysterious and clean with a large dose of star wattage.” — Zac Posen

Zac-MAC-beauty-blog
Línan í heild sinni

Í pokanum sem ég fékk frá MAC var þessi gullfallega 6 lita augnskuggapalletta ásamt svörtum Fluid Line eyeliner sem er uppáhalds eyelinerinn minn en bara í svona fallegum Zac Posen umbúðum. Augnskuggapallettan ber nafnið Eye Z You og inniheldur 6 mismunandi augnskugga bæði með mattri, frost, satín eða perlu áferð. Að sjálfsögðu er ég yfir mig hrifin af svona mauve tónum og hitti þessi augnskuggapalletta beintí mark. Já það eru sko fleiri vörur í línunni sem ég gæti hugsað mér að eignast og þar á meðal er Contour Blush settið en ég læt það mögulega eftir mér að eignast það. Endilega fylgist vel með þegar línan kemur í verslun MAC í Kringlunni en það er ótrúlega þægilegt að sjá inn á Facebook síðu MAC í Kringlunni hér hvenær nýjar línur eru væntanlegar.

Ath. Línan verður komin á morgun eða hinn, fylgist vel með!

Untitled-11

febfav
Sumar vörur í þessari færslu voru fengnar sem sýnishorn/gjafir en aðrar ekki.

FEB FAV

Núna heft ég haft það að markmiði síðustu mánuði að hafa færri vörur í þessum færslum sem koma mánaðarlega sem heita “uppáhalds vörur mánaðarins”. Alltaf jafn gaman að horfa til baka og sjá hvað var mest notað og þó nokkrar nýjar vörur ef bara ekki allar sem fóru strax á toppinn hjá mér. Ef að þið eruð með mig á Snapchat hafið þið séð mig tala um langflestar þessar vörur fyrir utan kannski nýjasta ilminn sem ég er kolfallinn fyrir.

1. Skyn Iceland Artic Face Oil er olía úr 99,9% Camelina oil og hafði ég átt hana inn í skáp í þó nokkra mánuði áður en ég þorði að prófa hana. Ég féll samstundis fyrir henni og nota hana núna á hverju einasta kvöldi og á morgnanna nota ég Turnaround olíuna frá Clinique enda er hún frábær undir farða. Þessi er þykkari og gefur húðinni minni allt sem hún þarf fyrir nóttina.  Fæst hér.

2. Giorgio Armani Sí  Rose – Þennan dásamlega ilm fékk ég að gjöf fyrir nokkrum vikum síðan. Það er sjaldan sem að ilmir slá í gegn hjá mér samstundis en vitiði hvað ég elska þennan dásamlega ilm. Síðan ég fékk hann í hendurnar hef ég ekki sett neinn annan á mig og allir segja að ég ilmi dásamlega. Þetta er blómailmur sem kom mér nokkuð á óvart vegna þess að þeir hafa nú ekki verið þekktir fyrir að slá í gegn hjá mér en hann er svo léttur og sérstakur eitthvað og ég elska hvað hann er sætur. Mér finnst hann alls ekki eins í glasinu eins og hann er síðan á mér sem er það skemmtilega við hann.

3. Nýr og yndislega bleikur litur úr New Orleans línu OPI. Þið þekkið mig og vitið að ég elska allt sem er vel bleikt. Þessi litur er einstaklega skemmtilegur og á vel við vorskapið sem ég er komin í. Þrátt fyrir klakann, kuldan og vindinn úti.

4. Ef að þið hafið fylgst vel með á Snapchat hafið þið tekið eftir því að ég skarta nýjum og geggjuðum maskara. Maskarinn er frá Bobbi Brown og heitir Eye Opening Maskara. Aldrei hélt ég að ég gæti verið með stór, þykk og voluminuous augnhár eins og nú. Núna hlakka ég til að maskara mig og vanda mig við það. Hann gerir augnhárin áberandi og opnar hann svo sannarlega augun og ber nafn með rentu. Ath. Maskarinn er uppseldur til 10. mars.

5. Þennan maska frá First Aid Beauty eignaðist ég fyrir svolitlu síðan og líkaði fyrst ekkert ofboðslega vel við en ákvað að prófa hann aftur og blanda ég honum við olíuna frá Skyn Iceland og finnst mér það æðisleg blanda fyrir nóttina. En þetta er mjög rakagefandi maski sem ég hef ekkert út á setja fyrir utan það að ég klístrast örlítið við koddann en ekki ef ég set hann nógu snemma á mig. Facial Radiance maskinn fæst hér

6. Enn ein yndisleg vara frá MAC sem sló í gegn hjá mér en þennan kinnalit hef ég verið að nota úr Flamingo Park línunni sem er einstaklega bleik og skemmtileg. Hentar bleikri týpu eins og mér mjög vel. Alltaf gaman að bæta einum svona í safnið. Ég tilkynni á Snapchat hvenær línan fer í verslanir MAC. Liturinn heitir What I Fancy.

Untitled-11

 


Looking for Something?