DREAMING OF: STOCKHOLM

LOKSINS! Loksins er ég á leið til Stokkhólms en mig er búið að dreyma um ferð þangað ótrúlega lengi. Sem krakki eyddi ég miklum tíma í Svíþjóð þar sem föðurfjölskyldan mín býr. Ég hef í raun ferðast um alla Svíþjóð en hef aldrei stoppað lengi í Stokkhólmi eða minnsta kosti ekki svo ég muni eftir. Núna verður breyting á en ég er á leið í helgarferð með vinkonum mínum þeim Gyðu Dröfn & Alexsöndru Bernharð í byrjun nóvember. Við ætlum í stutta helgarferð frá föstudegi til sunnudags og gistum á Haymarket Scandic hótelinu í Norrmalm en hótelið liggur við Drottningatan og er þess vegna virkilega stutt fyrir okkur stöllur að hoppa í búðir. Þetta verður sannkallað ævintýri en ég mæli með því að fylgjast með þessari ógleymanlegu ferð á Snapchat hjá okkur @thorunnivars, @gydadrofn og @alexsandrabernh (ekki gleyma s-inu). Ég hef ekki hugmynd um hvað mig langar að gera og sjá í Stokkhólmi en það eina sem ég er handviss um er að ég ætla að fá mér eina væna sneið af Prinsessutertu.

Ef að þið mælið með einhverju fyrir okkur að gera þá megið því endilega deila því með mér hér fyrir neðan í athugasemdum.

Save

Save

Save

Save

Bikiníið er frá Triangl og fæst hér

POSTCARD FROM MONTRÉAL

Ég eyddi tveimur síðustu dögum í borginni Montreal sem mig hafði dreymt um að heimsækja síðan ég var barn. Veðrið hefði ekki getað verið betra en það voru 26 gráður og sól allan tíman. Leið mín liggur aftur til Montreal í júní svo ég hef nægan tíma til að kynnast borginni en hún hefur upp á svo margt að bjóða. Borgin er frönskumælandi sem gefur henni ákveðinn sjarma en ég verslaði í skemmtilegum búðum, borðaði á góðum veitingastöðum og slappaði af í flottustu heilsulind sem ég hef augum litið. Myndin hér að ofan er af Bota Bota Spa sem er heilsulind á gömlum fljótabát. Ég var búin að bóka tíma í nudd fyrir fram og fór í slökunarnudd á bátnum og lá síðan í nokkra klukkutíma í pottunum eða á bekk og naut sólargeislanna. Bota Bota er eitthvað sem maður verður að prófa ef maður á leið til Montreal og gerði góða veðrið upplifunina enn betri. Við borðuðum á æðislegum veitingarstöðum og má þar nefna: The Keg, Maggie Oakes í Old Port, Les 3 Brasseurs en þar mæli ég með bakaða camembert ostnum. Næst ætla ég að prófa sushi á Kyo og morgunmat á Olive & Gourmando.

Save

Save

Save

// Mæli með: SUPERFOODS AND ORGANIC LIQUIDS, Weinbergsweg 23, 10119 Berlin

// ANNE FRANK ZENTRUM – Safn

// Skemmtilegir bakgarðar og verslanir í Hackesacker Hof

// Ég og grunnvatnsleiðslurnar í Berlín sem má finna um alla borg í mismunandi litum

// Mæðgur við minnisvarða gyðinga

// Mæli með: House of Small Wonder í brunch/lunch (Ég pantaði mér Eggs Benedict og það var æðislegt)

POSTCARD FROM BERLIN #2

Það er sko mikið búið að skoða hér í Berlín en við mamma höfum haft það yndislegt hér. Veðrið er búið að leika við okkur þó að það sé nú ekki mjög heitt. Við erum búnar að skoða ansi margt á stuttum tíma en Berlín hefur upp á svo margt að bjóða. Í gær eyddum við deginum í Kaufhaus de Westens eða stærstu verslun Evrópu sem er oftast kölluð KaDeWe þar snæddum við morgunmat á efstu hæðinni og horfðum yfir borgina. Versluðum inn hitt og þetta og snæddum síðan kvöldverð á stað sem ber nafnið Madami við Alexanderplatz. Í dag byrjaði dagurinn á ansi girnilegum morgunverði á stað sem ber nafnið Superfoods and organic liquids þar sem við nærðum okkur vel fyrir daginn. Heimsóttum Anne Frank safnið sem var ansi fróðlegt en við mæðgur komum ansi ríkar af vitneskju heim eftir þessa ferð. Síðan var búið að mæla með stað við mig sem ber nafnið House of Small Wonder en þar snæddi ég ótrúlega gott Eggs Benedict og eins þið sjáið fyrir ofan var útlitið á veitingastaðnum mjög flott. Á morgun liggur síðan leiðin heim á við en við erum búin að njóta í botn í Berlín en borgin er búin að koma mér svo sannarlega á óvart. Hótelið okkar er staðsett á Museum Island en við erum virkilega misvæðis og stutt í alla þjónustu og beint fyrir utan neðanjarðarlestarstopp. Ég notaði hotwire.com til að bóka gistinguna og ég mæli með þeirri þjónustu.

Fyrir ykkur ferðalanga er hér listi yfir allt sem við
erum búnar að komast yfir á skoða á fjórum dögum:

Gönguferð með Berlínum, hér
Reichstag Building
Neðanjarðarbirgi Hitlers
Minnisvarði um Sinti og Roma
Kanslarahúsið
Hauptbahnhof
Brandenburgarhliðið
Memorial of Berlin Wall
The Holocaust Memorial & Museum
Museum Island
Berliner Dom
Palace of Tears
Kaufhaus De Westsens
Anne Frank Zentrum
Potsdamer Platz
Topography of Terror Museum

Veitingastaðir:
Madami, víetnamskur
Brauhaus Georgbaeu, þýskur
Superfoods and organic liquids, morgunverður
House of Small Wonder, brunch/lunch
LeBuffet, KaDaWe, morgunverður

Save

Save

Save

Save

Save

Save

Save

Save

POSTCARD FROM BERLIN #1

Þá er komið af fyrstu ferðasögunni en við mamma erum mættar til Berlínar og höfum eytt rúmum sólarhring í borginni. Við erum búnar að ganga alla borgina endilega liggur við og erum komnar í hvíld upp á hótelherbergi eftir ansi góðan dag í. Í gær óðum við blint en enduðum í siglingu um Spree-ið sem var fínt til að byrja að kynnast borginni. Skoðuðum TV Tower, Alexanderplatz og fullt af flottum byggingum meðfram Spree-inu. Um kvöldið tók svo við ekta þýskur kvöldverður á Georgbrau Brugghús sem er staðsett við Spree-ið (ánna). Þar átum við kvöldverð að þýskum sið og sötruðum bjór og borðuðum schnitzel. í dag byrjuðum við daginn á morgunverði á hótelinu og fórum siðan í gönguferð með Berlínum um borgina sem var hreint út sagt æðisleg. Við fengum einkatúr um borgina og fræddumst um sögu borgarinnar (BERLÍNUR hér). Við heimsóttum Reichstagbuilding, Brandenburgarhliðið, kanslarahúsið, lestarstöðina, neðanjarðarbirgi úr seinni heimstyrjiöldinni, Potzdamer Platz, Berliner Dom og minnisvarða um gyðinga. Heimsóttum líka Jewish Museum og Topographie des Terrors safnið og mæli ég með öllum þessum ofangreindum stöðum. Í kvöld ætlum við að taka því rólega en verslanir borgarinnar opna loksins á morgun og ætlum við að eyða deginum á einhverri verslunargötu í borginni.

Ps. Minni á að þið getið skoðað dálkinn hér fyrir ofan “Ferðalög” til að skoða meira um ferðina eða aðrar ferðir

Save

Save

Save


Looking for Something?