Stjörnumerktar vörur fékk ég að gjöf.

WORK IN PROGRESS

Í síðustu færslu talaði ég mikið um hvað ég ætlaði að gera við sólstofuna en ég ákvað að innrétta hana eftir að hafa búið hér í smá tíma. Til að finna útúr því hvernig rýmið yrði helst notað og komst að þeirr niðurstöðu að þetta yrði gestastofa eða ákveðið afdrep fyrir mig. Þetta væri akkurat rýmið sem ég gæti notið þess að horfa út, drekka kaffi og skrifa þó nokkrar bloggfærslur. Nú er margt búið að gerast bara síðan í síðustu viku en við ákváðum að mála enda vegginn í rýminu með litnum mínum Kyrrð sem að ég hannaði í samstarfi við Slippfélagið. Hann er tóni dekkri en sá sem ég er með í alrýminu en í grunninn sami liturinn. Það sem ég elska við litinn er hvað hann er fallegur við allar mublurnar mínar og hvað bæði svartur og hvítur litur poppar í návist hans. Um leið og við fluttum inn settum við upp fjaðraljósið frá Vita en ég var alltaf með ákveðna hugmynd um þetta rými og sá fyrir mér að það væri róandi afdrep fyrir bæði okkur og gesti. Ljósið hékk þarna einsamalt í um það bil mánuð en núna kannski sjáiði hvað ég var að hugsa þegar málning, gardínur og einhver húsgögn eru komin inn. Þetta rými er þó enn í vinnslu þar sem það vantar skenk og lítinn sófa í rýmið en þangað til fær bleiki bekkurinn minn frá Bolia að njóta sín. Gardínurnar setja ótrúlega mikinn svip á rýmið en þetta eru off white voal gardínur úr Z brautum með new wave rykkingu (rúmlega 100% rykking). Nú horfa gangandi vegfarendur ekki beint inn til mín en ég get enn séð út og auðveldlega dregið fyrir og frá eftir hentisemi. Ég mun segja ykkur frá gardínunum í mun ýtarlegri færslu en þessari en eftir langa bið get ég loksins sagt að ég er í skýjunum með þær en ég pantaði eins á alla íbúðina. Ég gat ekki ákveðið hvað ég vildi gera með enda vegginn en ég vissi að ég vildi að hann væri soldið poppaður og hafði íhugað allskonar útfærslur af myndavegg, myndahillum en endaði svo á að velja þennan fallega spegil með dökku speglagleri úr Módern. Sé ekki eftir því vali en hann stækkar rýmið og gerir það einstaklega hlýlegt.

Gardínur New Wave Voal úr Z brautum & Gluggatjöldum (Ég er með off white) // Speglaborð í tveimur stærðum Módern hér*
Spegill (ég er með 90cm) úr Módern hér* // Bolia Posea bekkur hér // Vita Eos fjaðraljós úr Casa hér (ég er með miðstærð) // Motta úr Ikea hér

HOME WISHLIST

Ef að peningar væru engin fyrirstaða þá myndi ég kaupa mér allar þessar mublur á einu bretti en ég leyfi mér bara að dreyma. Ég er ótrúlega skotin í sófunum frá Bolia sem fást í Snúrunni en þeir eru bæði ótrúlega smart, smá öðruvísi og vandaðir. Mig dreymir um bæði Hannah sófann í dökku velúr og síðan Gaia sófanum í sólstofuna sem ég er að reyna leggja lokahönd á að skipuleggja. Það er smá byrjunar erfiðleikar þegar maður flytur í mun stærra og á einfaldlega ekki mublur til að hafa í hinum og þessum rýmum. Mig dreymir um fallegan tveggja sæta sófa, góðan skenk sem bæði getur hýst allskonar dót sem fylgir heimilinu og sem að ég get raðað fallegum skrautmunum á. Fyrir ofan skenkinn langar mig svo í stóran hringlaga spegil og þessi frá Circum kemur vel til greina. Í rýminu verða svo off white voal gardínur til að gera rýmið virkilega kósý en ég veit að þar verða þambaðir ófáir kaffibollarnir með vinkonum í sumar. Það verður yndislegt að geta opnað beint út á pall og jafnvel unnið eina til tvær bloggfærslur á sófanum.

Stóra sófann dreymir mig um í stofuna en það er kominn tími á okkar og færi dökkur velúr sófi eins og þessi sem ég hannaði sjálf inn á Bolia síðunni svo vel við “decorið” í stofunni. Ég er búin að vera að vinna með ákveðna litapallettu sem þið sjáið vel í þessari færslu en hún einkennist af fallegum mjúkum jarðlitum ásamt svörtum grófum mublum sem gefa heimilinu ákveðna dýpt. Ég myndi ekki slá höndinni á móti þessari fallegu mottu í bæði svefnherbergið og sólstofuna en ég held að hún gerir bæði rýmin ótrúlega falleg. Næstu vikurnar mun ég dúlla mér við að gera sólstofuna tilbúna fyrir sumarið en ég ætla að byrja á því að mála hana í sama lit og stofuna ásamt því að panta gardínur en ég var óviss með hvort ég vildi vera með eins og á öllum öðrum gluggum heimilsins. Ákvað síðan að mér fyndist fallegast að hafa allt í stíl. Þannig verður sólstofan einskonar framlenging af stofunni. Vá hvað ég hlakka til að græja þetta allt en ég er svo kolfallinn fyrir minni sófanum að ég er nokkuð viss um að fjárfesta í honum við næsta tækifæri. Svo má ekki gleyma að segja ykkur frá þessum fallegu borðstofustólum sem ég rakst á í Línunni en ég held að þeir séu fullkomnir við eldhúsborðið…ahh hvernig hættir maður bara að gera fínt í kringum sig. Ykkar kona er að minnsta kosti óstöðvandi.

  1. Lex Borðstofustóll hér 2. Malva motta hér 3. Circum spegill hér
    4. Hannah sófi hér 5. Duke coffee table hér 6. Besta skenkur hér 7. Gaia sófi fæst í Snúrunni

CLOSE UP: FAVORITE SPOT

Í færslu dagsins fáiði að sjá uppáhalds staðinn minn í íbúðinni frá öðru sjónarhorni en síðast. Kaffihornið er minn griðarstaður en dagurinn byrjar ekki fyrr en ég er búin að fá mér einn heitan bolla. Svo dagurinn minn byrjar við eldhúsborðið alla morgna en það mun líklegast breytast þegar ég er búin að innrétta sólstofuna og þegar fer að hlýna. Ég ákvað að hafa aðra String hilluna mína innan seilingar en eldhúsið er minna en það sem við vorum með áður og þess vegna fá skrautmunir og annað að njóta sín sem mikið er notað í eldhúsinu þarna. Fallegar skálar, Royal Copenhagen dúlleríð mitt ásamt Stoff stjakanum og Eames fuglinum. Þó að borðplássið í eldhúsinu sé lítið þá er einna mikilvægast að kaffihornið sé á sínum stað. Á borðinu geymi ég mest notuðu kaffihylkin í fallegum krúsum og kaffi sýrópin fá að njóta sín. Ofan í efstu skúffu geymi ég síðan umfram kaffilagerinn en það er gaman að leyfa gestum og gangandi að velja sér sinn uppáhalds bolla. Nú þegar eldhúsið er svona fyrir allra augum og enginn staður til að fela neitt þá varð ég að eignast fallegan eldhúsrúllustand en þessi veglegi flotti marmara standur frá Madam Stoltz gerir eldhúsrúlluna trilljón sinnum fallegri, haha (fæst hér). Við fengum kaffivélina að gjöf frá tengdaforeldrum mínum fyrir um það bil tveimur árum og sé ég ekki eftir að hafa valið vél með mjólkurflóara því hann er í daglegri notkun.

Nespresso Citiz & Milk kaffivél fæst hérRoyal Copenhagen fæst hjá Kúnígúnd  – Marmara eldhúsrúllustandur fæst hér

FIRST LOOK: NEW APARTMENT

Eins og flestir tóku eftir festum við nýlega kaup á íbúð í Urriðaholti í Garðabæ á dögunum. Síðan þá hef ég dundað mér við að innrétta hana og gera hana heimilslega. Eins og þið vitið líka vel elska ég að dúlla mér að gera heimilið fallegt en mér finnst sérstaklega gaman að blanad saman gömlu og nýju. Það voru nokkur húsgögn sem okkur vantaði eftir flutningana og önnur sem einfaldlega pössuðu ekki lengur. Þessi færsla verður smá upptalning á hlutum sem þið sjáið á myndinni en þið hafið veitt þessu gífurlega athygli svo ég vil að allt mikilvægt komi fram í þessari færslu. Það verður nokkrar svona færslur á næstunni en nú færi ég mig líklegast yfir í næsta rými og fullkomna það. Ég bíð einnig spennt að sýna ykkur gardínurnar sem ég sérpantaði í stofu og svefnherbergi.

Ég ákvað að kaupa nýtt borðstofuborð í Línunni en ég er hæstánægð með borðið en hafði dreymt lengi um svart hring borð sem rýmir fleiri við sérstök tækifæri. Miklu skemmtilegra að bjóða í mat núna. Alrýmið málaði ég síðan í samstarfi við Slippfélagið en þennan fallega lit blandaði ég og bjó til. Liturinn ber nafnið Keimur og er ég yfir mig ástfangin af honum og hefur hann komið mér svo skemmtilega á óvart. Hann tónar svo skemmtilega við alla fallegu hlutina mína og er ég virkilega spennt að sjá ykkur mála með honum líka. Hann gefur einstaka hlýju en er á sama tíma nútímalegur og hentar bæði í ný húsnæði og gömul. Ég vildi ekki fara í alveg gráan og því blandaði ég ögn af brúnu en einnig má finna örlítinn grænan tón í litnum. Litinn Keim fáið þið í Slippfélaginu. Síðast en ekki síst er það vá-factorinn í rýminu en það er fallega ljósakrónan frá danska merkinu Herstal en hana fékk ég í innflutningsgjöf frá versluninni Rafkaup en ég hef mikið fjallað um annan ljósabúnað í íbúðinni á hinum miðlunum mínum og vildu þau færa mér ljósið í þakklætisskyni. Ég valdi mér þessa stórkostlegu krónu sem fær fólk svo sannarlega til að tala. Til að tengja saman bæði stofu/eldhús/borðstofu sem er allt í einu rými festi ég síðan kaup á þessum fallega glerskáp frá Ikea en hingað til hef ég nú ekki verið mjög hrifin af svörtum húsgögnum en var fljót að finna að mig vantaði rými fyrir öll spariglösin og passar hann einstaklega vel við borðið. Á veggnum nær eldhúsinu hangir síðan ein String hilla á veggnum sem ég raðaði í uppáhalds skrautmununum mínum sem eru notaðir hvað mest og eru langt frá litlum puttum þegar þeir fara á stjá.

Málning Keimur frá Slippfélaginu* // Borðstofuborð Yumi hringborð úr Línunni hér // Malsjö skápur frá Ikea hér
Vasi á borði frá Módern hér // Ljósakróna Manola frá Herstal hér*// String hilla úr Epal hér // Vasi ofan á skáp Nordstjerne hér

 


Looking for Something?