Graskerssúpa með kjúklingabaunum + Avocado // Þessi færsla er ekki kostuð.

MINDFUL EATING

Ef að þið fylgist með mér á Snapchat þá ættuð þið að vita að nýverið tók ég mataræðið mitt í gegn. Ég þurfti að endurskoða matarvenjur mínar vegna þess að ég er með sjúkdóm sem hefur mikil áhrif á mig og hafði ég lesið mér mikið til um hvernig ég gæti borðað mig í átt að betra lífi. Það sem felst í því er að endurskoða alveg hvað ég væri að setja ofan í mig. Ákvarðanir mínir fyrir það voru ekki í takt við það sem líkami minn þarfnaðist og ég tók yfirleitt hraðar ákvarðanir og hugsaði lítið um afleiðingarnar. Hvernig vissi ég að þetta hefði slæm áhrif á mig? Ég fann það í formi vanlíðan og bólgna. Ég vissi að ég þyrfti að búa til nýja rútínu en ég hef oft gert það áður en það hefur yfirleitt verið öfgakennt og hef ég ekki náð að halda mér við efnið til lengdar. Þá var ég heldur ekki að spá í hvernig ég vildi nota mat til að lækna líkamann minn heldur hugsaði ég bara um að borða fæðu sem innihélt ekki kolvetni eða innihélt mikið prótein. Til þessa hefur það ekki virkað fyrir mig en núna 15 vikum seinna á “plant based diet” hefur mér aldrei liðið jafn vel. Aldrei hefur mér liðið eins og ég væri ekki í neinu átaki og er ég miklu meðvitaðri um það sem ég set ofan í mig. Ég þarf að úthugsa hverja einustu máltíð en algjörlega án þess að það sé kvöð eða pína.

Ég var búin að reyna að leita svara útum allt en svarið var beint fyrir framan mig og einn góðan veðurdag ákvað ég bara að hætta að setja ofan í mig kjöt. Í beinu framhaldi langar mig að taka út allar mjólkurvörur en ég vildi heldur ekki tileinka mér “plant based diet” á einni nóttu og lenda síðan á vegg.  Ég er ekki búin að ná að taka þær fullkomnlega út en ég er á réttri braut og loksins hef ég gaman af matargerð og ég elska að grúska í matnum sem ég set ofan í mig. Frá því að ég var krakki hafði ég borðað kjöt og dýraafurðir útaf því að mér var sagt að gera það og ég hlýddi (ekki alltaf samt). Ég hef aldrei haft gaman af því að borða kjöt og var það yfirleitt það sem varð eftir á disknum. Það er ekkert sem heitir töfralausn eða formúla en fyrir mér er þetta beinlínis mín skilgreining á “mindful eating”. Þetta er allt glænýtt fyrir mér en ég ætla leyfa ykkur að fylgjast með ferðalaginu mínu. Áður fyrr var ég ekki að borða það sem líkaminn þarfnaðist. Eftir örfáar vikur af “mindful eating” sé ég mikinn mun á líkamanum og hafa bólgur í líkamanum minnkað til muna sem höfðu hrjáð mig lengi.  Ég er mikil rútínu manneskja en það er líklegast meyjan sem skín í gegn. Ég vil alltaf hafa allt í röð og reglu og hentar þetta líferni mér vel. Núna vanda ég valið og fæ öll mín næringarefni úr plönturíkinu og hef gaman af! Til þess að hjálpa mér í þessu öllu saman hef ég verið að elda 3 vegan máltíðir frá Eldum Rétt á viku og hefur það einnig hjálpað mér gífurlega að læra að elda mat sem inniheldur ekki dýraafurðir og get ég ekki mælt meira með þessari þjónustu.

Ég hlakka til að leyfa ykkur að fylgjast betur með en allt fer þetta fram á Snapchat, notendanafnið mitt þar er: thorunnivars

 

Save

Save

Save

Save

Færslan er unnin í samstarfi við MS.

MY FAVORITE GREEK YOGURT RECIPE

Síðastliðnar vikur er búið að ganga yfir grískt jógúrt æði á mínu heimili. Grískt jógúrt er ein af fáum mjólkurvörum sem ég neyti og ást mín á því dvín ekki. Ég elska að fá mér stóra skál af grísku jógúrti með allskyns góðgæti á morgnanna eða sem millimál. Það er ótrúlega auðvelt að búa til fallega skál af grísku jógúrti. Í fyrsta lagi er grískt jógúrt stútfullt af kalki, kalíum, próteini, sinki, B6 og B12 vítamínum. Grískt jógúrt er þykkt, kremað en það er vegna þess að vökvinn er síaður í burtu. Grískt jógúrt inniheldur einnig góðgerla og lágt hlutfall laktósa miðað við önnur jógúrt. Það er ein af ástæðunum fyrir því að ég held því inni í minni rútínu en svo finnst mér það líka svo bragðgott. Ég blanda mörgum skemmtilegum hlutum saman til að fá hið fullkomna jógúrt en þar má nefna mórber, cacao nibbur, granóla, hunang og fersk jarðaber. Mórberin smakkaði ég nýlega en þau eru svo ótrúlega bragðgóð en þau eru svipuð og rúsínur en að mínu mati svo miklu betri. Mórberin innihalda líka minni sykur, meira af andoxunarefnum og steinefnum heldur en hefðbundna rúsínan. Hér fyrir neðan ætla ég að deila uppskriftinni af mínu uppáhalds gríska jógúrti en það er sannkölluð vítamín- og steinefnabomba. Það besta við þetta er líklegast það að það er svo auðvelt að taka þetta með sér í nesti.

Ég byrja á því að setja grískt jógúrt í skál en ég nota yfirleitt 3-4 matskeiðar af grískri jógúrt. Næst strái ég svo yfir jógúrtina acai púðri og maca púðri.
Næst set ég hálfa lúku af granóla, mórber, kakónibbur og fersk jarðaber. Síðast set ég eina teskeið af hunangi yfir og áður en ég borða það hræri ég öllu saman í graut, namm namm!

4 matskeiðar af grískri jógúrt frá MS
1 tsk hunang ég nota frá Cartwright & Butler
Hálf lúka Granóla frá Food Doctor (fæst í Nettó)
Hálf lúka af mórberjum frá Himneskri Hollustu
1 tsk Acai púður
1 tsk Maca púður
  10-15 Cacaonibbur
Fersk jarðaber

Save

Save

Save

Save

Save

Save

Save

Færslan er unnin í samstarfi við Aperol.

SUMAR SPRITZ 2017

Veðrið er kannski ekki alveg í takt við árstíðina en ég hef alltaf gaman af því að gleðja sjálfa mig með bragðgóðum og fallegum kokteil. Ef að þið flettið upp í orðabók “girly girl” þá kemur mynd af mér. Ég er alveg þessi típíska sem elskar sæta kokteila og hvað þá þegar þeir innihalda smá bubbly. Í samstarfi við Aperol ætla ég að sýna ykkur uppáhalds kokteilinn minn í sumar en ég ákvað að setja saman auðvelda uppskrift fyrir ykkur hér fyrir ofan sem gott er að hafa til hliðsjónar. Ískaldur svalandi kokteill í sumarhitanum eða jú ofan í heitum potti í bústað er það allra besta. Aperol Spritz eða Sumar Spritz eins og ég kalla hann er sumarkokteillinn 2017 en er jafn auðvelt að gera hann eins og að telja upp á og 1,2,3. Eins og þið sjáið þá er auðvelt að leggja uppskriftina á minnið. Þú þarft ekki að hrissta hann saman heldur getur þú blandar strax í glös eða í stóra skál til að gera bollu. Mundu bara að hafa nóg af klaka og alls ekki gleyma appelsínusneiðinni. Það er hægt að gera fjölmargar útgáfur af Aperol Spritz en sú klassíska er í uppáhaldi hjá mér en það er um að gera að prófa sig áfram. Mig langar að prófa að gera Aperol kokteil með rosé, engifer og sítrónu.

Ég hlakka mikið til að sötra á þessum í bústaðnum um helgina!

 

 

Save

Save

Save

Save

Save

Save

Save

Save

Save

Save

Save

Færslan er unnin í samstarfi við Hatting.

BREAKFAST IN BED

Uppáhalds morgunmaturinn minn síðasta ár hefur verið avocado toast og rjúkandi heitur kaffibolli. Á Snapchat í morgun sýndi ég lesendum hvernig ég bý til hið fullkomna avocado toast en vanalega stappa ég avocadoinn en þessi var ekki orðinn alveg nógu þroskaður til þess. Núna hef ég verið að nota súrdeigsbrauðbollurnar frá Hatting. Þau eru bökuð í steinofni með sömu tækni og hefur verið notuð í yfir 3000 ár. Steinofnsbakstur er öðruvísi en venjulegur bakstur að því leyti að hinn hái hiti steinsins gerir skorpuna sterka og stökka og helst rakinn betur inn í brauðinu. Þess vegna koma þessar bollur út úr ofninum mínum mjúkar að innan en stökkar að utan. Alveg eins og ég vil hafa þær. Ofan á þær smyr ég síðan rjómaosti, legg yfir avocado sem ég krydda síðan með cayenne pipar og himalaya salti og strái síðan söxuðum tómat yfir. Kaffibollinn í dag var vanillubolli frá Nespresso sem tónar vel við. Ég mæli með því að gera vel við sig á frídögum (eins og þessi mánudagur er hjá mér í dag) og fá sér yndislegan, bragðgóðan og líka fallegan morgunverð. Ég vel alltaf súrdeigsbrauð fram yfir önnur vegna þess að mér finnst þau í fyrsta lagi mun bragðbetri en líka vegna þess að þau eru auðmeltanlegri, rík af B vítamínum og margt margt fleira. Ég keypti allt hráefnið sem ég talaði um í Krónunni.

Þú þarft:

Hatting Súrdeigsrúnstykki
Rjómaost eða létt smurost
Avocado (hægt að stappa eða skera)
Tómat
Cayenne Pipar
Salt

Save

Save

Save

Save

Save

Save

Processed with VSCO with f2 preset

PROJECT: HOME BAR

Loksins lét ég verða að langþráðum draum. Eins og þið getið kannski ímyndað ykkur ligg ég yfir síðunni Pinterest endrum og eins. Oft slysast ég inn á hana og ég hef verið að skipuleggja með hjálp Pinterest hvernig ég gæti á skemmtilegan hátt útfært lítinn heima bar. Ég sá fyrir mér dökkan bakka með örfáum munum. Ég verð seint talin drykkjumanneskja en þá er gott að hinn helmingurinn er mikill áhugamaður um whiskey og gat ég notað það sem afsökun. Mér finnst svo smart að hafa lítinn bar heima og valdi ég mjög vel hvað færi á fallega marmarabakkann sem ég festi kaup á í Snúrunni í gær. Hinn helmingurinn hafði nýverið fest kaup á þetta flotta whiskey sem er akkurat í þeim umbúðum sem ég sá fyrir mér. Ótrúlega gamaldags og flott. Síðan raðaði ég tveimur whiskey glösum sem ég á frá Normann Copenhagen sem fá að njóta sín á bakkanum. Alltaf þegar ég fer í Snúruna fer ég strax inn í horn þar sem Finnsdóttir vörurnar eru hýstar. Ég verðlaunaði sjálfa mig þess vegna með bakkanum og þessum litla fallega kertastjaka (þessi hvíti). Síðan setti ég Issey Miyake vasann minn frá Iittala á bakkann og þá var barinn fullkomnaður. Ég vil alls ekki hafa of mikið og finnst þetta smartast svona látlaust. Með tímanum mun þetta síðan breytast en mér finnst svo fullorðinslegt að hafa svona smart bar á heimili.

Marmarabakki frá Skjalm P fæst hér – Teljós frá Finnsdóttir fæst hér – Normann Copenhagen whiskey glös fást hér – Iittala x Issey Miyake vasi

Save

Save

Save