Ég var í fríi í dag svo það var tilvalið að bjóða kallinum með sér í létt lunch á nýja staðnum Local í Borgartúni. Helga Gabríela vinkona mín er nú meiri snillingurinn og fékk að velja og valdi Sesame salatið ofan í mig og namm namm namm slefa þegar ég er að skrifa þetta. Þegar það er Sesame salat á matseðlinum get ég ekki neitað. Ég er líka algjör sucker fyrir að hafa sætar kartöflur í öllu sem ég borða- skrýtið en namm! Þessi staður er alveg eins og einn staður sem ég borðaði á 3x í viku þegar ég bjó í Los Angeles en hann var beint á móti skólanum mínum og við getum sagt að ég hafi nú verið aldeilis fasta kúnni því þegar ég labbaði inn byrjuðu salat gæjarnir að búa til mitt uppáhalds salat. Mér finnst ótrúlega gaman að sjá þessa týpu af veitingastað á Íslandi og bætist enn einn staðurinn við þar sem hægt er að fá sér hollan skyndibita. Local fær 5 stjörnur af 5 mögulegum frá mér- kallinum fannst líka Mexican salatið æðislegt og vorum við pakksödd eftir heimsóknina á Local. Ég sé fyrir mér þónokkrar heimsóknir á Local í náinni framtíð.

Skora á ykkur að fara og prófa!

Looking for Something?