MONDAY MORNING APARTMENT DETAILS

Bara örfáar myndir til að gleðja ykkur í morgunsárið sem ég hef tekið undan farnar vikur af heimilinu. Eins og þið vitið þá elska ég að gera og græja hérna heima og smátt og smátt verð ég ánægðari með rýmið. Er í raun í skýjunum með það en það má alltaf á sig blómum bæta, bókstaflega þar sem það eru blóm í öllum vösum. Það er bara svo gaman að gera fallegt í kringum sig bæði með gömlu og nýju. Elska hvernig mæðradagsplattarnir frá Bing & Gröndahl setja svip á heimilið og passa fullkomnlega við Royal Copenhagen stellið sem að bætist alltaf í. Á dögunum uppgvötaði ég síðan að heimilið var ekki alveg tilbúið í veturinn og alvöru kósýheit og fjárfesti því í Eclipse lampanum sem fæst í Haf Store. Það er ekkert notalegra en að koma sér vel fyrir með rjúkandi heitan kaffibolla og góða bók í hægindastólnum í sólstofunni og þess vegna var lampi kærkominn í rýmið. Hef líka ansi góða afsökun fyrir því þessa dagana fyrir því að kaupa mér eitthvað fallegt.

Færslan er unnin í samstarfi við Kara Rugs / Mottuna fékk ég að gjöf.

NEW IN: TURKISH RUG

Mig hefur lengi lengi dreymt um að eignast fallega mottu inn á heimilið. Hinn helmingurinn er í þrjóskari kantinum og þurfti ég að mýkja hann ansi vel fyrir þessa heimilsbreytingu. Þetta var ákveðin málamiðlun en drengurinn fékk að  kaupa sér nýtt sjónvarp á meðan ég fæ að njóta nýja stofustássins. Hann viðurkennir reyndar núna að hann er alveg jafn hrifinn af henni og ég með eindæmum mjúk og falleg. Hún eiginlega setur punktinn yfir i-ið og það er smá eins og hún hafi alltaf verið hérna. Hún er ótrúlega mild og tónar fullkomnlega við parketið. Áður en hún kom inn á heimilið fannst mér allir fölbleiku hlutirnir mínir vera svolítið útúr kú en einhvern vegin tónar allt saman núna. Bolia bekkurinn minn hefur aldrei notið sín jafn vel sem önnur húsgögn. Ég rakst á hjón sem flytja inn mottur og kíkti ég til þeirra í heimsókn í síðustu viku og skoðaði úrvalið. Ég varð bara að eignast eina og varð þessi fallega fölbleika, ljósa og gráa fyrir valinu. Þau hjálpuðu mér að velja réttu stærðina í stofuna en mín motta er 160×235 cm. Annað kvöld verður opið hús hjá Kara Rugs í Fróðaþingi 15, Kópavogi kl 20:30 og verða til sölu fallegar mottur í öllum stærðum og gerðum, bæði handunnar og framleiddar í vél eins og mín. Mottur eins og mín eru á ótrúlega góðu verði og kosta 49.000 kr en það eru til alveg eins í stærð 200×290 cm og kosta þær 59.000 kr. Einnig eru til fallegir renningar sem kosta á milli 20-35.000. Mæli eindregið með að skella sér á mottukvöld á morgun ef að þið hafið áhuga og kíkið á @kararugs á Instagram til að skoða úrvalið.

Hlutir í hillu: Babys First Book fæst í Petit, Tréleikföng frá Von Verslun, My first bunny úr Petit hér, Doc Martens skór, Design Letters bollar, Jellycat kanínuinniskór, Leikhringla úr Petit hér, Bisgaard skór

Mynd til vinstri: Hilla String Pocket úr Epal hér, Design Letters bollar, Bisgaard skór, Leikhringla úr Petit hér, Muuto Snagar úr Epal hér,
Ferm Living Herðatré úr Epal og Peysa frá Konges Slojd fæst í Petit hér

Mynd til hægri: Hvítur stjörnupúði úr Petit hér, Grár stjörnupúði frá Dimm hér, Könges Slojd Hringla, Babynest úr Petit hér og
Vasi á rimlarúm frá Konges Slojd úr Petit hér

Blöðrur úr Snúrunni fást hér

Mynd til vinstri: Grá karfa úr Zara Home, Bleikur stjörnupúði úr Petit hér, Garbo & Friends leikteppi (upprúllað) fæst í Dimm hér, Dúkkurúm úr Snúrunni

Mynd til hægri: Svanaórói frá Cam Cam Copenhagen fæst í Bíum Bíum, Garbo & Friends teppi hér og Vasi á rimlarúm frá Könges Slojd fæst í Petit hér

BABY ROOM

Ég hef nú ekki setið auðum höndum núna á lokametrunum en það styttist óðum í litla erfingjann. Ég er búin að hafa nægan tíma í sumar til að dúlla mér við hornið hennar og núna allt í einu er allt komið heim og saman. Stóðst því ekki mátið og ákvað að mynda hornið hennar fyrir ykkur en rúmið er opið vegna þess að það verður í raun ekki þarna nema á daginn en það verður upp við mitt rúm. Mig langaði ekki að gera fölbleikt prinsessu herbergi þó að vissulega sé nokkrir mjög sætir og dúllulegir munir sem prýða hornið hennar. Þá langaði mig að blanda fleiri litum og þar sem mér finnst grænn svo ótrúlega fallegur á móti bleikum varð hann fyrir valinu. Rúmið fengum við að láni en þetta er klassíska Stokke Sleepi rúmið sem ég er búin að dunda mér við að gera upp síðustu vikurnar. Ég fékk nokkra fallega aukahluti fyrir rúmið að gjöf í barnasturtunni um daginn en vinkonur mínar gáfu mér bæði himnasængina og stöngina sem er sérstaklega hönnuð fyrir rúmið til að hengja himnasængina á.  Rúmið fæst í Fífunni. Ég lét síðan útbúa fyrir mig nýja dýnu og þá fór allt að smella og loksins var einhvern vegin kominn tími til að fara að gera allt og græja. Þetta er örugglega eitt það skemmtilegasta sem ég hef dundað mér við lengi en það er svo gaman að sjá allt koma heim og saman að lokum. Búið að vera allt í kössum og pakkningum þangað til nú en mamman hefur örugglega mun meira gaman af þessu en sú stutta en það er bara partur af þessu öllu. Annars staðar er ég síðan með litla sæta skiptiaðstöðu og fataskápinn hennar en þetta er aðeins dreift um alla íbúð þar sem hún er ekki með sérherbergi. Grái liturinn á veggnum heitir Kyrrð en þar sem við deilum svefnherbergi var ég ekki að skipta um lit en myndi líklegast velja meira afgerandi lit ef hún væri með sérherbergi.

NURSERY INSPIRATION

Það sem ég get dundað mér við að skoða fallegar myndir á Pinterest flokkast örugglega sem sérstakur hæfileiki. Áhugamálið mitt þessa dagana eru ævintýraleg og falleg barnaherbergi. Hreiðurgerðin hefur hlaupið með mig út í gönur og get ég ekki beðið eftir að fá að hengja upp og setja saman það sem ég er búin að dúlla mér við að skipuleggja og plana í sumar. Litla skottan verður ekki með eigin herbergi en ég er heppin að herbergið okkar er um 20 fermetrar og því nóg pláss til að gera fallegt horn fyrir hana. Praktískt getur að mínu mati verið fallegt og verður allt þægilegt og innan handar í þessu litla horni. Herbergið er málað í litnum Kyrrð sem ég hannaði í samstarfi við Slippfélagið og er miðju liturinn á litapallettu spjaldinu hérna fyrir neðan.Við hann langar mig síðan að para mikið af dökkgrænu og bleiku. Ég vildi alls ekki hafa allt bleikt og á litla daman nú þegar fullt af fallegum ævintýralegum hlutum í hornið sitt í fallegum jarðlitum og þá aðallega þessum fallega græna lit. Náttúruleg efni eins og lífræn bómul og hör verða í hávegum höfð ásamt fallegum tré leikföngum.

Mér finnst barnaherbergið þurfa að tóna svolítið við restina af heimilinu svona sérstaklega á meðan ég fæ ennþá að ráða þessu. Ég ætla svo sannarlega að fá að njóta mín áður en sú stutta tekur sjálf ákvarðanir varðandi þessa hluti. Húsgögnin í herberginu er öll hvít og því skemmtilegt að leika sér með mismunandi tóna og liti. Þau merki sem ég hef aðalega skoðað varðandi þessi mál eiga það sameiginlegt að vera flest öll skandinavísk en það eru t.d. Konges Slojd, Garbo & Friends, NuNuNu, Cam Cam Copenhagen og Numero 74.  Það verður líklegast aldrei svona fínt í þessu horni eins og á þessum myndum en ég mun að sjálfsögðu deila með ykkur loka útkomunni þegar allt er samsett og uppraðað en það styttist heldur betur í dömuna.