HOME INSPIRATION: GRAYSCALE

Það er ansi mikið sem þarf að íhuga við flutninga og eitt af því að er að velja fallega liti á veggina. Ég heillast hvað mest af fallegum gráum tónum en ætla að velja allt aðra tóna í nýju íbúðina heldur en ég gerði í þeirri gömlu. Hef ákveðið að mála allav veggi í bæði alrými (stofu/eldhúsi) og svefnherbergi. En nú vandast valið þar sem ég í smá erfiðleikum með að finna hinn fullkomna gráa tón. Gólfefni og skápar eru úr ljósum við og hurðar og eldhúsinnrétting hvít. Þess vegna langar mig að velja milli gráan tón á alrýmið sem gefur því aðeins meiri dýpt en ekki of þungan svo að mér finnist hann leiðigjarn eða drungalegur. Í svefnherbergið ætla ég síðan að velja sama lit en í 1-2 tón dekkri. Þá finnst mér heimilið samsvara sér vel og ekki of miklar sviptingar á milli rýma. Hef svo hugsað mér að flísaleggja á milli skápa í eldhúsi og inn á baði og hlakka til að leyfa að ykkur að fylgjast með ferlinu. Ég mun setja myndir inn að sjálfsögðu en ef allt fer að óskum flytjum við um næstu mánaðarmót. Í samstarfi við Slippfélagið ætla ég síðan að taka ykkur með til að finna hinn fulkomna lit á Snapchat aðgangi mínum @thorunnivars og sýna ykkur að sjálfsögðu frá ferlinu ásamt myndum af loka útkomunni. Ég er virkilega ánægð með málninguna sem ég valdi síðast (sjáið hér) og ætla því að velja sömu gerð en þjónustan í Slippfélaginu bregst mér heldur aldrei. Mæli með heimsókn í verslunina ef ykkur vantar litaráðgjöf eða prufur. Myndirnar eru fengnar af Pinterest, fylgið mér hér. Ég pinna daglega 😉

Færslan er unnin í samstarfi við Urð.

URÐ: STORMUR

Þið vitið mæta vel að ég er nautnaseggur þegar það kemur að jú, eiginlega öllu. Mér finnst ótrúlega gaman að punta heimilið, breyta og gleðja augað. Nýtti því tækifærið þegar ég tók myndir og færi ykkur smá innlit í leiðinni ásamt því að sýna ykkur uppáhalds kertið mitt frá íslenska merkinu Urð.Urð er íslenskt fyrirtæki sem hannar vörulínu með árstíðirnar fjórar í huga. Vörulínan samstendur af ilmkertum, sápum, heimilsilmi og sniðugum kertaskærum. Vörurnar eru framleiddar úr bestu mögulegu hráefnum og pakkað í fallegar umbúðir gera hvaða heimili sem er fallegra.  Við framleiðsluna er stuðst við gamlar framleiðsluaðgerðir og hver og einn ilmur vekur upp minningar tengdar árstíðunum. Þessa stundina leyfi ég kertinu Stormi að njóta sín en Stormur er táknrænn fyrir veðrið sem geysar þessa stundina. Stormur samanstendur af tóbakslaufi, hlýjum viðartónum, blómum og djúpum moskutónum. Ég er ótrúlega spennt fyrir komandi samstarfi mínu við URÐ og hlakka ég til að segja ykkur frá mínum uppáhalds vörum frá merkinu. Í augnablikinu á Stormur og fallegu kertaskærin hug minn allan en mig hafði lengi dreymt um að eignast slík. Ykkar kona brennir að meðaltali 4-8 kerti á dag en ég hef lengi átt erfitt með að réttlæta slík kaup. Hinsvegar eru kertaskærin hjá Urð á svo góðu verði að kertaunnendur eins og ég ættu að geta leyft sér eitt stykki. Þau eru bæði til svört og rósagyllt en eru einungis fáanleg í netverslun á urd.is hér. Aðrar vörur frá Urð eru fáanlegar t.d. í Maí, Epal Hlín Reykdal og Duty Free. Það jafnast ekkert á við að brenna kerti á köldu vetrarkvöldi og hvað þá þegar það heitir Stormur. Kertið fæst hér og kertaskærin hér.

Mér finnst æðislegt að eiga nokkur kerti til að eiga í tækifærisgjafir en með kóðanum THORUNNIVARS
færðu kertaskæri með í kaupbæti ef þú kaupir tvær eða fleiri vörur. Ef þú ákveður að nýta þér þetta tilboð
mundu eftir að skrifa í athugasemdir hvorn litinn af skærum þig langar í, svört eða rósagyllt.

 

 

 

Þetta ár hefur verið ansi viðburðaríkt og er það löngu orðið að hefð að þakka fyrir sig með veglegum gjafaleik. Ég er ótrúlega lánsöm með minn feril sem bloggari og áhrifavaldur og trúi ég því varla að það séu komin 6 ár frá opnun síðunnar minnar. Þetta væri í raun ekki allt hægt án ykkar og samstarfaðila síðunnar minnar. Það er í raun einstakt að litla ég á Íslandi fái að starfa við það sem ég elska og fæ að vera þess aðnjótandi að deila með ykkur hugmyndum og upplýsingum um allt á milli himins á jarðar. Ég verð alltaf svolítið meyr þegar þegar síðan mín verður árinu eldri en hún er orðin svo stór hluti af mínu lífi og þegar hún hrundi um daginn í viku fann ég hvað ég nýt þess að deila með ykkur hugsunum mínum. Þetta er eitthvað sem ég mun gera um ókomin ár eða þangað til að ég finn ekki löngun til þess lengur. Mig langar að þakka ykkur kærlega fyrir samfylgdina í gegnum árin en ég veit að sumum líður eins og þeir eigi hlut í mér eftir að hafa fylgst með mér í gegnum árin. Við göngum í gegnum súrt og sætt saman og þá sérstaklega á Snapchat aðgangi mínum. Það er mér ómetanlegt hvað ég á mikið af yndislegu fóki í kringum mig og langar mig bara að segja eitt stórt TAKK! Til að þakka fyrir mig ætla ég að leyfa ykkur að njóta með mér en ég fæ að njóta þess allt árið um kring  að prófa allt það nýjasta í heimi snyrtivara, tísku og heimilsvara og nú er komið að ykkur. Í ár fá lesendur mínir að njóta um jólin með öllum þeim vörum sem ég hef fjallað mikið um á árinu en ég valdi allar vörurnar sjálf en þær eiga það sameiginlegt að hafa notið mikilla vinsælda á árinu sem er að líða. Ég dreg út fjóra vinningshafa á aðfangadag kl 12:00. En nóg um blaður og vindum okkur í leikreglurnar:

Til að vinna þarftu að:

1. Skilja eftir fallega athugasemd undir færsluna á Facebook

2. Deila færslunni með vinum á Facebook

Vörumerkin og verslanirnar sem lögðu mér lið í ár eru: Dimm.is, Snúran, Reykjavik Design, Fotia, Yves Saint Laurent, Maria Nila,
Loccitane, Angan, Glamglow, Kaupfélagið, Clinique, Essie, Real Techniques, Vila, Vero Moda og Selected

PAKKI 1

 

1. Nordstjerna vasi úr Snúrunni hér 2. All Hours línan frá Yves Saint Laurent 3. Head & Hair Heal frá Maria Nila hér 4. Beautyblender pakki frá Fotia hér

Í fyrsta pakkanum leynist guðdómlegi Nordstjerne vasinn sem fæst í Snúrunni en vasinn prýðir hvaða heimili sem er og elska ég að geyma í honum fallegar eucalyptus greinar. Einnig er nóg af yndislegum snyrtivörum í fyrsta pakkanum eins og öll All Hours línan frá Yves Saint Laurent sem hefur farið sigurför um heiminn, Head & Hair Heal línan frá sænska merkinu Maria Nila sem bjargar hárinu frá þurrki og hárlosi ásamt öllum þeim vörum sem þarf til þess að fullkomna förðunina frá Beautyblender.

PAKKI 2

1. Tribus motta frá Lina Johanson hér 2. Angan Baðsalt og líkamsskrúbbur hér 2. Glamglow Supermud maski & Youthcleanse hreinsir hér 3. Vagabond skór að eigin vali úr Kaupfélaginu hér

Í öðrum pakkanum leynast fallegar vörur sem hver sem er ætti að geta notið. Vinningshafinn fær að velja skó að eigin vali frá sænska skóframleiðandanum Vagabond en mesta úrvalið er að finna í verslunum Kaupfélagsins í Smáralind og Kringlunni. Vinningshafinn fær einnig að njóta um jólin með uppáhalds hreinsimaskanum mínum ásamt þeim nýjasta úr smiðju Glamglow. Vinningshafinn legst síðan í dásamlegt heitt dekur bað með vörunum frá Angan. Síðast en ekki síst leynist í pakkanum falleg vínylmotta frá Lina Johanson frá Dimm.is sem auðvelt er að þrífa, gott að ganga á og ekki skemmir það fyrir hvað hún er falleg.

PAKKI 3

 

1. Wings Teppi frá Lina Johanson hér 2. Clinique Take the Day off andlitshreinsi línan 4. Uppáhalds naglalökkin mín frá Essie 5. Pico3 Vínrekki frá Reykjavik Design hér

Í þriðja pakkanum leynast guðdómlegar vörur fyrir heimilið. Fallega Wings teppið frá Linu Johanson en hver sem er ætti að geta notið þess yfir jólamynd núna í desembermánuði. Pico3 vínrekkinn frá Reykjavík Design er flottur á hvaða skenk sem er og leyfir fallegum vínflöskum að njóta sín. Í pakkanum leynast einnig öll uppáhalds naglaökkin mín frá Essie á árinu ásamt Gel Setter yfirlakkinu sem gerir það að verkum að lakkið helst fínt dögum saman. Einnig er að finna í pakkanum alla Take the Day Off andlitshreinsilínuna frá Clinique sem er að mínu mati sú besta í bransanum.

PAKKI 4

 

1. 20.000 kr gjafabréf í verslanir Bestseller 2. Gjafakassi frá First Aid Beauty hér 3. Möndlusápa og Lavender koddasprey frá Loccitane 4. Eucalyptus veggmynd hér

Í fjórða pakkanum leynist 20.000 kr gjafabréf í verslanir Bestseller en vinningshafinn fer ekki í jólaköttinn í ár og getur keypt sér falleg jólaföt í Vila, Selected eða Vero Moda. Húðin þarf að vera fín líka svo í pakkanum er líka stór gjafakassi með vinsælustu vörunum frá First Aid Beauty ásamt möndlusápu og lavender koddaspreyinu frá Loccitane. Síðast en ekki síðast leynist fallegt veggplagat  með eucalyptus greinum frá Dimm.is.

#THORUNNIVARSMADEMEDOIT

 

 

JÓLAGJAFALISTINN MINN

Ár hvert set ég saman nokkra jólagjafalista en mér skilst á lesendum að þeim finnist þægilegt að styðjast við þá þegar þeir eru í vandræðum með að finna hina fullkomnu jólagjöf. Síðan skilst mér á fólkinu mínu að það sé ekki auðvelt að kaupa gjafir handa mér en samt sem áður langar mig alltaf í eitthvað. Það eru tvær flíkur á óskalistanum í ár en mig dreymir um nýja og þykka úlpu og þessi frá 66 Norður er ein sú allra flottasta. Mig langar reyndar í hana í kolsvörtu en finnst hún alls ekki síðri svona. Síðan er það kjóllinn sem mig dreymir um að nota sem jólakjól en það er þessi gullfallegi kjóll frá Ganni sem ég vona mjög heitt að skili sér í verslanir Geysis fyrir jólin. Síðan eru það praktísku hlutirnir en ég nota iPadinn minn óspart og er löngu tímabært fyrir mig að endurnýja hann og grunar mig að hinn helmingurinn færi mér nýjan þessi jól. iPadinn ferðast með mér yfir höfin blá oft í mánuði og finnst mér ómissandi að geta horft á Netflix þegar ég er stödd á hótelum erlendis.

Það er líka alls ekkert fráleitt að færa mér fallegt kerti eða Stoff stjaka í safnið. Byrjaði nýverið að safna þeim og hlakka til að eiga nokkra til þess að raða skemmtilega saman og skapa mitt eigið skúlptúr. Stoff stjakarnir eru virkilega klassískir og flottir en ég valdi mér að safna þeim í messing. Síðan er ég alltaf glöð þegar ég fæ fallegar snyrtivörur en verð að mæla með þessari fallegu augnskuggapallettu frá merkinu Becca en hvaða áhugamanneskja um förðun myndi hoppa hæð sína fyrir þessa.

Vonandi gefur þessi listi einhverjum góðar hugmyndir af jólagjöfum en ég mun setja inn nokkra svona lista fram að jólum!

Gylltur krans fæst hér – Stoff kertastjaki fæst hér – iPad fæst hér – Lyngby jólakúlur fást erlendis – 66 Norður Tindur úlpa fæst hér
Becca augnskuggapalletta fæst í Lyf & Heilsu Kringlunni – Voluspa kerti fæst í Maia – Ganni kjóll (vonandi í Geysi)