thorunn_underarmor-23thorunn_underarmor-28

thorunn_underarmor_back-1

Eins og ég minntist aðeins á um daginn- þá er nýja uppáhalds æfingin mín að sippa. Þessi æfingin verður bara skemmtilegri og skemmtilegri. Stelpurnar hafa verið duglegar að setja inn sipp hér og þar í prógrömin mín- en nú vil ég bara meira og meira. Farin að setja mér allskonar markmið í sippunum og enda nú allar æfingar á 10 mínútna sippi. Elska að keyra hjartað vel í gang í lok æfingarinnar þar sem ég er ekki að gera neitt venjulegt cardio núna. Það er mjög sniðugt að google-a allskonar mismunandi hopp en eins og er er ég bara að hoppa venjulega hratt og hægt til skiptis. Svo skiptir eiginlega mestu máli hvað þú hlustar á á meðan- mér finnst lang best að hafa Nicki Minaj í eyrunum á meðan ég hoppa. Stilli svo bara timerinn í símanum á 10 mín og byrja að hoppa.

Sipp er ótrúlega gott fyrir líkama og sál og þjálfar þolið og alla vöðva líkamans í einu. Mótar leggina mjög og það sem mér finnst best við það hvað það er skemmtilegt að sippa. Ef þið æfið í Sporthúsinu þá hafið þið örugglega séð mig sippandi á fullu eins og algjörn hálfvita en mér finnst sipp vera lang besta “cardio-ið”. Skora á alla að fara og fjárfesta í einu stykki sippubandi og byrja árið hoppandi og skoppandi eins og ég. Ég mæli allar æfingarnar mínar með Polar úrinu og ég sé hvað það spænast upp kalóríurnar þegar ég er að sippa!

Yfir í annað- hversu fallegt er bakið á nýja ljósgula bolnum mínum úr vorlínu Under Armour?  Við munum sjá mjög margt í þessum fallega ljósgula lit sem fer mjög mörgum vel í vor og í sumar. Það er líka margt í línunni að koma með þessu “lazer cut” mynstri- vá hvað ég er hrifin af því. Ég er í UA Run Fitted Tights og í klassískum svörtum og silfruðum skóm. Athugið að bolurinn kemur ekki í sölu alveg strax.

Photography by Thorsteinn Sigurbjornsson
Location: Sporthúsið

sundaymorning

Sunnudagsmorgnar- vaknaði í morgun og hafði ekki stillt neina vekjaraklukku. Það er orðið að hefð hjá mér að fá mér einhvern yndislegan og ferskan smoothie á sunnudögum. Í dag varð fyrir valinu bláberja (sem ég týndi sjálf í sumar!), jarðaberja og banana smoothie með smá próteini og skyri. Ég er komin beint undir sæng aftur og held ég haldi mig þar í dag.

thorunn_gym_rass

Smá sneak peek frá fyrsta partinum og mynda/æfingaþættinum í samstarfi við Under Armour sem Þorsteinn myndaði. Ótrúlega fallegur skær ferskjulitaður bolur við svartar þröngar æfingabuxur. Hlakka til að sýna ykkur rest svo fylgist með og ekki gleyma að taka þátt í Vila afmælisleiknum hér fyrir neðan.

Það var mjög vinsælt bloggið þegar ég sagði ykkur hvað ég væri að borða og fékk nokkrar fyrirspurninir um hversu mikið ég æfi svo ég ætla að hafa með núna vikulega hvernig ég raða æfingunum mínum niður. Stelpurnar í Betri Árangur sjá um þetta allt fyrir mig og ég elska hvað ég fæ fjölbreytt prógröm. Þá veit ég nákvæmlega hvað ég á að gera þegar ég mæti í ræktina.

Æfinga plan vikunnar 13-19/1/2014

  • Mánudagur: Hendur, stutt cardio & magi
  • Þriðjudagur: Brjóst, rass og sipp
  • Miðvikudagur: Bak, magi og sipp
  • Fimmtudagur: Fætur og 40 mínútna útiganga með Cosmo
  • Föstudagur: Axlir og magi
  • Laugardagur: Nammidagur og æfingar að eigin vali, gufa og kósý heit
  • Sunnudagur: Sef út og hvíli mig extra eftir átök vikunnar

Photography by Thorsteinn Sigurbjornsson
Birt með leyfi frá Betri Árangur

 


Looking for Something?