Í efstu hillu: Hylur staflleikfang úr við, Staflturn í eyðimerkulitum í neðstu hillu: Draumaregnboginn fyrir miðju

VALHNETA.IS

Hvað hefur drifið á daga mína? Vá, viðurkenni að það er ótrúlega gott að setjast fyrir framan tölvuna og skrifa niður hugleiðingar og deila með ykkur. Það er búið að vera ansi mikið að gera eins og þið hafið kannski tekið eftir. Unginn minn er byrjaður á leikskóla sem þýðir að mamman hefur mun meiri tíma í vinnu og svo stofnaði ég líka fyrirtæki með henni Gyðu minni í orlofinu. Okkur var búið að dreyma um að opna fyrirtæki. Gera eitthvað sjálfar og svo bara gerðist það. Við létum verða að þessu og langar mig að kynna ykkur persónulega fyrir Valhnetu. Barninu sem við Gyða höfum sameiginlegt forræði yfir. Valhneta er umhverfisvæn, lítil og krúttleg netverslun sem selur handgerðar, hágæða og gullfallegar barnavörur frá merkinu Raduga Grez. Ég er búin að fela þessi leikföng fyrir ykkur lengi og við Erika höfum leikið okkur með þau síðan í vor. Ég er ekki frá því að mér finnist jafn gaman að leika með þau og henni. Jafn falleg og þau eru skemmtileg. Ég er alltaf að reyna að hafa lítið en gott úrval af leikföngum hér heima. Helst úr umhverfisvænum efnivið eins og vörurnar sem við ákváðum að byrja að selja. Mér fannst vanta á markaðinn vörur sem mömmunum finnst jafn fallegum og börnunum. Leikföng sem skapa ákveðinn ævintýraheim og passa vel með öllu hinu dótinu sem krakkarnir eiga. Við tókum inn 7 vörur til að byrja með en eigum von á 6 til viðbótar í kringum næstu mánaðarmót. Draumurinn er að stækka netverslunina hægt og rólega og taka inn fleiri merki í sama dúr. Sem uppfylla öll okkar skilyrði. Í uppáhaldi hjá mér eru töfrakubbarnir, staflturninn, grænmetissettið og draumaregnboginn. Á myndinni hérna fyrir ofan er vörunum stillt fallega upp í hillu í horninu hennar Eriku en þau eru yfirleitt í dótakörfunni fram í stofu og hillan frekar tómleg. Þessi leikföng eru alltaf í notkun. Endilega kíkið á fallegu síðuna okkar valhneta.is ef þið hafið áhuga. Að mínu mati er draumaregnboginn fullkomin sængur-, babyshower eða skírnargjöf fyrir lítil kríli (fæst hér).




BEDROOM SETUP

Ég lofaði síðast að ég myndi ekki hverfa í svona langan tíma aftur. Staðreyndin er sú að ég er bara svolítið upptekin í móðurhlutverkinu. Mig langaði nú samt sem áður að deila með ykkur þeim breytingum sem við gerðum í síðustu viku. Það var búið að liggja þungt á mér að breyta svefnherbergisaðstöðunni. Svo hún yrði betri fyrir okkur öll og að allir fjölskyldumeðlimir færu að sofa betur. Erika var búin að sofa á milli okkar nánast frá fæðingu og öllum öryggisatriðum var fylgt og gekk það mjög vel. Nema ég svaf ekkert rosalega vel en hún gat sofið heila nótt án þess að vakna á milli okkar. Við höfðum ekki fjárfest í rúmi áður en hún fæddist og vorum með annað í láni. Mér fannst orðið tímabært að kaupa rúm handa henni sem hún myndi venjast og ákváðum við að kaupa Sebra rúmið vegna þess að það vex með henni. Þær mæður sem ég talaði við og höfðu reynslu af rúminu hafa notað það til sirka 8 ára og sluppu við að kaupa 2-3 rúm á tímabilinu. Kostnaðurinn hefði endað í því sama þó að start kostnaðurinn væri mikill. Rúmið er náttúrulega ekki bara fallegt en eins og þið sjáið get ég haft hana alveg upp við mig sem auðveldar brjóstagjöfina til muna og núna sérstaklega á meðan hún er að venjast að sofa svona sér að ég geti teygt mig í hana og strokið aftur í svefn. Rúmið er ótrúlega breitt og dýnan ótrúlega mjúk og þægileg. Þetta er mjög þægilegt svona og hreinlega sé ég eftir að hafa ekki haft þetta svona frá byrjun en ég ætla klárlega að hafa þetta svona frá degi 1 með næsta barn. Ég mæli með að kynna sér vel hvernig hægt er að gera co-sleeping öruggt en ég kynnti mér efnið vel á meðgöngu.

Sebra rúmið fæst í Petit hér

Færslan er unnin í samstarfi við Iittala og Garðheima

LAGT Á HÁTÍÐARBORÐ

Frá því að ég var lítil hef ég alltaf haft gaman af því að dekka upp jólaborð eða áramótaborð. Það var hefð hjá okkur mömmu að skreyta það saman og var mismunandi þema á hverju ári. Það þarf ekki að endurnýja allt en litlar snjókorn á borðið úr pappa, klippa niður eucalyptus og að leggja fallegan löber á borðið getur breytt öllu. Ég á nú ekki stórt borðstofuborð en hér er nú samt oft fólk í mat eða kaffi hjá mér. Ég elska að bjóða heim þó það sé nú bara í kaffi í hádeginu. Í samstarfi við Iittala dekkaði ég upp mitt drauma jóla eða áramótaborð sem ég kýs að kalla hátíðarborð. Mér finnst ótrúlega gaman að blanda saman mismunandi línum en hér má finna þrjár línur frá Iittala sem eru hver annarri ólíkari. Taika stellið var hannað af Klaus Haapaniemis og segir það ævintýralega sögu með mynstri sínu. Stellið er áberandi en á sama tíma tímalaust en Taika þýðir töfrar á finnsku og er stellið töfrum líkast. Við stellið paraði ég síðan miklu úr Ultima Thule línunni sem er innblásin af bráðnuðum klaka í Lapplandi, en bjórglösin eru fullkomin fyrir jólaölið og karaflan sömuleiðis. Festivo stjakarnir sem hafa verið framleiddir síðan 1967 passa síðan ekkert smá vel með Ultima Thule og fannst mér passa best við borðið að setja kolsvört kerti í stíl við borðið og stellið. Ef um áramótaborð væri að ræða er fullkomið að nota tímalausu og hlutlausu Essence kampavínsglösin en þessi glös á ég næstum í öllum gerðum fyrir mismunandi vín tegundir og finnst þau alltaf jafn falleg.

Á borðið lagði ég kremlitaðan velúr renning úr Garðheimum og var hann til í mörgum mismunandi litum. Snjókornin eru í raun hangandi jólaskraut en ég klippti hankana af til að leggja þau svona skemmtilega á borðið í tveimur mismunandi litum. Ég klippti síðan niður greinar af gervi eucalyptus greinum sem ég skreytti einnig jólapakkana með og stakk með hnífapörunum í þessar fallegu servíettur frá Reykjavik Letterpress. Nú er ekkert annað að gera en að byrja að elda en ég á von á góðum vinkonum í mat í kvöld. Taika fatið er fullkomið undir Portobello Wellington sem verður á boðstólnum í kvöld og skálin undir sætu kartöflurnar.

O, CHRISTMAS TREE

Þeir sem fylgjast vel með mér á Instagram vita að ég er löngu löngu byrjuð að skreyta. Tréð fór upp á dögunum en það er ótrúlega gaman og líka krefjandi að skreyta á nýjum stað. Jólatréð á heima í sólstofunni í ár en það nýtur sín allra best þar. Þetta er sama tré, sería og fótur síðan í fyrra en nokkrar kúlur og toppurinn er nýr. Ég þarf að sýna ykkur við tækifæri allt jólaskrautið heima en ég geri það þegar allt er tilbúið. Ég á enn eftir að föndra velúr krans og ýmislegt fleira. Seríur eru þó komnar upp, smá skraut hér og þar og Georg Jensen jólaóróarnir hanga í gluggunum. Á trénu eru síðan fallegir fugar, bæðir gylltir og velúr. Fallegar velúr kúlur sem ég fjárfesti í í ár úr Snúrunni og fullt af fallegu Georg Jensen skrauti sem ég fékk að gjöf frá ömmu. Ég er að safna fallegu postulíns kúlunum frá Lyngby og splæsti ég í tvær gylltar sem fást í takmörkuðu upplagi í ár. Fyrir á ég tvær hvítar og eina fölbleika. Þær eru bara alltaf jafn fallegar. Sé fyrir mér að eftir 10-15 ár sé tréð mitt stútfullt af þeim. Fyrir áhugasama þá er tréð úr Garðheimum og heitir Pencil Pine, ég er með svarta cluster 1100 ljósa jólaseríu og fæst jólatrésstandurinn hjá íslenska fyrirtækinu Vigt. Toppurinn er frá Nordstjerne og fæst í Dimm.


Looking for Something?