Færslan er unnin í samstarfi við Pennann Húsgögn

ÓSKALISTINN MINN ÚR PENNINN HÚSGÖGN

Í samstarfi við Pennann Húsgögn langaði mig að deila með ykkur mínum óskalista fyrir jólin. Ég verð að viðurkenna að lífið með lítinn unga er aðeins flóknara og erfiðara en áður og hef ég keypt allar jólagjafirnar á netinu í ár. Ég gerði mér þó ferð á konukvöld Pennans á dögunum og fann þar fullt af hlutum sem prýða minn óskalista í ár. Efst á listanum eru Beetle stólarnir frá Gubi en mig er búið að langa í þá síðan ég sá þá í borðstofunni hjá norska bloggaranum Eirin Kristiansen. Mig dreymir um þá í einhverjum fallegum lit með gylltum fótum við hringlaga eldhúsborðið okkar. Þar sem við erum ekki með neitt sér andyrri erum við oft í vandræðum þegar gesti ber á garði og enginn staður er til að hengja af sér yfirhafnir og væri ég í skýjunum með flotta snagann frá Vitra í jólagjöf. Hann er nefnilega smart bæði fullur af fötum og einnig tómur. Í fyrra fékk ég að gjöf Eames House Bird í svörtu en í ár er hann framleiddur í takmörkuðu upplagi úr hnotu og er hann ótrúlega fallegur og hentar vel inn á heimili sem að eru ekki bara svart hvít. Einnig eru þeir vinirnir ótrúlega fallegir saman og mæli ég með honum í jólapakkann handa einhverjum sem á allt. Mjög ofarlega á mínum lista er síðan nýja bókin Flóra Íslands en blómakonan sem ég er þráir að geta flett upp í henni endrum og eins. Úrvalið í Pennanum Húsgögn í Skeifunni er gífurlegt og það er eiginlega bara erfitt að velja nokkra hluti en mér finnst ótrúlega smart að nota Vitra verkfærakassana á þennan hátt eins og á myndinni undir penna, reglustikur, límband og ýmislegt fleira sem gott er að hafa við hendina.

1. Vitra Hang it All fatahengi hér 2. Eames Elephant hér 3. Vitra Rotary Tray hér
4. Gubi beetle stóll hér 5. Eames House Bird í hnotu (fæst í verslun) 6. Vitra Toolbox hér 7. Flóra Íslands hér

Færslan er unnin í samstarfi við Snúruna

REFLECTIONS COPENHAGEN HEIMSÓKN Í SNÚRUNNI

Reflections er merki sem ég hef haft auga á mjög lengi og hefur lengi dreymt um að eignast hlut frá. Vörurnar frá Reflections hafa verið til sölu í verslun Snúrunnar í nokkur ár og veit ég til þess að fólk kaupir og/eða setur vörurnar frá Reflections á sinn óskalista ár eftir ár.  Vörurnar frá Reflections eru hver annarri fegurri og það er mjög erfitt að velja sér uppáhalds hlut. Kertastjakar, vasar, kökudiskar, speglar og fleira sem eru svo ólík öllu öðru sem er fáanlegt á annarstaðar. Julie Hugau og Andrea Larrson eru konurnar á bakvið merkið en Julie ætlar að heiðra okkur með komu sinni til landsins í verslun Snúrunnar á miðvikudaginn á milli klukkan 16-18. Þær stöllur kunna svo sannarlega að leika sér með ljós og birtu og það er svo fallegt hvernig ljósið endurkastast af vörunum. Merkið sérhæfir sig í handgerðum skrautspeglum og kristalsmunum fyrir heimilið. Pheonix kertastjakinn hefur verið á óskalistanum ansi lengi en mér finnst litirnir í honum passa lang best við mitt heimili. Stjakinn er handgerður úr 100% kristal og er hannaður með það að leiðarljósi að sameina viðkvæmi efni og hefðbundin form til að mynda hagnýtan og fallegan hlut. Djúpur, fallegur og algjört augnkonfekt. Stjakinn er lífstíðareign og er ég ekki frá því að ég sé orðin spennt fyrir því að eignast næsta hlut strax. Í vetur ætla ég að njóta þess að kveikja á kerti í stjakanum á hverju einasta kvöldi. Hlekk á viðburðinn á Facebook má finna hér.

Julie Hugau hönnuður Reflections tekur á móti þér í verslun Snúrunnar miðvikudaginn  á milli klukkan16-18 og verður 20% afsláttur af öllum vörum frá merkinu á meðan.

 

MONDAY MORNING APARTMENT DETAILS

Bara örfáar myndir til að gleðja ykkur í morgunsárið sem ég hef tekið undan farnar vikur af heimilinu. Eins og þið vitið þá elska ég að gera og græja hérna heima og smátt og smátt verð ég ánægðari með rýmið. Er í raun í skýjunum með það en það má alltaf á sig blómum bæta, bókstaflega þar sem það eru blóm í öllum vösum. Það er bara svo gaman að gera fallegt í kringum sig bæði með gömlu og nýju. Elska hvernig mæðradagsplattarnir frá Bing & Gröndahl setja svip á heimilið og passa fullkomnlega við Royal Copenhagen stellið sem að bætist alltaf í. Á dögunum uppgvötaði ég síðan að heimilið var ekki alveg tilbúið í veturinn og alvöru kósýheit og fjárfesti því í Eclipse lampanum sem fæst í Haf Store. Það er ekkert notalegra en að koma sér vel fyrir með rjúkandi heitan kaffibolla og góða bók í hægindastólnum í sólstofunni og þess vegna var lampi kærkominn í rýmið. Hef líka ansi góða afsökun fyrir því þessa dagana fyrir því að kaupa mér eitthvað fallegt.

Færslan er unnin í samstarfi við Kara Rugs / Mottuna fékk ég að gjöf.

NEW IN: TURKISH RUG

Mig hefur lengi lengi dreymt um að eignast fallega mottu inn á heimilið. Hinn helmingurinn er í þrjóskari kantinum og þurfti ég að mýkja hann ansi vel fyrir þessa heimilsbreytingu. Þetta var ákveðin málamiðlun en drengurinn fékk að  kaupa sér nýtt sjónvarp á meðan ég fæ að njóta nýja stofustássins. Hann viðurkennir reyndar núna að hann er alveg jafn hrifinn af henni og ég með eindæmum mjúk og falleg. Hún eiginlega setur punktinn yfir i-ið og það er smá eins og hún hafi alltaf verið hérna. Hún er ótrúlega mild og tónar fullkomnlega við parketið. Áður en hún kom inn á heimilið fannst mér allir fölbleiku hlutirnir mínir vera svolítið útúr kú en einhvern vegin tónar allt saman núna. Bolia bekkurinn minn hefur aldrei notið sín jafn vel sem önnur húsgögn. Ég rakst á hjón sem flytja inn mottur og kíkti ég til þeirra í heimsókn í síðustu viku og skoðaði úrvalið. Ég varð bara að eignast eina og varð þessi fallega fölbleika, ljósa og gráa fyrir valinu. Þau hjálpuðu mér að velja réttu stærðina í stofuna en mín motta er 160×235 cm. Annað kvöld verður opið hús hjá Kara Rugs í Fróðaþingi 15, Kópavogi kl 20:30 og verða til sölu fallegar mottur í öllum stærðum og gerðum, bæði handunnar og framleiddar í vél eins og mín. Mottur eins og mín eru á ótrúlega góðu verði og kosta 49.000 kr en það eru til alveg eins í stærð 200×290 cm og kosta þær 59.000 kr. Einnig eru til fallegir renningar sem kosta á milli 20-35.000. Mæli eindregið með að skella sér á mottukvöld á morgun ef að þið hafið áhuga og kíkið á @kararugs á Instagram til að skoða úrvalið.


Looking for Something?