AND THEN THERE WERE THREE…

Síðastliðin ár hef ég talað mikið opinberlega um baráttu mína við króníska verkjasjúkdóminn endómetriósu eða legslímuflakk á góðri íslensku. Þessi ár hafa reynst mér mjög erfið og sérstaklega þegar maður hefur barist við grimmilegan sjúkdóm frammi fyrir augum allra. Það hafa miklu fleiri en ég gæti nokkurn tíman haft tölu á fylgt mér að í þessu ferli. Sjúkdómurinn hefur heltekið líkama minn allt frá árinu 2012 þegar ég fór fyrst að finna fyrir miklum einkennum hans vegna. Ég hef fengið að vera þess aðnjótandi að deila minni reynslu og hjálpað hundruðum kvenna að komast í gegnum sömu þolraun og ég. Það er mér sannur heiður að aðstoða konur í sömu sporum en ég man það eins og það hafi verið í gær þegar ég stóð ein ráðalaus. Þegar litið var niður á mig vegna verkja og fékk að heyra að ég þyrfti bara að herða mig. Það var fyrst þegar ég lá á stofugólfinu heima og gat ekki hreyft legg né lið að ég uppgvötaði að þetta væri ekki eðlileg þjáning. Ég var heppin að lenda inn á borði hjá kvensjúkdómalækni sem að var fimm mínútur að greina einkenni mín og sendi mig áfram til læknis sem hefur verið stoð mín og stytta síðastliðin ár. Nú í dag eftir tvær inngripsmiklar aðgerðir á móðurlífinu, fósturmissum, sjúkrahúsferðum, lyfjum, verkjum, grátköstum og erfiðleikum get ég loksins sagt að við eigum von á fyrsta erfingjananum okkar. Þar sem að ég hef verið í sporum margra kvenna sem hafa átt erfitt með barneignir langar mig þess vegna ekki að segja ykkur góðu fréttirnar með bros á vör heldur streyma tárin niður kinnarnar á meðan ég skrifa þessa færslu.

Ég þekki það nefnilega af eigin raun að hafa séð óléttutilkynningar hrannast inn á samfélagsmiðla og hreinlega brostið í grát. Ekki vegna þess að ég er öfundsjúk eða samgleðjist ekki viðkomandi heldur vegna þess að ég var alltaf leið yfir því að þetta gerðist ekki hjá okkur. Oft hefur mín tilfinning verið sú að minn eigin líkami hafni mér og vilji ekkert gott fyrir mig gera. Í haust fékk ég greiningu um að hægri eggjastokkurinn minn væri veikburða eftir miklar þolraunir og væri þess vegna með lágan eggjaforða. Við það slokknaði á vonarneistanum sem logaði ennþá. Eftir nokkra mánuði kom svo loksins að það blasti við mér jákvætt ólétturpóf og hoppaði ég af kæti. Samt gat ég ekki annað en fengið örlítið samviskubit gagnvart öllum þeim sem hafa gengið í gegnum sömu erfiðleika og ég og gat ég ekki tilkynnt þetta á annan hátt en þennan. Sérstaklega þegar ég hef fyrir framan mig eins máttugan miðil og þennan. Með þessari einlægu færslu langaði mig líka segja ykkur hversu óendanlega hamingjusöm við erum þessa stundina og gætum ekki verið spenntari fyrir þessum nýju hlutverkum sem okkar bíða. Síðustu 13 vikur hafa þó ekki verið dans á rósum en það hafið ef til vill tekið eftir fjarveru minni á samfélagsmiðlum en ég er búin að glíma við dagleg uppköst, mikla ógleði og lágan blóðþrýsting. Allir mínir nánustu hafa umvafið mig ást og umhyggju síðustu vikur en ég hlakka til að loksins geta deilt með ykkur þessu stórkostlega ævintýri sem við stöndum frammi fyrir. Það er von á lítilli meyju 2. september 2018 (sem var minn setti dagur í heiminn árið 1989), en af stjörnumerkinu að dæma verður frumburðurinn afsakaplega líkur móðurinni.

Einnig langar mig að þakka lesendum mínum fyrir stuðninginn í gegnum árin og ég er afskaplega lánsöm að hafa fengið að deila þessu ævintýri með ykkur þrátt
fyrir að það hafi verið erfitt á köflum. Nú er ég komin aftur hér inn eftir einskonar feluleik síðustu mánuði og hlakka til að deila með ykkur minni reynslu.

 

Færslan er unnin í samstarfi við Apótek Restaurant.

WINE & DINE APÓTEK RESTAURANT

Mér var boðið að bjóða vinkonu hópnum í smáréttaseðil og kokteila á Apótekinu á dögunum og var ég ekki lengi að hóa saman stelpunum. Apótekið er einn af mínum uppáhalds veitingarstöðum í hjarta Reykjavíkur en ég elska að fá tækifæri á að smakka marga litla rétti og njóta með góðum kokteil. Nokkrir af smáréttunum á Apótekinu eru mínir uppáhalds en í gær fékk ég tækifæri á að smakka mun fleiri og meira að segja nokkra nýja rétti sem eru ekki komnir á matseðilinn. Það getur hver sem er gert vel við sig á Apótekinu en stemmingin í salnum er alltaf jafn skemmtileg og vel ég Apótekið fram yfir aðra staði þegar ég leitast eftir því að fagna afmælum eða einhverjum ákveðnum tilefnum. Við vinkonurnar höfðum nóg til að skála fyrir í gær enda margt að gerast hjá okkur öllum saman. Við smökkuðum vöfflubitana með andarconfit, hægeldaðari lambaöxl og grafinni bleikju síðan bleikju á saltblokk, klassísku önd og vöffluna, lambatartar og margt margt fleira. Komum öllum réttunum niður með bragðgóðum kokteilum og endurðum kvöldið á stóra eftirréttaplattanum sem er í uppáhaldi hjá mér en á honum leynast fjórir mismunandi eftirréttir ásamt ís og berjum til að deila. Ég mæli sérstaklega með þessari smárétta upplifun en það gerir stemminguna svo lifandi og skemmtilega. Allir að smakka og segja hvað þeim finnst en svona kvöld eru alltaf eftirminnileg í góðra vina hópi.

Færslan er unnin í samstarfi við Urð.

URÐ: STORMUR

Þið vitið mæta vel að ég er nautnaseggur þegar það kemur að jú, eiginlega öllu. Mér finnst ótrúlega gaman að punta heimilið, breyta og gleðja augað. Nýtti því tækifærið þegar ég tók myndir og færi ykkur smá innlit í leiðinni ásamt því að sýna ykkur uppáhalds kertið mitt frá íslenska merkinu Urð.Urð er íslenskt fyrirtæki sem hannar vörulínu með árstíðirnar fjórar í huga. Vörulínan samstendur af ilmkertum, sápum, heimilsilmi og sniðugum kertaskærum. Vörurnar eru framleiddar úr bestu mögulegu hráefnum og pakkað í fallegar umbúðir gera hvaða heimili sem er fallegra.  Við framleiðsluna er stuðst við gamlar framleiðsluaðgerðir og hver og einn ilmur vekur upp minningar tengdar árstíðunum. Þessa stundina leyfi ég kertinu Stormi að njóta sín en Stormur er táknrænn fyrir veðrið sem geysar þessa stundina. Stormur samanstendur af tóbakslaufi, hlýjum viðartónum, blómum og djúpum moskutónum. Ég er ótrúlega spennt fyrir komandi samstarfi mínu við URÐ og hlakka ég til að segja ykkur frá mínum uppáhalds vörum frá merkinu. Í augnablikinu á Stormur og fallegu kertaskærin hug minn allan en mig hafði lengi dreymt um að eignast slík. Ykkar kona brennir að meðaltali 4-8 kerti á dag en ég hef lengi átt erfitt með að réttlæta slík kaup. Hinsvegar eru kertaskærin hjá Urð á svo góðu verði að kertaunnendur eins og ég ættu að geta leyft sér eitt stykki. Þau eru bæði til svört og rósagyllt en eru einungis fáanleg í netverslun á urd.is hér. Aðrar vörur frá Urð eru fáanlegar t.d. í Maí, Epal Hlín Reykdal og Duty Free. Það jafnast ekkert á við að brenna kerti á köldu vetrarkvöldi og hvað þá þegar það heitir Stormur. Kertið fæst hér og kertaskærin hér.

Mér finnst æðislegt að eiga nokkur kerti til að eiga í tækifærisgjafir en með kóðanum THORUNNIVARS
færðu kertaskæri með í kaupbæti ef þú kaupir tvær eða fleiri vörur. Ef þú ákveður að nýta þér þetta tilboð
mundu eftir að skrifa í athugasemdir hvorn litinn af skærum þig langar í, svört eða rósagyllt.

 

 

MY BEAUTY RESOLUTIONS FOR 2018

Það hafa allir gott af því að strengja sér áramótaheit. Bara eitthvað til að gefa sjálfum sér smá spark í rassinn varðandi lífsstíl og heilsu. Í þessari færslu ætla ég að segja ykkur frá því hvernig ég hugsa um heilsu, húðina og líkama minn yfir árið og hvernig ég ætla að gera betur. Það er nefnilega alltaf hægt að gera betur. Þessi færsla getur verið einskonar markmið fyrir okkur öll til þess að hugsa betur um okkur. Það er nefnilega svolítið skrítið nefnilega en því betur sem ég hugsa um húð, hár og líkama því betur líður mér. Þó það hljómi jafnvel yfirborðskennt en þá líður mér alltaf best þegar ég er besta útgáfan af mér og ég held að mörgum líði eins. Markmiðin þurfa ekki að vera flókin og yfirleitt er lang best að taka lítil skref í átt að stærri markmiðum.

HÚÐDEKUR

Eins og þið vitið nýt ég þess að hugsa vel um húðina og vantar ekkert upp á hjá mér í þeirri deild en það er ekki allir á sömu blaðsíðu og ég í þeim efnum. Auðveldast er að byrja að setja sér minni markmið og getur jafnvel það fyrsta verið að lofa að þrífa af sér farða á hverju einasta kvöldi og taka eitt skref í einu. Bæta síðan andlitshreinsi og maska við einu sinni í viku. Ég hreinsa húðina mína bæði bæði kvölds og morgna og tileinka húðinni sunnudagskvöld (nú eða hvaða dag sem hentar þér). Mér finnst gott að byrja vikuna á því að líða vel í húðinni og dekra við hana yfir góðri bíómynd á sunnudagskvöldum. Slær tvær flugur í einu höggi og líður líka vel í sálinni og tryggjum extra hvíld fyrir komandi vinnuviku. Þessi kvöld eru tilvalin til að finna út úr því hvað hentar þinni húð best en allra best er að vita sirka hvernig húðgerð þú ert með. Ég mæli með vikulegri hreinsun ásamt góðum rakamaska eftir á sem nærir og lagfærir. Þú getur lesið allt um húðrútínuna mína hér.

VATN

Það allra besta sem þú getur gert fyrir líkama og sál er að drekka vatn. Ég er með eina fallega flösku eða brúsa sem ég nota einungis fyrir ískalt vatn. Það hjálpar mér alveg að flaskan sé flott og ferðast hún með mér hvert sem ég fer. Ég reyni að drekka um tvo brúsa aukalega við annað sem ég drekk yfir daginn. Þá tryggi ég það að ég sé að fá að minnsta kosti 1 L af hreinu íslensku vatni á dag og til víðbótar er það sem ég drekk í ræktinni, með mat og annað. Uppáhalds flaskan mín undir vatn er BKR brúsinn minn en hann er úr gleri og er því mun umhverfisvænni en aðrir brúsar. Þær eru úr 100% endurvinnanlegum efnum og án BPA og phtalate. Flaskan sjálf er úr gleri en hylkið úr sílikoni sem ver hana fyrir hnjaski. Fæst hér.

LÍKAMI & SÁL

Á þessu ári hef ég verið virkilega dugleg að sækja mér utanaðkomandi þjónustu eins og að fara í nudd, litun og plokkun og markmið ársins 2018 er að fara tvisvar á ári í fótsnyrtingu. Ég geng mikið á hælum vegna vinnunnar og tekur það toll á fótunum. Um leið og ég er búin að skrifa þessa færslu ætla ég að bóka minn fyrsta tíma í fótsnyrtingu. Ég hef verið dugleg að hugsa um fæturnar heima fyrir en finn að það þarf sérfræðing af og til. Þegar álagið er mikið finnst mér ekkert betra en að skella mér í heilnudd og tek ég yfirleitt heilan eða hálfan dag þar sem ég nýt mín í heilsulind. Dúlla mér við að fara í mismunandi gufur og potta. Það hafa allir gott af því að njóta og kúpla sig útúr hversdagslífinu. Þess á milli finnst mér ótrúlega gott að mæta í heitan yoga tíma einu sinni í viku. Eftir tímann er ég fullkomnlega endurnærð og tilbúin að tækla næstu verkefni.

Þessi markmið er nú ekkert stórvægileg og ættu allir að geta sett sér eins eða svipuð til að hugsa betur um líkama og sál.