ON MY WAY TO: COPENHAGEN

Næstu þremur dögum ætla ég að eyða í Kóngsins Köben. Ég er alltaf jafn spennt að fara til Kaupmannahafnar en ein besta vinkona mín stundar þar nám við Copenhagen Business School og því hef ég alltaf ástæðu til að pakka í tösku og skottast yfir til uppáhalds borgarinnar minnar. Það skemmtilega við Kaupmannahöfn er hvað allt er auðvelt og ligeglad. Maturinn er ómóstæðilegur (skiptir öllu), verslanirnar glæsilegar og fólkið enn betra. Ég leitast mikið eftir því að versla í nágrannalöndum okkar en tískan er lík henni sem við finnum hér heima og skemmtilegast finnst mér að versla skandinavíska hönnun. Núna ætla ég í örstutta ferð til Köben en ég fór síðast í ágúst í fyrra og naut mín í botn. Nú er löngu orðið tímabært að skella sér í aðra stelpuferð. Það er fátt betra en að rölta um borgina með sinni bestu sem er líka þinn uppáhalds verslunarfélagi. Við höfum nú þegar pantað okkur borð á miðvikudagskvöldið á Madklubben í Vesterbro en ég er nú þegar byrjuð að reyna að ákveða hvað ég ætla að panta mér. Á fimmtudeginum ætlum við að njóta á Sushi N Sticks hjá Tivolíinu og er ég ansi spennt að fá mér nokkrar velvaldar rúllur. Óskalistinn er orðinn ansi langur en uppáhalds verslunin mín & Other Stories er staðsett á Strikinu og hef ég haft auga með nokkrum virkilega fallegum vorflíkum. Ég ætla að eyða dágóðum tíma í verslunni en það marg borgar sig að máta allt og vanda valið vel. Á óskalistanum eru síðan tveir Lyngby vasar sem verða að koma heim með mér úr þessari ferð.

Uppáhalds veitingastaðirnir mínir í Kaupmannahöfn eru þessir:

WULLF & KONSTALI Í AMAGER
SUSHI n STICKS
MOTHER Í KODBYEN
PAPIROREN (Matarmarkaður)
PS BAR & GRILL

Endilega fylgist með ferðinni á Snapchat: thorunnivars

Save

Save

Save

Save

Save

copenhagen

POSTCARD FROM COPENHAGEN

Það var komið akkurat ár síðan að undirrituð skellti sér í kærkomið frí. Í þetta skiptið var ferðinni heitið til Kaupmannahafnar. Ein mín besta fluttist til Kaupmannahafnar á dögunum og bauð flugskráin mín upp á marga frídaga í röð svo ég ákvað að skella mér. Ferðin var yndisleg í alla staði en þið hafið vonandi skemmt ykkur með því að fylgjast með henni á Snapchat. Við nutum okkar til hins ýtrasta en við vinkonur erum þekktar fyrir að vera miklir nautnaseggar. Við borðuðum góðan mat, skoðuðum borgina, skelltum okkur í dagsferð til Malmö og eyddum miklum tíma í hinum ýmsu verslunum. Við dúlluðum okkur við að setja saman húsgögn og innrétta herbergið hennar Birgittu sem er orðið ótrúlega fallegt og fannst mér eiginlega bara erfitt að kveðja það. Þó hef ég sjaldan verið jafn spennt að komast heim og knúsa minn heitt elskaða. Ég verslaði alveg heilan helling en ég eyddi líklegast mest í & Other Stories en ég vel alltaf gæði fram yfir magn og er ótrúlega sátt með það sem ég valdi mér. Ofdekruð keypti líka nokkrar afmælisgjafir (handa sjálfri sér) frá hinum ýmsu ættingjum og hlakka til að sýna ykkur til dæmis nýja fallega HAY púðann minn frá foreldrunum. Það var sannur heiður að vera fyrsti gesturinn hjá píunum í Amager og ég hlakka til að koma aftur í heimsókn. Hrikalega gott að fara til Köben og endurhlaða batterýin en nú fer bæði skóli og vinna á fullt aftur eftir yndislegt frí. Ef að þú ert með einhverjar spurningar endilega sendu þær á mig í athugasemdum hér fyrir neðan en ég veit að margir voru að velta því fyrir sér hvar við keyptum það sem við notuðum til að innrétta herbergið hennar Birgittu.

ÉG MÆLI MEÐ ÞESSUM VEITINGASTÖÐUM Í KÖBEN:

WULLF & KONSTALI BRUNCH Í AMAGER
SUSHI & STICKS Í AMAGER
MOTHER Í KODBYEN
HARVEYS KAFFEEBAR Í KODBYEN
PAPIROREN
PS BAR & GRILL

Takk fyrir mig Birgitta, Unnur og Magnea! Ég kem fljótt aftur

Save

Save

Save

Save

Save