Þetta ár hefur verið ansi viðburðaríkt og er það löngu orðið að hefð að þakka fyrir sig með veglegum gjafaleik. Ég er ótrúlega lánsöm með minn feril sem bloggari og áhrifavaldur og trúi ég því varla að það séu komin 6 ár frá opnun síðunnar minnar. Þetta væri í raun ekki allt hægt án ykkar og samstarfaðila síðunnar minnar. Það er í raun einstakt að litla ég á Íslandi fái að starfa við það sem ég elska og fæ að vera þess aðnjótandi að deila með ykkur hugmyndum og upplýsingum um allt á milli himins á jarðar. Ég verð alltaf svolítið meyr þegar þegar síðan mín verður árinu eldri en hún er orðin svo stór hluti af mínu lífi og þegar hún hrundi um daginn í viku fann ég hvað ég nýt þess að deila með ykkur hugsunum mínum. Þetta er eitthvað sem ég mun gera um ókomin ár eða þangað til að ég finn ekki löngun til þess lengur. Mig langar að þakka ykkur kærlega fyrir samfylgdina í gegnum árin en ég veit að sumum líður eins og þeir eigi hlut í mér eftir að hafa fylgst með mér í gegnum árin. Við göngum í gegnum súrt og sætt saman og þá sérstaklega á Snapchat aðgangi mínum. Það er mér ómetanlegt hvað ég á mikið af yndislegu fóki í kringum mig og langar mig bara að segja eitt stórt TAKK! Til að þakka fyrir mig ætla ég að leyfa ykkur að njóta með mér en ég fæ að njóta þess allt árið um kring  að prófa allt það nýjasta í heimi snyrtivara, tísku og heimilsvara og nú er komið að ykkur. Í ár fá lesendur mínir að njóta um jólin með öllum þeim vörum sem ég hef fjallað mikið um á árinu en ég valdi allar vörurnar sjálf en þær eiga það sameiginlegt að hafa notið mikilla vinsælda á árinu sem er að líða. Ég dreg út fjóra vinningshafa á aðfangadag kl 12:00. En nóg um blaður og vindum okkur í leikreglurnar:

Til að vinna þarftu að:

1. Skilja eftir fallega athugasemd undir færsluna á Facebook

2. Deila færslunni með vinum á Facebook

Vörumerkin og verslanirnar sem lögðu mér lið í ár eru: Dimm.is, Snúran, Reykjavik Design, Fotia, Yves Saint Laurent, Maria Nila,
Loccitane, Angan, Glamglow, Kaupfélagið, Clinique, Essie, Real Techniques, Vila, Vero Moda og Selected

PAKKI 1

 

1. Nordstjerna vasi úr Snúrunni hér 2. All Hours línan frá Yves Saint Laurent 3. Head & Hair Heal frá Maria Nila hér 4. Beautyblender pakki frá Fotia hér

Í fyrsta pakkanum leynist guðdómlegi Nordstjerne vasinn sem fæst í Snúrunni en vasinn prýðir hvaða heimili sem er og elska ég að geyma í honum fallegar eucalyptus greinar. Einnig er nóg af yndislegum snyrtivörum í fyrsta pakkanum eins og öll All Hours línan frá Yves Saint Laurent sem hefur farið sigurför um heiminn, Head & Hair Heal línan frá sænska merkinu Maria Nila sem bjargar hárinu frá þurrki og hárlosi ásamt öllum þeim vörum sem þarf til þess að fullkomna förðunina frá Beautyblender.

PAKKI 2

1. Tribus motta frá Lina Johanson hér 2. Angan Baðsalt og líkamsskrúbbur hér 2. Glamglow Supermud maski & Youthcleanse hreinsir hér 3. Vagabond skór að eigin vali úr Kaupfélaginu hér

Í öðrum pakkanum leynast fallegar vörur sem hver sem er ætti að geta notið. Vinningshafinn fær að velja skó að eigin vali frá sænska skóframleiðandanum Vagabond en mesta úrvalið er að finna í verslunum Kaupfélagsins í Smáralind og Kringlunni. Vinningshafinn fær einnig að njóta um jólin með uppáhalds hreinsimaskanum mínum ásamt þeim nýjasta úr smiðju Glamglow. Vinningshafinn legst síðan í dásamlegt heitt dekur bað með vörunum frá Angan. Síðast en ekki síst leynist í pakkanum falleg vínylmotta frá Lina Johanson frá Dimm.is sem auðvelt er að þrífa, gott að ganga á og ekki skemmir það fyrir hvað hún er falleg.

PAKKI 3

 

1. Wings Teppi frá Lina Johanson hér 2. Clinique Take the Day off andlitshreinsi línan 4. Uppáhalds naglalökkin mín frá Essie 5. Pico3 Vínrekki frá Reykjavik Design hér

Í þriðja pakkanum leynast guðdómlegar vörur fyrir heimilið. Fallega Wings teppið frá Linu Johanson en hver sem er ætti að geta notið þess yfir jólamynd núna í desembermánuði. Pico3 vínrekkinn frá Reykjavík Design er flottur á hvaða skenk sem er og leyfir fallegum vínflöskum að njóta sín. Í pakkanum leynast einnig öll uppáhalds naglaökkin mín frá Essie á árinu ásamt Gel Setter yfirlakkinu sem gerir það að verkum að lakkið helst fínt dögum saman. Einnig er að finna í pakkanum alla Take the Day Off andlitshreinsilínuna frá Clinique sem er að mínu mati sú besta í bransanum.

PAKKI 4

 

1. 20.000 kr gjafabréf í verslanir Bestseller 2. Gjafakassi frá First Aid Beauty hér 3. Möndlusápa og Lavender koddasprey frá Loccitane 4. Eucalyptus veggmynd hér

Í fjórða pakkanum leynist 20.000 kr gjafabréf í verslanir Bestseller en vinningshafinn fer ekki í jólaköttinn í ár og getur keypt sér falleg jólaföt í Vila, Selected eða Vero Moda. Húðin þarf að vera fín líka svo í pakkanum er líka stór gjafakassi með vinsælustu vörunum frá First Aid Beauty ásamt möndlusápu og lavender koddaspreyinu frá Loccitane. Síðast en ekki síðast leynist fallegt veggplagat  með eucalyptus greinum frá Dimm.is.

#THORUNNIVARSMADEMEDOIT

 

 

JÓLAGJAFALISTINN MINN

Ár hvert set ég saman nokkra jólagjafalista en mér skilst á lesendum að þeim finnist þægilegt að styðjast við þá þegar þeir eru í vandræðum með að finna hina fullkomnu jólagjöf. Síðan skilst mér á fólkinu mínu að það sé ekki auðvelt að kaupa gjafir handa mér en samt sem áður langar mig alltaf í eitthvað. Það eru tvær flíkur á óskalistanum í ár en mig dreymir um nýja og þykka úlpu og þessi frá 66 Norður er ein sú allra flottasta. Mig langar reyndar í hana í kolsvörtu en finnst hún alls ekki síðri svona. Síðan er það kjóllinn sem mig dreymir um að nota sem jólakjól en það er þessi gullfallegi kjóll frá Ganni sem ég vona mjög heitt að skili sér í verslanir Geysis fyrir jólin. Síðan eru það praktísku hlutirnir en ég nota iPadinn minn óspart og er löngu tímabært fyrir mig að endurnýja hann og grunar mig að hinn helmingurinn færi mér nýjan þessi jól. iPadinn ferðast með mér yfir höfin blá oft í mánuði og finnst mér ómissandi að geta horft á Netflix þegar ég er stödd á hótelum erlendis.

Það er líka alls ekkert fráleitt að færa mér fallegt kerti eða Stoff stjaka í safnið. Byrjaði nýverið að safna þeim og hlakka til að eiga nokkra til þess að raða skemmtilega saman og skapa mitt eigið skúlptúr. Stoff stjakarnir eru virkilega klassískir og flottir en ég valdi mér að safna þeim í messing. Síðan er ég alltaf glöð þegar ég fæ fallegar snyrtivörur en verð að mæla með þessari fallegu augnskuggapallettu frá merkinu Becca en hvaða áhugamanneskja um förðun myndi hoppa hæð sína fyrir þessa.

Vonandi gefur þessi listi einhverjum góðar hugmyndir af jólagjöfum en ég mun setja inn nokkra svona lista fram að jólum!

Gylltur krans fæst hér – Stoff kertastjaki fæst hér – iPad fæst hér – Lyngby jólakúlur fást erlendis – 66 Norður Tindur úlpa fæst hér
Becca augnskuggapalletta fæst í Lyf & Heilsu Kringlunni – Voluspa kerti fæst í Maia – Ganni kjóll (vonandi í Geysi)

 

Vörurnar sem ég fjalla um í þessari færslu fékk ég að gjöf.

MY CHRISTMAS TREE

Jólatréð er komið upp en ég byrjaði snemma í ár vegna anna. Ég verð mikið frá í desember og vildi vera laus við allt stress fyrir jólin og vildi frekar njóta skreytinganna lengur. Ég tók að mér skemmtilegt verkefni fyrir jólin í samstarfi við Garðheima en það hljóðaði þannig að ég myndi skreyta heimilið fyrir jólin með vörum frá versluninni. Ég mátti velja hvað sem ég vildi en ég ákvað að velja mér þetta fallega tré sem heitir Pencil Pine en það hentar sérstaklega vel í litlar íbúðir þar sem ekki er mikið pláss fyrir jólatré. Tréð er hátt og grannt eða um 155 cm. Ég verð að vera með gervi vegna ofnæmis en mér finnst tréð einstaklega fallegt. Ég valdi fallega knippisljós eða cluster lights á tréð með svartri snúru. Ljósin koma einstaklega vel út á trénu en mín sería er með um 1100 ljósum og mæli ég með því að velja þá lengd á þessa stærð af tré. Ég rétt náði að vefja hana um allt tréð. Ég notaði síðan allskonar skraut sem ég átti í bland við nýtt. Skrautið er ýmist frá Georg Jensen, Dimm og Lyngby. Velúr jólatrésstandurinn er frá íslenskri verslun sem heitir Vigt og varð ég að eignast hann fyrir tréð. Ótrúlega fínlegur og gerir tréð enn ríkulegra. Standinn er hægt að nota ýmist með gervi og alvöru jólatré. Núna á ég ekkert eftir en að finna fallegan topp á tréð en ég hef auga á einum frá Georg Jensen.

Jólatré Pencil Pine 155cm úr Garðheimum – Cluster Lights Led sería 1152 í Warm White úr Garðheimum – Jólatrésstandur frá Vigt fæst hér
Fjaðraskraut frá Dimm.is hér –  Jólatrés skraut fæst hér og Honeycomb hér

Vasann keypti ég mér sjálf en silkiblómin fékk ég að gjöf

HOME DETAILS

Gat nú ekki annað en myndað fallega vasann minn þegar vetrarsólin skein hérna fallega inn um gluggana og það glampaði á hann. Það er langt síðan ég gerði svona færslu um eitthvað nýtt á heimilinu en mig var búið að dreyma um svona fallegan kúluvasa mjög lengi. Ég ákvað að láta loksins verða að því þegar ég sá þennan vasa frá Eightmood auglýstan á 4.990 kr hjá Modern. Mig var búið að langa að skipta um hluti á sófaborðinu svolítið lengi og breytir vasinn alveg útlitinu á stofunni. Ég fékk að velja mér falleg silkiblóm í vasann í versluninni en þau voru til bæði fölbleik og svört en ég valdi mér þessi svörtu aðeins til að brjóta upp litapallettuna. Finnst þetta koma ekkert smá fallega út og er ekki frá því að einhverjar vinkonur fái svona vasa í jólagjöf þar sem hann er bæði fallegur og á góðu verði. Ég hlakka til að nota vasann til að breyta til og setja mismunandi lituð blóm í hann. Í augnablikinu er aðeins of mikið af grænum lifandi blómum í stofunni svo það er skemmtilegt að hafa eitthvað annað í vasanum.

Vasinn frá Eightmood fæst hér // Silkiblómin frá Eightmood fást í verslun Modern (Ég er með 3 stk)

 


Looking for Something?