Færslan er unnin í samstarfi við Vagabond

VAGABOND SAIDE

Þó veðrið leiki okkur grátt þá þýðir það ekkert að maður geti ekki á sig blómum bætt og fengið sér eitt par af extra sumarlegum skóm. Ég elska svona ,,mules” eins og þeir kallast og á eina svarta í skósafninu fyrir. Kolféll síðan fyrir þessum frá Vagabond sem eins og allir aðrir frá Vagabond eru þeir þægilegir og vandaðir. Liturinn kallaði bara á mig en þeir fást einnig í sand lituðu og svörtu. Skórnir eru úr flauelsmjúku rúskinni og er hællinn breiður en ekki of hár. Þeir poppa upp hvaða dress sem er hvort sem að það eru gallabuxur eða síðkjóll í brúðkaup. Ég er búin að nota þá við alveg svartar múnderingar og leyfi þá skæra bleika litnum að njóta sín. Extra sætir líka þegar maður er með fölbleikt eða nude naglalakk á tásunum. Mæli með að kíkja einnig á útsöluna í Kaupfélaginu en þar er að finna fullt af guðdómlegum Vagabond skóm á góðu verði.

Skórnir fást í Kaupfélaginu Kringlunni & Smáralind // og á netinu hér

 

1.Þrír stuttermabolir saman hér 2. Bleikur toppur hér 3. Röndótt þunn peysa hér 4. French Bulldog náttföt hér

ASOS MATERNITY WISHLIST

Í kringum miðja meðgöngu pantaði ég mér síðast meðgöngufatnað á Asos og það kom mér mikið á óvart hvað ég hef notað fötin mikið. Nú er eiginlega komið að því að ég er farin að geta notað færri flíkur úr fataskápnum og þarf að bæta nokkrum við svo að ég sé ekki alltaf í því sama. Þetta er það sem er á óskalistanum í augnablikinu en þægileg föt er í uppáhaldi en sætur toppur eins og þessi bleiki kæmi sér vel þegar maður er að fara eitthvað út. Keypti mjög sætan svartan topp síðast sem ég hef notað mjög mikið enda fullkominn við vaxandi kúlu. Daman er í þvílíkum vaxtarkipp og það er orðið erfiðara að klæða sig en það hjálpar mér að eiga nokkrar góðar flíkur sem henta meðgöngunni og get raðað saman við annað úr fataskápnum. Á næstu vikum deili ég síðan með ykkur þeim vörum eða fatnaði sem mér hefur þótt ómissandi frá 16 viku.

Færslan er unnin í samstarfi við Vagabond

NEW IN: SUMMER SNEAKERS

Get nú ekki alveg sagt að ég sé nýbúin að fá mér þessa en ég er búin að þramma á þeim í um það bil mánuð. Vinkona mín skartaði þeim um daginn og kolféll ég fyrir þeim og varð að eignast eins. Hún býr erlendis svo það var í góðu lagi að herma. Var ansi glöð þegar hún minntist á að skórnir væru frá Vagabond sem er eins og þið vitið uppáhalds skó merkið mitt og til allrar hamingju voru þeir fáanlegir hér á landi. Skórnir eru þægilegir, úr leðri og með frönskum rennilás sem að kemur sér vel með stækkandi kúlu framan á sér. Þeir eru flottir við bæði hversdags og sparileg dress og vekja þeir alltaf ákveðna lukku. Stílhreinir og minimalískir eru þeir nefnilega. Flottastir finnst mér þeir við svartar gallabuxur, röndóttan bol og síða svarta þunna kápu en því dressi hef ég klæðst ansi oft síðustu vikurnar. Skórnir gefa vel eftir, eru mjúkir og laga sig að fætinum á stuttum tíma. Ég tók þá með mér erlendis og notaði þá bæði sem ferðaskó og þrammaði á þeim daginn inn og daginn út í hitanum. Þessir fá að minnsta kosti toppeinkunn frá mér eftir að hafa notað þá upp á dag í um það bil mánuð.

Skórnir fást í verslunum Kaupfélagsins en einnig á netinu hér

Færslan er unnin í samstarfi Optical Studio

GUCCI SHADES FOR SPRING

Á hverju ári þegar það byrjar að vora lætur sólin loksins sjá sig og er það ákveðinn vorboði þegar maður getur varla sest undir stýri án þess að setja upp sólgleraugun. Ég fékk að velja mér þessi guðdómlegu gleraugu frá Gucci í samstarfi við Optical Studio en ég var ekki lengi að reka augun í klassíska græna litin sem hefur einkennt Gucci í ára raðir. Þykk chunky tortoise umgjörðin setur punktinn yfir i-ið.  Þau eru látlaus en samt svo sérstök en þannig er ég nú vön að vilja hafa hlutina. Sólgleraugnalínan frá Gucci fyrir vorið er hreint út sagt stórkostleg og ættu allir að finna sér eitthvað við sitt hæfi. Hún er blanda af nýju og retro lúkki en það má finna bæði ný og gömul Gucci logo á gleraugunum sjálfum. Mörg gleraugnanna eru “over the top” en önnur látlausari og jafnvel fíngerðari. Öll eiga það þó sameiginlegt að vera ekta Gucci. Það eru líka ekki bara gleraugun sem eru áberandi heldur allt sem þeim fylgir en kaupandinn fær tækifæri á að velja lit á hulstri að eigin vali og var ég ekki lengi að velja mér emerald grænt hulstur sem klætt er að innan með satín efni í ferskjutón. Það er beinlínis bara gaman að opna hulstrið og setja upp gleraugunum. Ég mæli sérstaklega með því að gera sér ferð og skoða gleraugun en sjón er sögu ríkari, ferðin þarf þó ekki að vera löng því Optical Studio hefður opnað stórglæsilega netverslun þar sem þessi ásamt fleirum eru til sölu.

Í tilefni opnunarinnar langaði mig að bjóða lesendum mínum 20% afsláttarkóða: thorunnivars sem gildir frá 5.-8.apríl næstkomandi. Optical Studio býður upp á frían sendingarkostnað og hægt er að skipta vörunum í verslunum Optical Studio í Smáralind og Keflavík (ekki í Leifsstöð).  Í netverslun er hægt að finna allt það vinsælasta frá Gucci, Ray Ban og Versace.


Looking for Something?