Færslan er unnin í samstarfi við Botanicals Fresh Care og vörurnar fékk ég að gjöf.

CURRENTLY OBSESSED: BOTANICALS FRESH CARE

Síðastliðnar vikur hef ég verið að prófa í algjöru leyni nýjar og fáránlega flottar hárvörur frá nýju merki sem ber nafnið Botanicals Fresh Care. Merkið er allt sem ég vil að það sé en vörurnar eru allar án óæskilegra parabena, sílikona, litar og ilmefna. Uppáhalds línan mín er líklegast Coriander en merkið framleiðir fjórar mismunandi línur fyrir mismunandi hárgerðir. Ég er svolítið ein af þeim sem getur notað þær allar því hárið á mér ekki í neinu ójafnvægi en ég elska að nota styrkingar sjampó einstaka sinnum til að dekra extra mikið við það. Línurnar eru fyrir viðkvæmt, þurrt, litað og úfið hár og hef ég fengið smjörþefinn af þeim öllum. Coriander styrkir viðkvæmt hár en plantan er þekkt fyrir styrkjandi eiginleika sína svo hárið fær fallegri áferð og þreytt og illa farið með hár fær aukið líf. Línan samastendur af fjórum vörum: sjampó, hárnæringu, hármaska og serumi. Serumið er uppáhalds varan mín en ég elska að bera það í endana og finn ég ilminn af því allan liðlangan daginn. Hvað er betra en vandaðar og frábærar hárvörur á viðráðanlegu verði sem ilma dásamlega..mm!!

Vörurnar fást í verslunum Hagkaupa, Lyfju, Lyf & Heilsu, Apótekinu, Apótekaranum og á Heimkaup.is

Save

Save

Save

Save

Save

Save

Save

Processed with VSCO with f2 preset

Færslan er unnin í samstarfi við Moroccanoil og vörurnar fékk ég að gjöf.

UPPÁHALDS MOROCCANOIL MÓTUNARVÖRURNAR MÍNAR

Það fer ekkert á milli mála í skápunum heima hjá mér hvaða hárvörumerki er í uppáhaldi. Við getum orðað það svo að það er allt blátt. Ég hef notað merkið mikið undanfarin þrjú eða fjögur ár og er í raun orðin áskrifandi af vörunum. Þegar maður kaupir sér vörur aftur, aftur og aftur þá er maður orðinn áskrifandi. Ég nota mikið af vörunum en þær henta þykka hárinu mínu svo vel. Ég hef aldrei notað eina tegund af sjampói jafn lengi eða klárað jafn marga brúsa eins og Clarifying sjampóinu en það er alltaf í sturtunni hjá mér. Nota það einu sinni í viku til að hreinsa hárið extra vel. Allar vörurnar frá Moroccanoil innihalda yndislegu Argan olíuna sem gerir hárið svo silkimjúkt. Mig langaði að segja ykkur í dag frá þremur uppáhalds mótunarvörunum mínum frá Moroccanoil.

BLOW DRY CONCENTRATE

Þetta er nýjasta varan frá Moroccanoil sem er svo hrikalega spennandi. Hönnuð fyrir gróft og óviðráðanlegt hár. Þetta er olía sem maður notar í blautt hár og blæs síðan upp úr. Hárið verður fullkomið eftir á en síðan ég eignaðist vöruna hef ég aldrei ekki notað nýju olíuna. Hárið verður extra mjúkt, viðráðanlegt og fallegt. Ég nota eins og 1-1,5 pumpu í hárið mitt og strík olíunni með fingrunum í allt hárið en legg áherslu á endana.

DRY TEXTURE SPRAY

Þetta er önnur ný vara frá merkinu en þetta er texture spray sem ég hélt kannski að ég myndi aldrei þurfa en ég hef notað þetta gífurlega mikið. Efnið nota ég áður en ég set í mig flugfreyjugreiðsluna og spreyja vel í endana til að fá ýfðara og ýktara lúkk. Snúðurinn verður stærri en að mínu mati, stærri því betri. Flott að spreyja líka í rótina til að fá meiri lyftingu svo að hárið liggi ekki alveg flatt að höfðinu. Nota þetta líka mikið þegar ég er með hárið slegið og vill meiri lyftingu.

LUMINOUS HAIRSPRAY

Það er bara ein hárvara í þessum heimi sem ég gæti ekki lifað án og það er luminous hársprey. Klassísk vara frá merkinu sem ég elska bara svo mikið. Hélt ég myndi aldrei nota hársprey daglega en margir spyrja mig hvernig ég er alltaf með svona ,,sleek” tagl en þetta sprey er trikkið. Ég bleyti hárið örlítið við rótina og spreyja síðan þessu og það helst fallegt allan daginn. Ég þoli nefnilega ekki að hafa öll litlu hárin laus en ég get kennt stanslausum balletæfingum frá 7-17 ára aldurs um það. Spreyjið er létt og gerir hárið ekki of stíft. Ég hef notað þetta sprey mikið í fluginu í sumar og tek það alltaf með mér í stopp. Ég á bæði medium og strong hold af spreyjinu en er hrifnari af medium vegna þess að það er svo auðvelt að greiða spreyjið úr.

Save

Save

Save

Save

Processed with VSCO with f2 preset

Færslan er unnin í samstarfi við Davines og fékk ég vörurnar að gjöf.

DAVINES LOVE

Okay, hvar get ég byrjað! Ég hef haft augastað á hárvörumerkinu Davines í þónokkurn tíma. Veit ekki hvernig það kom til en þið getið rétt ímyndað ykkur hvað ég eyði miklum tíma á erlendum bloggsíðum og les mér mikið til um allskonar vörumerki. Davines er eitt þeirra sem fangaði athygli mína og fyrsta línan sem ég prófaði hjá merkinu er sú eina sanna fyrir mig. Eins og þið vitið flest öll mjög vel er ég með gróft, slétt, þykkt og þungt hár sem þarfnast kannski ekki mikils. En ég vil þó hreinsa hárið vel og vandlega og næra það vel. Hárið mitt á það til að virðast of gróft og of mikið svo ég elska að nota hluti sem gera það mýkra, sléttara og meira ,,smooth”. Það er alls ekki algengt að hárvörumerki hanni vörulínur fyrir gróft og þykkt hár. Þannig hár er nefnilega mjög oft of heilbrigt og þarfnast lítils viðhalds. Davines hannaði línuna LOVE og kolféll ég fyrir umbúðunum, lyktinni, vörunni sjálfri og merkinu í heild sinni. Ég fékk heim með mér þrjár vörulínur frá merkinu en ég hef enn ekki komist í það að prófa hinar (2 mánuðum síðar) því ég hef ekkert annað notað. Ekki halda að ég sé ekki búin að snerta á vörunum vegna þess að ég myndaði sett númer tvö. Langaði ekki að mynda hálftómar umbúðir fyrir ykkur en þessar vörur eru svo góðar að Harry er harðbannað að einu sinni snerta þær. En hvað er svona sérstakt? Ég skal sko segja þér það.

Í fyrsta lagi heitir þessi lína LOVE og skiptist hún í tvo flokka LOVE Smooth og LOVE Curl. Ég er að nota pastelfjólubláu línuna LOVE Smooth. Í Nebrodi fjöllunum á Sikiley vext einstök sæt ólífa sem er einstök. Hún er rík af fitusýrum, vítamínum og andoxurnarefnum. Hún gerir það að verkum að hárið verður mjúkt og olífuna má finna í öllum þremur vörunum í LOVE Smooth línunni. Þessi ólífa er dýrmæt vegna þess að hún er ræktuð eftir aldargamalli aðferð. Vörurnar eru svo sannarlega stórkostlegar og elska ég að horfa á þær á baðkarsbrúninni. Hárnæringin er einstök en hún er ein sú þykkasta sem ég hef prófað og nota ég eiginlega enga aðra þessa dagana. Ég nota hana bæði sem djúpnæringu og venjulega næringu og fer það bara eftir því hvað ég nenni að láta hana liggja lengi í. Það þarf alls ekki að hafa hana lengi vegna þess að hún er svo ótrúlega næringarrík. Eftir þvott nota ég síðan Smootherinn í rakt hárið en ég elska að leyfa lyktinni að vera lengur í hárinu og finna hana í hvert skipti sem ég strík fingrunum í gegnum hárið. Hárið verður silkimjúkt, glansandi og heilbrigt.

Ég næ ekki að setja það í orð hvað ég dýrka þessa línu. Hún er eitthvað sem hefur náð mér gjörsamlega en það er ansi sjaldgæft fyrir fólk með hárgerð eins og mig að finna vörur sem eru sérhannaðar fyrir okkur. Vörurnar eru líka bara svo fallegar og skemmtilegar. Vörurnar hafa unnið til margra verðlauna en merkið er frægast fyrir sjálfbærni sína. Merkið er Ítalskt en það á sér langa sögu að baki. Það er ótrúlega skemmtilegt að lesa um allt sem merkið hefur gert en ég mæli eindregið með að þið lesið ykkur meira til um þessar vörur og skoðið vöruúrval. Það er klárt mál að allir ættu að finna sér eitthvað frá Davines. Í ágúst ætla ég að vera með veglegan gjafaleik og gefa tvær töskur fullar skemmtilegum vörum frá merkinu. Fylgist vel með.

Endilega kynnið ykkur sölustaði Davines hér

 

 

Save

Save

Save

Save

Save

Save

Save

Processed with VSCO with f2 preset

Færslan er unnin í samstarfi við HH Simonsen og hárblásarann fékk ég að gjöf.

HH SIMONSEN BOSS HAIRDRYER

Loksins eignaðist undirrituð vandaðan hárblásara sem virkar á methraða. Ég hef lengi látið mig dreyma um HH Simonsen hárgræju og fyrir um það bil tveimur mánuðum varð þessi flotti hárblásari minn. Hann er ekki bara flottur heldur einnig ótrúlega vandaður. Ég er í skýjunum með hann en hann stytti þurrkunartíma hársins míns um örugglega helming. Hárið mitt þarf kraftmikinn hárblásara og þessi er draumur í dós. Með honum fylgdu allskyns aukahlutir eins og lúxus Wet Brush blástursbursti sem gefur hárinu æðislega lyftingu. Hárblásarinn heitir BOSS og kom í þessum flotta Chrome lit í takmörkuðu upplagi. Mér finnst alltaf jafn gaman að draga hann upp úr skúffunni og nota hann. Hann er bara svo flottur. Hann hefur margar hita stillingar ásamt kælitakka sem ég elska að nota í endann til að kæla niður hárið.

Processed with VSCO with f2 preset

Processed with VSCO with f2 preset

HH Simonsen er danskt merki sem er mjög framarlega í gerð hárblásara og er Boss blásarinn léttur en kraftmikill. Hin magnaða ionic tækni afrafmagnar hárið þegar maður notar blásarann og verður hárið silkimjúkt og létt eftir notkun. Blásarinn er með 2000 vatta AC mótor og hefur þriggja metra langa snúru sem gerir það að verkum að það er ekkert vandamál að koma sér vel fyrir og blása hárið. Boss blásarinn frá HH Simonsen er ekki bara hvaða blásari sem er heldur alvöru tæki sem allar konur ættu að eiga. Sparar tíma og fyrirhöfn og svo er bara svo gaman að nota hann. Nú dreymir mig um að eignast bæði sléttujárn og keilujárn frá merkinu. Þegar maður byrjar getur maður ekki hætt. Í byrjun árs vann HH Simonsen til verðlauna hér á síðunni minni en að mati lesenda framleiðir merkið bestu hárgræjurnar. Ég er þess vegna í skýjunum með nýjustu viðbótina og veit nú alveg hvað lesendur eru að tala um.

Endilega kynnið ykkur útsölustaði HH Simonsen hér

 

Save

Save

Save

Processed with VSCO with f2 preset

Sumar vörur í þessari færslu fékk ég að gjöf aðrar keypti ég mér sjálf.

SUMAR VÖRUR

Inn á baðherbergi er ég með þessa sætu körfu úr Söstrene Grene sem hýsir þær vörur sem eru hvað mest í uppáhaldi þessa dagana. Allar eiga það sameiginlegt að gera húð og hár fallegt fyrir sumarið. Mig langaði að sýna ykkur þær vörur sem eiga heima í körfunni þessa dagana en þær eru allar svo æðislegar og best er að koma þeim fyrir í einni stórri færslu. Það er ótrúlega þægilegt að geyma vörurnar í körfunni vegna þess að það er svo auðvelt að sækja þær og ganga frá þeim snyrtilega.Vörurnar eru ekki bara vandaðar og góðar heldur er ég afskaplega hrifin af  grænum lit núna og er hann í stíl við fallegu nýju handklæðin og baðmottuna.

St. Tropez Gradual Tan Tinted Everyday Body Lotion + Luxe Dry Oil
Varan sem hefur komið mér örugglega lang mest á óvart er nýja gradual brúnkukremið frá St. Tropez sem ég er kolfallinn fyrir eftir að hafa notað einungis nokkrum sinnum. Þið þekkið eflaust klassísk gradual tan brúnkukrem en þetta er allt öðruvísi. Kremið er þykkt og í því er litur sem kemur samstundis því er biðin farin úr sögunni og getur maður í raun borið á sig og labbað strax út úr húsi. Liturinn er einn sá fallegasti og er engin lykt af kreminu sem líkist brúnkukrems lykt. Mér finnst þetta frábær nýjung sem er komin til að vera í notkun hjá mér enda er ég alltaf jafn óþolinmóð að bíða eftir litnum koma. Ég fæ samstundis fallegan jafnan lit og myndi ég lýsa ferlinu eins og ég væri í raun að bera meik á líkamann sem gefur ótrúlegan raka. Mjög sérstakt en stórkostlegt. Tvær aðrar vörur frá St. Tropez eru einnig í miklu uppáhaldi en það eru olíurnar fyrir bæði andlit og líkama. Þær nota ég mikið yfir sumartímann og sérstaklega ef ég er að fara eitthvað spari og ég vil að liturinn sé óaðfinnanlegur. Fæst í verslunum Lyfju og Hagkaup.

Wet Brush Epic Quick Dry bursti
Loksins hef ég fundið hárbursta sem hentar þykka grófa hárinu mínu en þetta er sérstakur Wet Brush úr epic línu merkisins sem er hannaður til að nota með hárblásara en ég nota hann bæði án hans og með. Pinnarnir eru langir og ná þá á nudda hársvörðinn og nær í gegnum allt hárið mitt án erfiðleika eins og svo oft áður. Með því að nota burstann við að blása hárið getur maður hraðað þurkunartíma um allt að 30% og elska ég að nota hann með blásaranum. Burstinn fylgdi með hárblásaranum mínum en ég tel það líklegt að það sé hægt að kaupa hann einan og sér. Epic línan frá Wet Brush er æðisleg og er ég búin að prófa nokkra aðra úr línunni en þessi á hug min allan og er alltaf uppi við. Fæst á hárgreiðslustofum.

First Aid Beauty Cleansing Body Polish with Active Charcoal
Á dögunum hafa bæst í vörulínu First Aid Beauty nokkrar mjög skemmtilegar vörur fyrir líkama og er ég mjög hrifin af nýja líkamsskrúbbinum sem inniheldur kol. Kolin eru mjög fíngerð og nær maður að skrúbba líkamann hátt og lágt á mjög áhrifaríkan hátt. Ég þoli nefnilega ekki skrúbba sem gera ekkert. Þessi vinnur vinnuna sína vel og finnst mér afskaplega skemmtilegt að nota svona öðruvísi vöru. Skrúbburinn hreinsar líka húðina og finnst mér það eiginlega alveg jafn mikilvægt og að hreinsa andlitið. Húðin er silkimjúk og fín. Fæst í Fotia.

Loccitane Almond Beautiful Shape Body Lotion
Á sumrin er gaman að gera eitthvað extra fyrir líkamann og á dögunum kynntist ég Beautiful Shape línunni frá Loccitane en hún er partur af möndlulínunni sem þið vitið hvað ég er hrifin af. Beautiful Shape línan á að hjálpa við að slétta, fegra og stinna húðina og á maður að sjá mun á 28 dögum. Ég ætti eiginlega að segja ykkur frá vörunni þegar ég er búin að nota hana nógu lengi aftur en við fyrstu kynni er hún hreint út sagt ómóstæðilegt. Maður nuddar kreminu á lærin og upp á rass í hringlaga hreyfingum og er tilfinningin mjög kælandi og góð. Sérstaklega eftir að maður skrúbbar húðian vel. Kremið inniheldur koffín og nauðsynlegar fitusýrur sem gera húðina ómóstæðilega. Fæst í Loccitane.

Processed with VSCO with f2 preset

The Body Shop Pinita Colada Sturtugel
Sumarlínan hjá The Body Shop færir manni sumarið heim í sturtu og hef ég (og Harry) verið að nota sturtusápuna úr línunni síðastliðnar vikur. Lyktin er hreint út sagt sumarleg og er maður samstundis mættur á sólarströnd með kokteil í hönd. Sturtusápan frá the Body Shop inniheldur enga sápu og er ég afskaplega hrifin af því þar sem ég er með ofnæmi fyrir flest öllum sápum og fýla þess vegna sturtugelin frá versluninni mjög vel. Ég er strax búin að næla mér í aðra flösku af henni vegna þess að það er alveg típískt að mig langi í meira þegar línan er orðin uppseld. Fæst í The Body Shop.

Davines Hair Refresher Þurrsjampó
Ég er með mjög sterkar skoðanir þegar það kemur að þurrsjampóum og ætla að segja ykkur frá tveimur mjög ólíkum í þessari færslu. Þetta þurrsjampó frá Davines nota ég í þeim tilgangi að líða eins og hárið mitt sé hreint. Sérstaklega eftir æfingu eða á milli þvotta. Tilfinningin er æðisleg og eru fá þurrsjampó sem láta mér líða eins og þetta. Það er ekkert hvíttduft eftir í kolsvarta hárinu mínu sem er enn stærri kostur. Ég vildi helst óska þess að þetta væri til í svona fimm sinnum stærri umbúðum þar sem ég á líklegast eftir að klára þetta alltof alltof hratt. Ég reyni að halda aftur á mér og reyni að nota einungis þegar þess er þörf.  Fæst á hárgreiðslustofum.

Herbivore Botanicals Blue Tansy AHA + BHA Resurfacing Clarity Mask
Eitt af mínum uppáhaldsmerkjum sérhannaði þennan skemmtilega bláa maska sem inniheldur bláa tansy olíu ásamt AHA + BHA ávaxtasýrum sem hreinsa yfirborð húðarinnar og gera það silkimjúkt. Allar vörurnar sem Herbivore hannar og þróar eru hágæða vörur sem innihalda engin skaðleg efni, eru vegan og eru ekki prófaðar á dýrum. Ég kemst ekki yfir það hvað ég er hrifin af þessu skemmtilega merki sem fæst inn á Nola.is og hvet ykkur til að skoða það enn frekar. Fæst á nola.is

Maria Nila Dry Shampoo
Hér er allt öðruvísi þurrsjampó á ferð en þetta þurrsjampó nota ég í raun sem texturizing spray þar sem það gefur hárinu mikla áferð og mikið volume. Ég fæ ekki beinlínis þessa hreinutilfinningu en nota eg þetta í mjög mikilvægt verkefni en það er að gefa hárinu áferð áður en ég festi það í flugfreyjugreiðsluna sem þarf að endast í 12 klst. Spreyjið er frábært í það verkefni og á ég það einnig í minni ferðaumbúðum sem eru komnar til að vera í flugfreyjutöskunni í sumar. Áður en ég geri nokkuð við hárið spreyji ég þessu yfir það allt og haldast greiðslurnar miklu miklu betur. Fæst á hárgreiðslustofum.

Vörurnar verða ekki fleiri í þessari löngu laugardagsfærslu en þetta eru vörur sem ég mæli mikið með og hvet ég þig eindregið til að prófa ef að þú sérð eitthvað hér sem heillar eða heldur að henti þér. Vörurnar eru bara allar svo spennandi og skemmtilegar og finnst mér alltaf jafn gaman að segja ykkur frá vörum.