svefnherbergið

Ég ætlaði að vera fyrir löngu að sýna ykkur miklu meira frá íbúðinni okkar. En hmm..ég er ekki búin að vera alveg jafn dugleg að gera fínt og fallegt í kringum okkur eins og ég ætlaði mér. En við ætlum ekki að búa hér mjög lengi svo ég ætla ekki að eyða orku eða tíma í að gera þessa íbúð tipp topp.

View Post

coffeetablebooks

Þeir sem þekkja mig vita að ég hef safnað stórum “Coffee Table” bókum síðan að ég eiginlega man eftir mér. Finnst flottar bækur gera svo ótrúlega mikið fyrir heimilið. Fyrsta bókin mín var stóra fræga Tom Ford bókin sem ég plataði bróður minn til að gefa mér í 16 ára afmælisgjöf. Síðan þá hef ég ekki getað hætt og næli mér í 1-2 í hverri utanlandsferð. Hef ekki fengið margar að gjöf en það góða við að læra fatahönnun í flottum erlendum skóla er að allar flottustu bækurnar eru skólabækur í náminu.

coffeetablebooks3

Ég á endalaust af bókum og eru allar skápar fullir en ég kem þeim því miður ekki öllum fyrir hér heima þannig að hver og ein fái að njóta sín. Helmingurinn af safninu er enn heima hjá foreldrunum. Ég er með nokkrar bækur í stafla á sjónvarpsbekknum en það eru bækurnar  9 Heads og Face Fashion eftir gamla fashion illustrations kennarann minn Nancy Riegelman. Bækurnar eftir hana þykja mjög vinsælar sem mublur á flottum heimilum og spotta ég þær alltaf þegar ég skoða flott “tísku” heimili. Mínar eru reyndar mikið notaðar útaf náminu og er ég nýbúin að taka alla post-it miðana úr þeim. En það er líka svo gaman- ég á eina í viðbót eftir hana sem heitir Colors of Modern Fashion en hún greyið er inní skáp. Ég tek oft bækur úr kápunni (eða blaðinu sem er vafið utan um) því oft finnst mér þær klassískari og fallegri án hennar og því tók ég Influence eftir MK og A Olsen úr kápunni. Miklu flottari svona svört með gull stöfum. Fallega konan á myndinni er amma Anna heitin (amma kærastans míns). Mér finnst svo gott og hlýlegt að hafa hana hjá okkur þó svo að ég hafi aldrei hitt hana.

Næst langar mig í stóran stóran bókaskáp þar sem ég get hýst allar hinar bækurnar mínar. En þær eru flest allar tískubækur, listasögu, arkitektúr og myndlistarbækur. Framtíðar draumurinn er auðvitað að vera með sér lesstofu undir allar bækurnar með hillur alveg upp í loft..guð hvað ég hlakka til að raða í þær hillur. En ég verð örugglega um sextugt þegar sá draumur verður að veruleika.

Titlar sem ég á & mæli með:

Tom Ford
IT eftir Alexa Chung
STARCK eftir Simone Philippe
Edie: Girl on Fire eftir David Weisman
Myndlist í 30 þúsund ár ritstjóri Anielle Kvaran
9 Heads eftir Nancy Riegelman
Face Fashion eftir Nancy Riegelman
#Girlboss eftir Sophia Amoruso (mjög flott tekin úr kápunni)
The Art of Couture Showing by eftir Zoya Mudelman (fyrir þær sem sauma)
Fashion History from the 18th to the 20th Century frá Taschen
The Fashion Book frá Phaidon
Kate Moss eftir Mario Testino

& svo fullt fullt meira..skal bæta inná þennan lista þegar ég man fleiri titla

ps. ég mæli með því að fara vel með allar bækur en ekki drösla þeim á milli landa og borga eins og ég hef þurft að gera. Flest allar skólabækurnar mínar flutti ég með mér heim því þær voru bara of dýrmætar. Ég þurrka af þeim öllum reglulega! Það er alltaf hægt að finna flottar bækur hér heima á Íslandi en finnst mér þær mjög dýrar. Ég reyni að finna flottar bækur í Urban Outfitters og Barnes & Noble þegar ég fer til USA. Mæli líka með því að finna þær á góðu verði á Amazon.com en þar hef ég nælt mér í mjög margar dýrar ódýrt.

homesweethome

Var að koma heim í morgun. Vá hvað það var gott að knúsa kallinn sinn eftir tveggja vikna aðskilnað. Það er búið að vera hefð hjá okkur að fara í sitthvoru lagi til útlanda. Nú verður bundinn endi á það. Í gær var 5 klst bið eftir næsta flugi í Boston og hafði ég aldrei séð borgina. Við familían ákváðum því að skoða hana á bát og fá okkur ekta Boston humar í kvöldmat. Vá, mig langar að bóka flug strax til Boston með kæró. Next up, helgarferð í tilefni 25 ára afmælisins til Boston. Nú þarf ég að byrja að safna!

Ég er ótrúlega þreytt eftir allt ferðalagið og er að reyna að taka upp úr töskunum. Það var ekkert mál að koma nýju fötunum fyrir þar sem ég verslaði mjög lítið fatakyns en það á ekki alveg sama við um snyrtivörurnar. Það er allt á haus hérna og ég þarf að finna einhverja nýja leið til að geyma allt nýja dótið. En hér er mynd af nokkrum af þeim hlutum sem ég keypti mér úti. Uppáhalds kertið mitt í öllum heiminum sem heitir Silver Birch og fæst einungis í verslunum Henri Bendel sem eru sjaldséðar (líka uppáhalds kerti Blake Lively). Ég keypti tvenn kerti en ég á örugglega aldrei eftir að kveikja á þeim útaf því hreinlega bara tými því ekki. Nældi mér í IT bókina eftir Alexa Chung, nýtt naglalakk frá Essie sem heitir Lovie Dovie og flotta hringa úr Topshop. Pálmatrés boxið er utan af makrónum frá Bottega Louie sem við Birgitta borðuðum við sundlaugina einn daginn. Kassinn fannst mér svo ótrúlega fallegur að ég tók hann með mér heim og ætla að geyma eitthvað fallegt í honum.

Ég var beðin um um daginn að gera “guide” að flottustu Coffee Table bókunum þar sem ég er mikill bóka safnari. Stofuborðið mitt er stútfullt af flottum bókum sem eru meira mublur og skemmtiefni fyrir gesti þegar þeir koma heldur en eitthvað annað. Ég lofa að gera flottan lista yfir “must have” Coffee Table bækurnar í vikunni og sýna ykkur mínar í leiðinni.

 

lastnight

Dagurinn í gær var rosalega yndislegur og byrjuðum við Birgitta daginn á “hike-i” upp Runyon eins og þið lásuð kannski í gær. En um kvöldið fórum við allar dressaðar á hmm..kannski stað sem var ekki alveg svona fínn. En okkur langaði svo rosalega mikið að fara í nýju fötunum okkar að vera svolítið fínar. Ég hóaði mínum bestu LA vinkonum saman og borðuðum við og drukkum langt fram á kvöld. Æjj það er bara ekkert betra. Síðan sváfum við Birgitta á okkar ljúfa eyra til klukkan 9 í morgun og skottuðumst svo til Santa Monica.

Þó að ég segi sjálf frá er alveg smá fyndið að vera þrjár dökkhærðar í einni lítilli íbúð. En við erum allar komnar með okkar eigin Disney karakter sem passar vel við okkur. Stelpurnar eru svo miklu miklu tanaðari svo að auðvitað er ég Mjallhvít, Birgitta er Jasmín því hún er í ljósbláu og kemur ekki á óvart að Katie er Pocahontas.  Á morgun er seinasti dagurinn minn í LA, vá hvað ég er sorgmædd og held ég að ég eigi eftir að gráta eins og lítið smárbarn. Við Katie förum samferða út á flugvöll því hún er að fara heim til Indiana. Það verður svo erfitt að skilja Birgittu mína eftir og sé ég hana ekki fyrr en í haust. Sumarið verður alveg hálft án hennar með mér í ræktinni og út að labba með Cosmo. En nú ætlum við að fara að sofa því það er spinning í fyrramálið í gamla gymminu mínu og svo Egg´s Benedict í Brunch, namm!

Thorunn: Topshop Jumpsuit – Zara Heels
Birgitta: Zara Jumpsuit – Zara Blazer – Zara Heels
Katie: 90s Lullaby Jumpsuit – Zara Clutch

Save


Looking for Something?