Stjörnumerktar vörur voru fengnar að gjöf.

SUMMER FAVORITES

Okay, já fyrirgefiði mér en ég hef ekki gert uppáhalds færslu í marga marga mánuði. Þetta eru yfirleitt alltaf vinsælustu færslurnar á síðunni en hér fáið þið alltaf að sjá þær vörur sem ég hef verið að nota hvað mest upp á síðkastið. Þetta eru allt vörur sem eiga það sameiginlegt að gefa ljóma, raka og eru léttar fyrir sumarið. Þetta er jöfn blanda af vörum sem ég hef fengið að gjöf hér heima eða keypt mér erlendis. Ég er búin að vera með annan fótinn erlendis núna í ár og það er ekki nema von að eitthvað skemmtilegt og áhugavert komi með manni heim. Sérstaklega þegar maður les erlend blogg um snyrtivörur daglega. Það er bara eins og ég eigi aldrei nóg en mín afsökun er sú að þetta sé áhugamál og það væri jafn dýrt ef ég stundaði stangveiði (einmitt).

 

Clinique Moisture Surge Hydrating Supercharged Concentrate* – rakaboma í pumpuformi. Ég er bara búin að prófa þessa vöru í örfá skipti en ég elska hana með öðrum kremum og undir farða. Gefur húðinni mikinn raka án þess að vera í þykku krem formi. Létt vatnskent gel sem fer samstundis inn í húðina. Þetta er eitthvað sem ég ætla að haldaáfram að nota en þetta er svo þægilegt og fljótlegt. Frábært undir farða og gefur húðinni fallegan ljóma. Ég hugsa þessa vöru sem svona auka rakabombu og því tilvalin fyrir fólk með þurra húð.

 Kiehls Eye Treatment with Avocado – augnkremið sem ég mæli með daglega. Þetta er ekki virkt augnkrem en gefur augnsvæðinu samstundis raka. Ég nota þetta alltaf á kvöldin áður en ég fer að sofa og hef verið að nota síðan í byrjun mars. Kremið er ágætlega þykkt og inniheldur avocado olíu sem nærir þurrt augnsvæðið. Fæst í Sephora, hér.

It Cosmetics Your Skin But Better CC Cream – Keypti mér þetta CC krem á dögunum og verð að segja eins og er en ég er búin með það. Keypti mér minni útgáfu af því og verð að eignast þá stærri. Létt og þægilegt cc krem sem inniheldur háa sólarvörn sem ég dýrka að nota dagsdaglega þegar ég vill ekki vera með mikinn farða. Í kreminu er mikill ljómi og nota ég þetta mikið með Glow Shot highlighternum frá YSL. Fæst erlendis.

IGK Mistress Hydrating Hair Balm – Segin saga með mig. Fæ prufu af einhverju litlu og kaupi mér stærri útgáfuna samstundis. Var búin að kaupa mér aðra vöru frá merkinu sem ég hélt að væri æðisleg en raunin var að þetta var varan sem ég var að leita að. Þetta er raka boozt fyrir hárið sem gerir það einstaklega mjúkt og viðráðanlegt. Yndislegur kókóshnetu ilmur lætur mér líða eins og ég sé stödd í karabíska hafinu. Einstaklega létt efni sem ég ber í blautt hárið og blæs síðan upp úr. Fæst í Sephora, hér.

Yves Saint Laurent Touche Éclat Glow Shot Higlighter* – á dögunum kom YSL með á markað þennan blauta highlighter. Ég var ekkert með neinar ofur miklar væntingar en það verður að segjast að þetta er orðinn uppáhalds highlighterinn minn og nota ég hann daglega. Ég tek rakan beautyblender og dúmpa á efstu svæði andlitsins eins og kinnbein, nef og höku. Gefur fallegan ljóma og blandast fallega á húðinni.

MAC Extra Dimension Blush í litnum Fairly Precious* – glænýjir kinna/highligter litir frá MAC. Ég hef notað þennan non stop síðan ég eignaðist hann en hann gefur svo fallegan ljóma og lit í kinnarnar. Hann er í ljós bleikum kampavíns lit og langar mig helst til að eignast alla litina í þessari línu en þeir eru bara svo ótrúlega skemmtilegir. Mæli með að þið kíkið á lita úrvalið í MAC Smáralind.

Origins Perfect World SPF 40 Moisturizer* – Ég er búin að nota þetta krem undir farða alla vinnudaga síðan ég eignaðist það. Verndar húðina gegn UVA, UVB og infrarauðum geislum sem er akkurat það sem maður þarf að verjast þegar maður starfar í háloftunum. Gefur húðinni einstakan raka og verndar hana fyrir umhverfisáhrifum. Hvað meira get ég beðið um!

MAC Next to Nothing farði* – skrifaði heila færslu um þennan um daginn en undanfarið hef ég mikið leyft minni húð að skína í gegn. Þessi farði gefur manni ljóma, smá lit og jafnar húðlitinn en líður eins og það sé ekkert á húðinni. Ég er ótrúlega hrifin af þessari nýjung og þið getið lesið meira um hann hér.

Nuxe Ultra Nourishing Lip Balm – nú ætla ég að nota stór orð en ég hef aldrei á ævi minni kynnst varasalva eins og þessum. Ég hef þjáðst af varaþurrki alla mína ævi og prófað alla varasalva sem til eru á markaðnum. Síðan ég eignaðist þennan hef ég verið með silkimjúkar varir og hef ekki einu sinni fundið fyrir varaþurrki. Ég nota hann bara einu sinni á dag og varirnar eru nærðar og fallegar. Ég hef aldrei fundið jafn mikinn mun á þeim á jafn stuttum tíma og þarf engan annan varasalva en þennan. Fæst hér.

 Sunday Riley Good Genes sýrumeðferð – ég er ekki frá því að ég sé búin að vera örlítið kaupóð í snyrtivöru deildinni upp á síðkastið en jiminn ég er bara búin að gera svo góð kaup. Næst á dagskrá er að kaupa stærri útgáfu af Good Genes sýrumeðferðinni frá Sunday Riley en ég hef sjaldan verið með jafn lýtalausa, jafna og ljómandi húð en eftir að ég byrjaði að nota þessa meðferð 2x í viku ásamt næturolíunni frá merkinu. Fæst hér.

Save

Save

Save

Save

Save

Save

Save

Save