IMG_0811

ÆFINGAVIKAN #2

Seinasta æfingavika var mjög erfið og á miðvikudeginum hélt ég að ég myndi syngja mitt síðasta en skellti mér þó í spinning tíma seinni partinn en þráði að taka hvíldardag. Ég svaf held ég yfir 25 klst um helgina og fór því vel undirbúin inn í þessa viku hér. Alltaf er jafn fjölbreytt hjá honum Birki okkar og hef ég séð mikinn mun á þolinu mínu hvað varðar æfingar, allar buxur eru orðnar of stórar í mittinu og þar fram eftir götunum. Alltaf gaman að sjá árangur. Mánudagsæfingarnar eru alltaf erfiðastar og ætla ég að segja ykkur æfinguna sem við tókum síðastliðinn mánudag. Flestar æfingarnar voru gerðar uppi á svölunum í Laugum svo að þið getið ímyndað ykkur vegalengdina.

Í vikunni sem leið fórum við á samtals 3 æfingar með Birki, fórum tvisvar sinnum í 45 mínútna spinning, kláruðum allar æfingar á brennslu og fórum á föstudag í Kvið og Bak tíma hjá Birki. Um helgina var síðan hvíld hjá mér í algjöru hámarki.

MÁNUDAGSÆFING

  1. Þrjár umferðir í fótatæki
  2. Þrjár umferðir af háu kassa uppstigi – Hin gerði 12x stiff með 20kg á meðan
  3. Þrjár umferðir af “hamstring” æfingu þar sem þú liggur á bekk
    Fyrstu tvær með báðum fótum í einu – seinasta umferð með eina löpp í einu
    – Hin gerði 20x hnébeygjuhopp á meðan
  4. 100 hnébeygjur með 16kg ketilbjölli (20 í einu) og svo fjórar sprett umferðir á milli
    Þangað til að við vorum búnar að gera 100 hnébeygjur
  5. 4 umferðir af hliðar hopp skrefum hálfaleið og til baka
    – Hin gerði jafnvægisæfingu með ketilbjöllu á meðan frá gólfi og upp í loft
  6. 4 umferðir af hnébeygjuhoppum yfir og spretta til baka
  7. Halda 10 kg lóðaplötu fyrir ofan höfuð og fara 5 umferðir upp og niður stigann
    (fengum refstig fyrir hvert skipti sem við settum plötuna niður)
  8. Skila öllum lóðum á undir 2 mínútum
  9. Fengum 7 refsistig sem þýddi 70 uppsetur á okkur

Untitled-11
Þessi umfjöllun er ekki kostuð.

nikeoskalistinn

NIKE WISHLIST

Þið þekkið mig- alltaf langar mig í eitthvað. Að sjálfsögðu er alltaf fullt fullt af íþróttafötum á listanum mínum og er ég búin að vera með í huganum þessar þrjár flíkur og íþróttatösku. Dri-Fit bolirnir finnst mér ótrúlega fínir og elska ég saumlausa íþróttatoppa. Buxurnar eru enn mjög ofarlega á listanum mínum og finnst mér þær alltaf jafn flottar. Ég er orðin dauðleið á bleiku æfingatöskunni minni og dreymir mig um svona svarta flotta.

Út kvöldið í kvöld er 20% afsláttur af öllum vörum inn á Air.is með kóðanum
THOR1234 svo endilega nýtið tækifærið og nælið ykkur í eitthvað nýtt í ræktina.

Dri-Fit Knit Bolur hér – Seamless íþróttatoppur hér – Taska hér – Buxur hér

KÓÐI: THOR1234

ps. Afslátturinn gildir líka inn á Skór.is
Untitled-1
Þessi umfjöllun er ekki kostuð.

nikeepic

NIKE EPIC RUN LUX

Þið vitið ekki hversu lengi ég er búin að bíða eftir æfingabuxum með flottum “mesh detailum”. Það verður að viðurkennast að það er miklu meira úrval af fötum í æfingaskúffunum mínum heldur en af dagsdaglegu flíkunum. Um daginn nældi ég mér í snáka mynstraðar buxur sem ég sagði ykkur frá og þegar ég sá þessar gat ég ekki hætt að hugsa um þær. Þægilegri verða buxur ekki- sama snið, annað mynstur og mesh-detailar (eða svona þunnt netaefni). Ég er svo svarthvít þessa dagana svo að þessar buxur slógu rækilega í gegn hjá mér en þær koma einnig í rauðbleiku og bláu. Sjálf fann ég þær inn á Air.is. Er búin að nota þær heilan helling í ræktinni og líka bara heima við. Einstaklega smart heima outfit – buxurnar við V-neck og Birkenstock sandalarnir mínir sem eru örugglega besta jólagjöf sem ég hef fengið. Núna verð ég að hætta að versla í æfingafataskápinn og einbeita mér að hinum þar sem ég er mun óánægðari með hann. Finnst ég aldrei eiga neitt til að fara í. Ég var nýbúin að bera á mig brúnkukrem á handleggina þegar ég tók myndina svo ekki dæma hvítu tásurnar mínar, haha! Hér glittir líka aðeins í glænýja parketið á heimilinu sem ég er í skýjunum með. Líður eins og ég eigi heima í Skandinavískum sumarbústað og ég er að elska það.

Nike Epic Run Lux Buxur fást hér og sjálf nota ég XS
Untitled-1

Vöruna fékk ég senda sem sýnishorn.

vitamin

VÍTAMÍN + BÆTIEFNI

Mér datt í hug fyrir nokkru að sýna ykkur og segja ykkur frá þeim bætiefnum sem ég tek inn á hverjum degi sem nokkurs konar viðbót við fæðuna. Það stingur mig alveg í augun að hafa ekki einhverja fallega mynd hér að ofan en það var engin leið að gera þessa færslu “fallega”. Ég er með histamín óþol en það er mjög sjaldgæft svo ég ætla ekki að gera þetta að hundleiðinlegri færslu með því að tala um það endalaust. En ástæðan fyrir því að ég tek inn þessi ýmsu vítamín og bætiefni er einmitt óþolið sem ég er með. Ég hef þurft að taka rosalega margt út úr fæðunni minni og bætt við hinu ýmsu vítamínum og bætiefnum eins og t.d. Quercetin sem er af ætt bioflavoníða og eru þeir taldir stykja háræðakerfið. Það er mikilvægt fyrir mig að taka inn C-vítamín og virkar það sem anti-histamín og eflir ónæmiskerfið. Ég tek inn eina töflu á dag sem er samsett af Quercetin og C-vítamíni sem ég fæ í Heilsuhúsinu. Þetta vítamín er frábært fyrir þá sem þjást af ofnæmum og gegn kvefi og flensu. Einnig á ég til klassískar C-1000 töflur frá Nutra en C-vítamín er ótrúlega mikilvægt til að viðhalda eðlilegri starfsemi ónæmiskerfisins. Þegar mikið er æft og líkaminn er undir miklu álagi er mikilvægt að taka inn nóg af C-vítamíni.

Fyrir einu og hálfu ári síðan kynntist ég Bio-Kult en það eru mjólkursýrugerlar sem bæta meltinguna.  Ég þjáist af miklu bólgum um allan líkama vegna histamín-óþolsins en ég trúði varla mínum eigum augum þegar ég ákvað að prófa tvö Bio-Kult hylki á dag þangað til að ég kláraði kassann og viti minn. Ég var gjörsamlega bólgulaus og hef ég því haldið áfram að taka inn tvær töflur á dag og finn að mér er líka sjaldnar illt í maganum og lífið hreinlega miklu betra.

Einnig tek ég inn B-vítamín frá Nutra sem inniheldur B1, B2, B3, B5, B6 og B12 ásamt fólín og bíótín. B-vítamín eru vatnsleysanleg og tek ég inn eina töflu á dag. B-vítamín eru mikilvæg fyrir hina ýmsu líkamsstarfsemi svo sem starfsemi meltingarfæra, tauga, vöðva, augna, hjarta, æðakerfis og myndun rauðra blóðkorna. B-vítamín viðheldur einnig vexti nagla og hárs. Áður en ég byrjaði að taka þetta B-vítamín tók ég hreinar fólínsýru töflur en læt þessar núna duga. Mæður og barnshafandi konur kannast líklegast við fólínsýru en þær geta orðið fyrir fólinsýruskorti á meðgöngu. Það er mjög sniðugt að taka inn fólín þrátt fyrir að vera ekki barnshafandi!

Fyrir svefninn tek ég inn magnesíum en það hjálpar mér að sofna. Oftast notast ég við bara svona freyðitöflur sem ég set út í vatn en þær áttu að fást í hvaða matvöruverslun sem er. En magnesíum er eitt af mikilvægustu efnunum sem líkaminn notar til að byggja upp bein. Það tekur þátt í framleiðslu próteina og stuðlar að eðlilegri vöðva- og taugastarfsemi.  Ég á samt stóran poka af magnesíumflögum sem ég á enn eftir að prófa en ég mun klárlega segja ykkur frá því um leið og ég skelli mér í kvöldfótabað. Með því að setja magnesíum út í fótabað eða bað skilar það sér beint í gegnum húðina og inn í frumur líkams skjótt og örugglega.

Verið nú dugleg að taka vítamínin ykkar! Ég geymi mín hliðin á vaskinum í eldhúsinu svo ég gleymi aldrei að taka þau. Ég er búin að bæta við sérstökum lið hér uppi sem ber nafnið “Heilsumánuður” og geturu skoðað allar janúar færslurnar saman þar. Næst á dagskrá hjá mér er að panta mér bætiefnið DAOsin erlendis frá en það á vera snilld fyrir histamín-óþol-endur eins og mig.

VÍTAMÍN & BÆTIEFNI

Quercetin fæst í Heilsuhúsinu (hér
Bio-Kult fæst í Heilsuhúsinu (hér) og verslunum Lyfju
B-Vítamín frá Nutra fæst í næstu Bónus og Hagkaup (hér)
C-1000 frá Nutra fæst í næstu Bónus og Hagkaup (hér)
Magnesíum fæst í næstu matvörubúð
  Magnesíumflögur fást hér með fótabaði

Untitled-1